婆婆過馬路「衝燈尾」失平衡面朝下仆倒 車cam片主籲大家體諒卻挨轟

大家都知道，如遇行人過路燈上的「綠色公仔」閃動時，就不應橫過馬路。日前有行車記錄儀的片段流出，只見一位婆婆因「衝燈尾」而不慎失平衡，臉朝下地仆倒在斑馬線上，當時身邊幾個「衝尾燈」的過路人都即刻上前扶起她！

網斥：點體諒佢？佢唔體諒自己老

片主在社交平台專業PO出片段，並呼籲大家「體諒老人過馬路」但是卻引來網友的抨擊。大家紛紛留言「活了80年，唔肯等多一兩分鐘」、「佢唔係行得慢，係想做賽跑冠軍」、「唉！成日唔明咁心急做乜！老友記就用返老友記嘅節奏啦」。亦有網民坦言，「點體諒佢？而家有人催佢咩？而家係佢唔體諒自己老，仲衝住過馬路，搞到自己跌親」。

網勸：以前點叻心態就要放棄，要慢活

不少網民擔心婆婆的傷勢「老人家跌親好大鑊」、「面撞地好傷，希望呢位婆婆冇事啦，感謝好心人扶佢」、「老人家跌親真係唔講得笑，隨時骨折好大件事，出街唔好心急，等多盞燈囉」、「呢個老人家最好去醫院檢查下，頭撞地好危險」，又勸喻喜歡衝燈尾的老人家「要明白自己已日漸衰老身體會逐漸力不從心，以前點叻心態就要放棄，要慢活」。

運輸署：「綠色人像」閃動時 不可橫過馬路

根據運輸署網頁，交通燈「綠色人像」燈號閃動時，不可開始橫過馬路。《道路交通（交通管制）規例》（香港法例第374G章）第33(6)條清楚列明，在交通燈控制過路處，行人必須遵從交通燈指示，任何「無合理辯解」違反條例者，可處罰款2,000元。

運輸署。資料圖片

大埔宏福苑於11月26日發生五級大火，至今已造成逾百人罹難，包括一名殉職消防員，多人失聯。這場災難引發各界關注地盤防火及安全管理，近日本港有地產商推出「最強」的地盤禁煙措施。新規定不僅禁止吸煙，更將管制範圍擴大至攜帶香煙，違者將面臨高額罰款及永久禁止進入所有旗下地盤。

大埔宏福苑大火，至今已造成逾百人罹難

據網友在threads平台分享的圖片可見，該禁令已於12月1日正式生效，列明任何工人若被發現攜帶煙包，將被罰款5000元並即時驅離地盤，同時會被「永不錄用」。發展商更會通知總部，取消違規者所有地盤的入閘許可。

網上圖片

示意圖片

公告上方引用了大埔宏福苑五級火警的新聞，指火災疑因工人在棚架吸煙引起，並配圖質問「阿生，你又喺度食煙呀 ？」，以加強警示作用。

網民紛紛熱議這份地盤「最強禁煙令」：「直頭整個工人名冊, 喺一個地盤因為咁而被炒嘅其他地盤都唔請, 我諗就冇人再敢喺地盤内面亂咁食煙」、「希望可以永久執行，並希望所有地盤加入 禁煙地盤將會成為香港人考慮是否買入因素之一」