林奕匡（Phil）於2021年推出第十張個人專輯《Philosophy》後，他一直在創作的旅途上，繼續以個人的所感所悟混合各種音樂風格，譜出多首令樂迷既驚喜又感動的旋律。醞釀四年，Phil精心製作的全新個人專輯《The Next Station》將於今天（12月19日）面世！為隆重其事，SONY MUSIC昨日（12月18日）於灣仔海濱長廊水上運動及康樂主題區「海濱站」舉行新碟發佈會，與樂迷結伴，分享他的音樂之旅。
林奕匡全新個人專輯《The Next Station》今天面世！
為隆重其事，林奕匡昨日於「海濱站」舉行新碟發佈會。
Phil率先以新歌《無題時想起的人》為發佈會揭開序幕，他分享寫歌時的想法：「人生有唔同階段，有啲可能擦身而過、有啲可能做咗朋友、有啲可能成為知己，但係都會離開嘅，不過留下嘅痕跡都成為咗你呢個人，所以特別想送畀Fans。」他直言有點感觸，創作的時候亦不想太慘情，Phil形容是「酸酸地」：「我個人可能都係正能量啲，所以唔想咁絕望。」
點擊看圖輯
林奕匡全新個人專輯《The Next Station》今天面世！
為隆重其事，林奕匡昨日於「海濱站」舉行新碟發佈會。
林奕匡
林奕匡
林奕匡
林奕匡
林奕匡
《The Next Station》
林奕匡
Phil亦分享整張新專輯《The Next Station》的製作歷程與創作理念，整張專輯以車站為設計主題，更特意印製復刻版車票及明信片，歌詞本亦有如舊式火車時刻表，非常有心思。席間，Phil現場再度演唱新碟內兩首新歌《那些不愛我的人》及《Song for my baby》（即《搖籃下的歌》的英文Demo版本），Phil甜笑謂：「好期待可以現場唱畀佢（囝囝）聽，雖然首歌好Sweet，但係我錄咗好多次都唔得，因為唱唱吓會喊，個鼻都塞晒，太感動。」
林奕匡
林奕匡
維港景致記錄香港的成長，而新碟《The Next Station》除了見證Phil音樂路上的蛻變，更記錄了他過去四年間的人生成長：由人夫成為人父，再踏入40歲的不惑之年。Phil笑謂：「做咗爸爸就真係好唔同，Darrien嘅出現令我同太太嘅生活改變咗好多，世界仲有好多我未發掘過嘅嘢，每首歌就好似唔同嘅站，我相信大家都我一樣，喺人生經歷咗好多站。」他提到在踏入40歲的時候推出新碟，正好為Phil打開人生下半場：「我希望繼續用音樂記錄我嘅生活，做更多唔同類型嘅作品，唱多啲騷，同多啲人分享我嘅創作！」
林奕匡
林奕匡
新碟收錄混合民謠與R&B曲風的《那些不愛我的人》、玩味十足的《台前幕後》及與力臻合作的Citypop版本《台前幕後 Backstage @the city》，印證Phil在音樂類型上的不斷革新。除了多元的音樂風格，亦有着他的個人成長紀錄，Phil直言把個人內心的情感，全部濃縮於歌曲之中。當中包括：寫給兒子Darrien的《搖籃下的歌》、有關人際關係感悟的《無題時想起的人》、對創作熱情的自我吶喊《波希米亞（沒有）狂想曲》及為樂迷帶來力量的《正能量 活潑 唱歌者》。同時《The Next Station》亦特別收錄Phil登上日本著名音樂頻道「THE FIRST TAKE」的兩首作品：《高山低谷》、《藝術 與 科學》，以及《搖籃下的歌》的英文Demo《Song For My Baby》。
觀看相關影片按連結：https://youtu.be/-ZcraUiwCwQ
談及未來動向，Phil表示除了繼續創作更多的作品，亦希望可以與樂迷再拉近距離，現場宣佈出道15年之際，更為粉絲團建立一個官方名稱「小匡之家」。Phil亦透露將重啟其YouTube頻道上的Carpool節目《Phil in the Car》，呼籲樂迷密切期待。
《The Next Station》
