去年曾傲棐（Arvin）跟女團Lolly Talk成員Sinnie合作年度Medley，影片上架後，即一度停留Youtube熱門音樂影片二十大。今年Arvin再下一城，他的「年度歌曲精選Medley」企劃，找來今年殺入「叱咤2025我最喜愛組合」五強之一的樂隊「晚安莉莉」一齊玩，將2025年的年度歌曲一次過大晒冷！
今年與「晚安莉莉」一齊玩
去年影片成績亮眼，今年更犀利！影片上架未夠24小時，已經極速衝上YouTube香港區熱門影片榜二十大，兩日內更升至第九位，不少網民都話要瘋狂重溫，又謂是每年最期待的影片之一。問到是否想將這個Medley變成年度指定動作，Arvin話：「希望有呢個能力啦！每年都有好多好歌，有啲係Greatest Hit，有啲係遺珠。做呢個Project除咗想大家回顧一年嘅作品，都想自己聽返啲聽漏咗嘅好歌。」
點擊看圖輯
做呢個Project除咗想大家回顧一年嘅作品，都想自己聽返啲聽漏咗嘅好歌。
做呢個Project除咗想大家回顧一年嘅作品，都想自己聽返啲聽漏咗嘅好歌。
找來「晚安莉莉」合作，原來他們早於今年八月的「JFFTLIVE音樂擂台現場版」已經結緣，「演唱會搵咗佢哋，然後上年又搵咗Sinnie（晚安莉莉主音），佢哋（晚安莉莉）又作為今年新人單位，成件事就好自然咁樣走埋咗一齊。」佢就超級興奮：「唔理大家覺得夾唔夾硬，啲歌編排夾唔夾，或者出嚟效果好唔好聽，我哋就玩得好爽！好少有呢種一齊Produce件作品出嚟嘅感覺。」一年下來有不少歌曲推出，Arvin揀歌準則直接又霸氣，「每年都係一樣：我哋中意。」問到眾多歌曲中他最喜歡哪一首？他笑着說：「《第三人稱》，唔係唔推自己歌下話！」
玩得好爽
影片出街後，除了獲得不少網民大讚「好正」，同時亦有網民留言指Arvin跟Sinnie合作很有火花，畫面好Sweet，Arvin搞笑回應：「我係清白的。」唔知fans收唔收貨呢？除此之外，Arvin又透露正在籌備拍攝更多音樂向的影片，目的是自肥一番，「俾自己過多啲歌癮，但講到年度歌曲咁就梗係keep返一年做一次就夠晒數，哈哈。」
有網民留言指Arvin跟Sinnie合作很有火花
人氣女團Lolly Talk四位成員包括Yanny、Tania、Ah Yo、Mei Mei日前合體出席南豐紗廠「RE-LOVE綠續生活節」，輪流擔任復古市集限定店長，為粉絲於店內尋寶拼出Y2K風格穿搭。4人亦與粉絲歌迷一同參與工作坊，親手穿製以回收物料升級再造波板糖造型鎖匙扣，吸引現場過百名「波板糖」圍觀支持。
Lolly Talk四位成員包括Yanny、Tania、Ah Yo、Mei Mei合體出席南豐紗廠「RE-LOVE綠續生活節」
Lolly Talk四位成員包括Yanny、Tania、Ah Yo、Mei Mei合體出席南豐紗廠「RE-LOVE綠續生活節」
Lolly Talk與粉絲歌迷一同參與工作坊
Lolly Talk與粉絲歌迷一同參與工作坊
Lolly Talk為粉絲於店內尋寶拼出Y2K風格穿搭
吸引現場過百名「波板糖」圍觀支持
Lolly Talk：期待各成員升級後齊聚開Show
Lolly Talk出席的4位成員都表現得非常雀躍開心。Yanny：「好多謝南豐紗廠今次搵我哋出席活動，有一半成員已經好開心好難得，畢竟我哋依家各有各忙，要夾到所有人嘅期係好難。」Tania補充：「但我哋都好期待全員到齊嘅活動㗎，或者係演唱會定係Fans Meeting？只要有粉絲繼續支持，無咩係冇可能嘅。」Ah Yo：「我哋依家係各自修煉，為自己同埋Lolly Talk增值。」Mei Mei：「升Level之後再集合嘅話，保證會更加精彩！」
四人輪流擔任二手服飾店限定店長 引爆Y2K Style穿搭大戰
4人以一身Y2K造型特別亮相「RE-LOVE綠續生活節」，於復古市集分組輪流擔任限定店長，為粉絲們推介店內二手衣飾，親身帶領粉絲於店內尋寶。經常到二手服飾店尋寶的Yanny最有心得：「喺二手店尋寶最緊要眼明手快，因為好貨品只係得一件，錯過咗就冇。」Ah Yo：「每次去到二手店我都會靈感爆棚，個腦會將唔同類型嘅嘢拼埋一齊，睇吓夾唔夾到。」成員們更於現場為粉絲配搭設計Y2K造型，鬥靚鬥搶眼之餘，更為粉絲示範各種Y2K動作，一同合照留念。
與粉絲「波板糖」以回收物料升級再造波板糖造型鎖匙扣
「手作達人」Tania與「手殘公主」Mei Mei現真身
4人亦與粉絲「波板糖」們一同參與「惜布SikFabric Upcycle」升級再造工作坊，於導師的指示下，運用回收的布料與其他飾物，升級再造成為波板糖造型鎖匙扣。期間Mei Mei自爆手工差：「我唔係冇藝術天份，我畫畫都唔錯㗎，只係唔知點解一要我用工具就手忙腳亂。讀書時要整手作嘢，啲同學仔就自動幫我整埋，唔係我要求，係佢哋真係睇唔過眼我整到咁肉酸，仲畀咗個『手殘公主』嘅封號我。」Tania則以極速完成製作，並幫助粉絲們合力創作：「做手工我唔可以話有天賦，但我會認係幾有耐性。我平時出街個袋都有好多嘢掛住㗎，好多都係我自己整，唔係由零開始都一定會再加工，變成我鍾意嘅樣，好開心。今次學識咗點整波板糖造型鎖匙扣，之後有時間可以慢慢整畀fans！」
RE-LOVE 綠續生活節以一系列多元化的活動，將永續理念融入日常生活，在衣食住行各個層面實踐Recycle、Reuse、Redesign的RE-LOVE生活態度，為環保永續注入風格和創意。「復古時光機」攜手香港老爺車會 @classiccarclubofhk 呈獻六部1990年代至千禧初期的殿堂級 JDM 珍藏，JDM四大天王級車系加上拉力賽宿敵「掃把佬」與Evo同場交鋒，一次過看盡六大日系跑車巔峰之作；同場更有BASEMENT X黑膠音樂體驗，千隻80年千禧年經典唱片放送時代之聲；大型Old But Old Y2K二手市集，逾30個別具個性的二手時尚品牌，助你輕鬆打造最型的千禧風格；「惜布SikFabric Upcycle」的升級再造布料工作坊以回收布料及配件製作掛飾，將環保理念化身最潮時尚配飾，永續態度隨身而行。
