Do姐鄭裕玲與人氣組合農夫（FAMA）又再合體！這個「串嘴CP」於日前同場現身鰂魚涌太古坊，出席富衛香港全新總部「富衛中心」（FWD Tower）開幕活動。三位再度同台，默契依然，大展互窒本色，現場笑聲連連，為活動增添熱鬧氣氛。這個「富衛組合」，大受客戶和現場朋友歡迎，密密接job，稱得上是「富貴組合」。
星級嘉賓Do姐鄭裕玲及人氣組合農夫出席富衛香港全新總部「富衛中心」開幕活動。
Do姐、農夫再度同台 依然保持互窒默契
活動甫開始，Do姐形容「富衛中心」為太古坊注入新動力，體現富衛一直提倡的「Celebrate living」精神，讓人感覺充滿朝氣活力，活得精彩。她亦提到，新總部的地段、設計與氛圍，令人感受到一種積極進取的動力，緊貼城市節奏。不改搗蛋本色的農夫隨即以一貫幽默爆趣方式參與互動，為現場帶來不少笑聲。
富衛近年經常為市民提供不同娛樂，贊助多個本地及亞洲區演唱會及活動，C君趁著一眾高層在場，乘機「搲贊助」，笑指如果客戶能夠贊助農夫的演唱會，他們就真的可以「celebrate」！Do姐聽見即取笑兩人︰「乜你哋仲有唱歌架咩？」C君聽罷即提出會邀請Do姐欣賞他們的演唱會，更會預留第一排的「C位」。
三人默契依然。
另外，陸永有見客戶將其總部大廈命名為「富衛中心」，笑言得到啟發，將自己屋企易名做「DoDo Center裕玲中心」，以示他對Do姐的長期承諾，以Do姐為本，氹得Do姐幾滿意！精明又懂得享受生活的Do姐，明言自己重視保險服務要「以客為先」，分享她選擇保險的貼士：「AI科技固然重要，但我同樣重視Agent嗰份人情味。有佢哋幫忙處理各項手續，先可以無後顧之憂，做到真正Celebrate living。」
農夫
雖然三人在台上互窒，但為慶祝新總部開幕，亦有備而來以賀詞作賀禮。金句王農夫先送上押韻金句，祝客戶「名利雙收最風光，生意多到無得擋」，又盛讚客戶至架勢，「地標氣派最尊貴，引領行業係最威！」句句好意頭，大賣口乖。在旁的Do姐不讓農夫專美，亦準備了精彩賀詞，大讚新總部「人傑又地靈，齊齊Celebrate living！」三人連串金句引得在場觀眾非常開心，笑聲攻陷太古坊，氣氛熱鬧。
香港遊樂場協會麥花臣場館年度音樂盛事 「麥花臣節2026」於1月14日假 P’Artiste 舉行記者會，隆重公佈今屆音樂盛會的完整演出陣容！每年麥花臣場館於一月至四月期間舉辦年度「麥花臣節」，以「Chill住入場睇 Live Show」為主題打造音樂盛宴，大會特意為各單位準備以輕鬆為主題的「扭蛋」，讓入場觀眾有置身嘉年華的氣氛。
麥花臣節2026
一眾歌手合照
大合照
眾人一同出席「麥花臣節2026」記者會
今年的全陣容單位包括頭炮壓陣的農夫，其公司「農作天下」首次以主辦單位身份開騷 — 廣東話棟篤笑大賽「港笑」，重磅回歸為傳承棟篤笑文化，門票早已宣布全部售罄。兩人更發揮搞笑本色，在扭蛋內放入480元現金，C君笑謂：「我哋率先做返香港棟篤笑嘅傳統─回水！」提到香港棟篤笑始祖、與農夫亦師亦友的黃子華，他們說：「佢都好支持，亦都好想嚟，不過而家忙緊拍電影，所以嚟唔到。但係有好多前輩走嚟同我哋講，唔好淨係掛住推廣，都要搵吓錢，即係大家都計到個騷，唔係好賺錢，仲要花好多心力。」
新世代結他手及音樂人 Teddy Fan直言今次屬「打大佬」級演出，笑謂雖然有很多好友，但活動上「全部唔提」，他表示：「我費事大家淨係睇佢哋，唔睇我。其實我唔算係個鍾意音樂嘅人，但係我好鍾意表演，今次放個結他pick入扭蛋，因為結他幫我做到自己鍾意嘅嘢。有時為咗自己鍾意嘅嘢，都係頂硬上，堅持去做一定有成績。今次個騷一定會好『行』，大家會跳到好攰嘅，拭目以待啦！」
初次solo登上舞台演出的Tiger，表示將會編排cover不同曲風的歌
新世代結他手及音樂人 Teddy Fan直言今次屬「打大佬」級演出
農夫放現金入大會扭蛋，笑言率先回水
Gordon Flanders
Marf表示對個唱已有很多構思
初次solo登上舞台演出的Tiger@MIRROR，將以全新舞台魅力展現實力，又表示將會編排cover不同曲風的歌，希望為觀眾帶來驚喜，他把有份參與的劇集《存酒人》的紀念品放入扭蛋：「拍呢個劇，令我大開眼界，同埋想提醒大家堅持！」他又感謝麥花臣的邀請，自嘲從未想過開個人騷：「我得四首歌咋，一個騷要唱兩個鐘，每首歌我要唱四次，所以今次個騷會有好唔同嘅做法，大家期待吓。」
同樣，首度以個人身份開騷的Marf@COLLAR，繼續以型格魅力演出，透露將度身訂造歌單rock爆舞台，Marf為扭蛋準備的禮物相當有心思，她說：「我會準備三封手畫嘅信，包括：喜、怒、哀，同埋呢個貓貓玉掌嘅燈，我平時好鍾意用啲好大嘅袋，成個黑洞咁，所以有呢個燈就好有安全感。」
最後是將推出新歌的Gordon Flanders，因為曾在日本讀書，經常會用浸腳包放鬆身心：「所以我特登為大家準備呢個浸腳包，畀大家放鬆吓身心。」去年許下的願望成真，今年成功開個人騷，憑其風格鮮明的作品與渲染力，相信能為演出增添驚喜。由農夫率領多位新世代實力唱將接力演出，以耳目一新的 solo 表演和 Chill 爆氛圍，合力打造今年最具話題的現場音樂體驗。
除了歌手單位以外，大會更特別安排「MusicSus 延音–青少年街頭音樂表演擴展計劃」的青年學員，於各場演出中擔任暖場嘉賓，記者會上即席為歌手與延音學員進行配對，讓15至24歲的追夢青少年獲得公開演出的機會，為本地音樂注入滿滿新世代活力。這項由香港遊樂場協會（HKPA）支持的計劃，不僅為年輕音樂人提供優質平台發掘潛力之「聲」，更推廣「Chill住入場睇Live Show」的音樂文化，讓觀眾感受純粹的Live魅力與藝術熱血！
為讓入場觀眾更投入「Chill住入場睇Live Show」的體驗，於場外 Wellness Corner 特別設置扭蛋機互動區，扭蛋內隨機藏有由遊協旺角青少年綜合服務中心「Uown Art & Cafe樂眠咖啡室」藝術組青年、上葵及青衣青少年綜合服務中心親製的小手作，包括：手繪祝福風鈴、手鏈、香水膏、滴膠匙扣、流體熊吊飾、甜滋滋糖果及捏捏樂，完美呼應音樂節的至 Chill 氛圍！
今年麥花臣節相當熱鬧，實有賴一眾陣容鼎盛的支持機構，包括旺角 T.O.P.商場、ChargeSpot、允記集團、The Club及KKBOX，為觀眾提供多項優惠，一同凝聚音樂動力。為了讓更多樂迷零距離投入「Chill住入場睇Live Show」的火熱氣氛，麥花臣節每場演出將推出限定免費門票，有興趣人士只需登入麥花臣場館Instagram（@macpherson_stadium）回答指定問題，即有機會贏取免費麥花臣節門票，入場感受本地音樂Live的力量。機會難得、不容錯過！
