由《100毛》、《毛記電視》創辦人之一姚家豪（阿Bu）主持的網上節目《會80》，近日播出邀請組合農夫（FAMA）擔任嘉賓的一集，原本被視為強強對談，豈料節目一出街即引發大量討論，主持表現更成為網民焦點。
節目一開始，阿Bu向農夫提問「最窮試過係點？」即引來現場微妙反應，6永直言「又問呢啲？」，C君亦笑言問題似乎「寫咗就照問」，未有鋪排。6永更補充，相關話題其實多年來已被多次提及。阿Bu隨後解釋，指自己曾在過往訪問中談及類似內容，但不少網民認為解釋未能平息爭議，反而質疑其準備不足，連自己問過的問題都記唔清。
阿Bu向農夫提問「最窮試過係點？」
其後阿Bu再問及外界對農夫評價轉變的看法，形容「早幾年彈多過讚，近排就多讚」，並拋出一句「你哋點睇？」農夫即場爆笑，C君更拆解問題結構，笑指主持似乎想用「點睇」包裝問題，並刻意亂答：「用電話睇，小部分用iPad，最少就用電腦睇」，令阿Bu一時無從接招，場面略顯尷尬。
場面略顯尷尬
訪問中最受關注的一幕，莫過於阿Bu突然向農夫問「你哋近排點？」後隨即自嘲表示：「我唔知道問你哋咩嘢」，甚至建議嘉賓「不如跟返稿啦」，農夫當場露出驚訝神情。相關片段播出後迅速在網上流傳，不少網民直言「未聽過主持會咁講」，批評提問能力不足。
網民普遍對阿Bu的主持表現持負面評價，指其發問方式多年如一，問題流於表面，亦缺乏追問與承接，令內容顯得空洞。有觀眾形容其語氣「高高在上，好似老師問學生」，亦有人認為節目過於著重形式，例如要求嘉賓穿白色服裝，反而忽略內容深度。
網民普遍對阿Bu的主持表現持負面評價
相較之下，農夫的臨場反應與急智獲部分網民肯定，認為二人成功以幽默拆招，甚至反客為主「變相做埋主持」，令節目得以順利完成，亦成為今集最大看點。
農夫的臨場反應與急智獲部分網民肯定
農夫（Fama）出道26年，繼16年前首度登上紅館舞台後，今年再次回歸，宣布5月8日舉辦一場《全香港最好笑嘅演唱會》。門票今日（3月25日）正式公開發售，反應極度熱烈，一小時內即全數爆滿，農夫隨即開心宣布加開5月9日一場，誓要以笑聲席捲紅館。
農夫隨開心宣布《全香港最好笑嘅演唱會》加開5月9日一場。
對於門票火速售罄，C君（鄭詩君）笑言今次演唱會的口號與主旨正是「今日唔知聽日事，笑得一次得一次」，非常感恩樂迷的熱情支持。16年前我哋只係開一場，今次可以加多一場，進步咗100%！一倍！希望到時大家人人場場時時刻刻都開開心心！」
陸永（陸永權）則認為票價「抵睇」是今次加場的關鍵。他笑說：「我覺得最開心係觀眾，好多朋友都同我講，好期待呀，咁平嘅！哈哈。我估加場原因，係今次票價令大家好開心，價目相宜。」他更打趣道：「票價令大家開心，令我哋唔開心，係冇問題，呢個騷絕對係為大家而做嘅！哈哈。」
農夫
隨著加場消息公布，C君透露要開始「練啲嘢」備戰。他表示除了正密鑼緊鼓構思能令大家開心的互動環節外，亦希望大家能以「考古、悼念」農夫的心態入場觀賞，「大家帶住一種考古悼念嘅心態嚟睇，都已經好笑㗎啦。」他更提到派台的新歌《歡迎玩謝我》，正是為演唱會度身訂造的主題曲，「大家去聽下啦，就知個騷其實中間我哋都會除咗玩，亦有啲『行嘢』嘅。」
農夫
重提16年前首次紅館個唱，C君感觸道：「啲人成日問，16年後再去紅館，今年係咪好大意義？其實有幾多人記得我哋16年前去過紅館呢？哈哈哈.....意義來來去去都係嗰句，很多人需要開心，我哋好想俾大家一晚快樂，可能你入到嚟唔覺得好笑，但至少你可能忘憂，唔洗𠝹櫈三個鐘。」他更借用歌名笑說：「大家夾錢玩得謝我兩個，已經夠開心啦。」
陸永揚言希望入場觀眾能突破平日睇演唱會的體驗，被問到會否為演唱會操肌，陸永妙語回話：「本身有咪練多啲。我哋本身唔係呢科，冇理由開呢飯㗎？」C君則幽默補刀：「練緊㗎啦，練個腎，腎肌，呢樣好呀，夠健康。」陸永笑稱自己屆時會表演「腎功能」，「不會不停去廁所」，又賣關子表示無論練出甚麼成果，定必在演唱會上呈現。
農夫
至於嘉賓陣容，農夫坦言知道現今社會觀眾對嘉賓的期待有時甚至超越演出者本人，但他強調今次演出嘉賓別具心思：「今次呢個騷，真係請得最多朋友會嚟，上唔上台，到時話你知。成件事我哋希望係，每個嘉賓你會feel到到場係有原因嘅，佢哋係part of表演者多過嘉賓。」
農夫近日推出新歌《歡迎玩謝我》。
FWD 富衛保險呈獻：農夫全香港最好笑嘅演唱會
日期：8-9/5/2026
時間：8:15PM
地點：紅磡香港體育館
票價：$780 / $580 / $380
主辦：A+
冠名贊助：FWD 富衛保險
指定信用卡：建行(亞洲)信用卡
率先訂票：3月30日 Klook
公開發售：4月1日 URBTIX 城市售票網
深耕笑作：叱咤903
