《人夫集團》20場圓滿結束！張繼聰＋農夫有意再開騷內容升級1.7版

由古天樂出品、24/7 Fitness 冠名贊助、農作天下主辦及製作、天下一幕協辦的共20場、首個大型綜藝舞台劇《人夫集團》昨日（10月25日）的尾場假西九文化區戲曲中心順利圓滿結束！

20場《人夫集團》圓滿結束！

來到尾場，三人繼續與觀眾瘋狂互動，甫上台立即問大家對《人夫集團》有何期待？台下有人大叫「除褲！」張繼聰風趣回應：「呢度戲曲中心嚟㗎，做啲嘢好藝術㗎！」身旁的6永緊接說：「我除褲都好藝術㗎，因為我係好抽象嘅，包你哋冇睇過！」全場起哄歡呼。除了分享人夫日常，他們更邀請台下的夫婦上台補辦喜宴，更為一對「新人」即場炮製「早拍晚播」片段，非常有心思。

6永、張繼聰、C君

6永、張繼聰、C君

直到節目尾聲，三人除了感謝主辦及一眾贊助商及觀眾捧場，更互相道謝，農夫大讚張繼聰對他們非常包容，因為一般拍劇、拍電影可能會「飛紙仔」，他們卻只有「飛沫」：「我哋紙都冇，淨係同佢講一陣呢句改一隻字，嗰度不如試吓咁講，佢都照單全收，真係好多謝佢。」此時，坐於觀眾席的謝安琪及黃天頤高舉「唔好諗住返屋企」的 Banner，惹來全場哄笑，張繼聰便順勢宣傳明年有份演出的舞台劇：「反正返唔到屋企，我惟有專心排劇，明年一月劇場再見！」

C君、張繼聰、6永

C君、張繼聰、6永

今次演出大受歡迎，三位「人夫集團」主腦合作開心大叫過癮，觀眾亦睇得開心，有不少人提議他們再度演出，C君坦言大家也有考慮：「呢個係好適合 Re-run 嘅表演，不過再做嘅時候內容點都會有啲修改。」身旁的 6永也深感認同：「我哋知有好多人買唔到飛睇唔到，都想我哋再開，而家未知係開Part 2，定係2.0版，不過就算唔係2.0，都會係1.7版，內容上點都會有啲改動。」雖然有意再做，但場地是優先考慮的問題，有人提議他們於紅館再辦，C君表示：「我哋覺得戲曲中心呢度好適合呢個演出，但係呢度個期都好忙，我哋想搵到一個可以同觀眾多啲互動嘅。」

C君、張繼聰、6永

C君、張繼聰、6永

張繼聰、農夫

三位人夫完成20場演出後，直言要好好休息，尤其是帶病上陣的阿聰：「十幾年冇做舞台劇好好玩，但比想像中攰，臨開騷前病咗失聲，好彩一星期好番。但係，做到十幾場之後，有啲動作都要改，原本有個動作係跣住跪地，做到臨尾幾場感覺膝頭有啲怪，就去睇物理治療。因為膝頭撞咗十幾場已經瘀、有啲發炎，最尾幾場紥住護膝做，不過，物理治療師唔畀我 Cut 咗個表演，佢話真係好好笑，就提議我淨係做部分動作。」農夫笑言每場阿聰表演跪地後，回家也要被罰再跪所以較辛苦，而 6永又謂演出至中段，自己的膝頭亦感到痛楚。

張繼聰

農夫覺得每晚跟一對夫妻互動的環節，令他們最感動又驚喜，C君提到頭場演出，被一位懷孕的太太感動，因為對方上台已經哭了，而她的丈夫亦非常感激三人彌補了當年未能舉行婚宴的遺憾。至於尾場上台的女觀眾亦適逢生日，同樣感動落淚，6永表示大家的反應令他們最感到驚喜。

C君

6永

完成所有演出，問到三位人夫可會得到太太們的獎勵？C君笑言：「打賞？我做完仲要打賞我太太，請埋太太去食飯，獎勵？冇懲罰就係獎勵。」阿聰則賣口乖：「我做過乜老婆要獎勵我？做呢啲係應份嘅，全部酬勞畀晒老婆，仲會多謝老婆畀機會我出去演出。」不過謝安琪舉牌示意不能回家，他說：「我唔知佢今日會舉牌，我盡量保持希望。」笑言若不能回家便在停車場睡，或者揸車外出兜風。

6永、張繼聰、C君

香港基建大型宣傳企劃「基建世一」《基建遊一萱》短片系列自推出以來，主持宣萱與嘉賓張繼聰的爆笑互動備受網民與觀眾歡迎，成功以風趣輕鬆的述事方式，為大家深入淺出介紹香港眾多「世一」基建項目。最新播出的第四集《基建威一萱》，由同樣以幽默與口才見稱的二人組合「農夫」成員陸永與C君擔任嘉賓主持，與宣萱繼續暢遊香港，介紹令人讚嘆的基建項目。

發展局與建造業議會企劃「基建世一」推出第四集《基建威一萱》，由農夫（陸永、C君）接棒聯同宣萱主持。

宣萱

第四集《基建威一萱》，首度登場的「農夫」陸永與C君兩人以「漁夫」造型乘坐觀光船到有「香港威尼斯」之稱的大嶼山大澳匯合宣萱，一同前往兩條新建跨河行人橋：「全港首條伸縮式開合橋」鹽田橋，以及「橫向轉動開合」的寶珠潭橋。位於河涌兩岸新建成的兩條行人橋，為居民渡過河涌提供便利，將往返河涌兩岸的步行時間由約10分鐘縮短至約３分鐘，亦因地制宜設計成兩款不同的開合橋，配合當地傳統習俗！

農夫一到埗立即與今次負責拍攝的導演相認！Ｃ君：「真係好意外好開心，導演喺我哋出道時幫我哋拍MV，當年成日畀我哋啲天馬行空嘅idea搞到佢頭都痛。」陸永：「今次到佢搞返我哋，我哋明明係農夫就叫我哋扮漁夫。不過都係個好嘅idea嚟，勝在我哋咩都carry到，冇難度。」

農夫化身「漁夫」暢遊大澳。

介紹全港首條伸縮式開合橋鹽田橋及橫向轉動的寶珠潭橋，笑稱設計「孖-vellous」。

被列入「國家級非物質文化遺產」的逾百年歷史大澳端午「龍舟遊涌」祭祀活動，每年都會恭請神像上船巡遊。為表示尊敬，位於遊涌路線的鹽田橋將會以伸縮方式開啟，讓龍舟和神像通過河道，寶珠潭橋則會以橫向轉動開啟。農夫對於這對「孖橋」的神奇設計讚嘆不己，笑稱兩橋「過橋抽板」為「靚抽」，效果「孖-vellous」！

轉眼三位主持來到北角碼頭，見證另外兩款「維港第一」行人橋如何改變海濱面貌。位於北角海濱、全長2.2公里的「東岸板道」，首次於維港範圍採用開合橋及轉盤橋，板道亦克服高度限制與狹窄水道的挑戰，成功將東區走廊下的空間釋放，並連接整段由堅尼地城至筲箕灣約13公里海濱長廊。

左起：C君、陸永、宣萱

陸永：「最近threads成日派Jessica好耐之前唱《熱愛島》條片畀我，我好感動呀！Jessica嗰種想超越個beat嘅自由奔放，睇得出佢對rap係有天份同熱情。」Ｃ君：「早知頭先叫埋佢一齊rap，不過依家Jessica升格咗做紅館駐場女歌手，演唱會嘉賓名單幾乎一定有佢，都唔係咁容易叫佢開金口。」

三人又到北角碼頭介紹東岸板道，克服狹窄水道挑戰，連接13公里海濱長廊。

宣萱：「同張繼聰拍咗三集，我覺得佢已經好多嘢講，點知你哋兩個加埋仲多。直頭唔係兩倍咁簡單，係十倍都唔止！我依家好期待你哋三個嗰個《人夫集團》show會有幾多口水同埋幾crazy。」陸永：「不如我哋畀個台你rap吓啦就，喺我哋個show搞part『Rapper Jessica』出道舞台。細細個就喺《難兄難弟》同《美味天王》聽過Jessica嘅甜美歌喉，如果變身rapper就真係夠晒震撼。」C君：「Jessica如果okay嘅，我哋就寫首歌畀你，不如就《熱愛島》2026 rap版！咁就演員、歌手、rapper乜都畀你玩晒！」

宣萱眼見農夫分心欣賞美人美景，立即派發任務，要求二人以拿手的方式「唱遊」由製作組預先填詞、充滿爆笑元素的的《說唱東岸板道》！ C君陸永大展默契，幽默地介紹東岸板道，包括寵物友善區、緩跑徑、共享徑、兒童遊樂設施、釣魚區、藝術區以及玻璃觀景台等營造的共享空間所帶來的生活幸福感！

農夫即興接受挑戰演繹《說唱東岸板道》，帶出寵物友善區、玻璃觀景台等共享空間的幸福感。