艾粒、周吉佩、Nowhere Boys輪番進駐友邦嘉年華 以音樂為2026年「叉電」開局

即將於2026年1月舉行的「JamNgok 2026〈Live at The Big Top〉」，將破天荒進駐「The Big Top @ AIA Carnival友邦嘉年華」的大帳幕舞台，為樂迷帶來一連三場別開生面的現場演出。活動邀得人氣組合艾粒（ILUB）、唱作歌手周吉佩（吉吉）及樂隊Nowhere Boys輪番上陣，於1月24、29及30日，在充滿嘉年華氛圍的帳幕下，與樂迷近距離接觸，締造獨一無二的音樂派對，旨在以充滿力量的演出為大家新一年「叉滿電」。

艾粒

周吉佩

Nowhere Boys

是次演出形式新穎，三個演出單位均表示非常期待。周吉佩形容感覺「好特別」，並預告將以派對感十足的編曲和舞台服裝，營造馬戲團般的玩樂氣氛，與歌迷一同狂歡。他期望演出能為2026年開個好頭，並透露正努力製作更多好歌，爭取在樂壇頒獎禮上取得成績，同時亦希望將音樂帶到澳門、馬來西亞、廣州等地，舉辦巡迴演唱會。

周吉佩

周吉佩

剛完成十周年企劃《Letters of Nowhere》的Nowhere Boys，將1月30日的演出視為一個珍貴的機會與禮物，為他們的十周年紀念畫上一個難忘的句號，並為心血之作《NWB Post Office》帶來現場的完滿演繹。他們表示，透過這個企劃學會了不計較結果，明白事情發展未必總與預期成正比，即使被突發事件打斷亦無需介懷，並盼望未來能有更多機會與樂迷見面。他們興奮表示「期待咗試馬戲班帳幕呢個場好耐，咁近距離，我哋一向鐘意走入觀眾核心，大家都知，所以歌迷準備啦下，一齊唱，一齊叫，一齊癲，熱定身，食定喉糖，飲多啲水！」

Nowhere Boys

Nowhere Boys

向來鬼馬多計的艾粒（Donald & 占)則是首次在嘉年華內開騷。他們直言「嘉年華就玩咗好多年，但開show就第一次」，相信能與現場追求開心的觀眾產生雙倍快樂的化學作用。兩人預告已準備了特別環節與粉絲互動，包括「抽啤牌送一蚊」以及即場幫觀眾求婚，更笑言是「單身人士的福音」。談及新一年展望，他們希望「繼續好奇、繼續八卦、繼續發掘多啲新鮮事、搵多啲嘢玩」，相信無論在任何過程中經歷的開心，都能直接感染身邊每一個人。

艾粒

回顧2025年，艾粒各有深刻體會，阿奴分享：「今年領養咗隻狗仔，原本想領養唐狗BB，但緣份到了領養咗一隻老狗。不過都冇所謂，因為無論做嘢幾攰，只要返到屋企見到佢等你返嚟我就好開心。」占則表示：「自己隊樂隊YEAHS出咗一張大碟，喺香港同加拿大做咗幾場專場，亦創立咗自己嘅咖啡品牌，從對咖啡一竅不通，到學多咗好多咖啡知識，覺得自己品味upgraded。」他們衷心希望是次演出能像一個溫暖的「擁抱」，帶給每位觀眾力量，「無論係我哋揀嘅歌，準備好講笑嘅稿，都希望你能夠得到平安喜樂嘅心去渡過2026年。」

「JamNgok 2026〈Live at The Big Top〉」詳情：

主辦單位：木火娛樂
演出日期：2026年1月24日（艾粒）、1月29日（周吉佩）、1月30日（Nowhere Boys）
地點：The Big Top @ AIA Carnival 友邦嘉年華大帳幕
票價：HK$798 / HK$698（全場坐位。每張門票均包括當天進入友邦嘉年華的權限）
售票平台：KKTIX

JamNgok 2026〈Live at The Big Top〉

樂隊Nowhere Boys 新歌《離家出走》MV昨晚（11月5日）YouTube 上架，今次MV在大廈天台拍攝，畏高的結他手Ken嚇到面青，主音Van笑指第一次見到平時在舞台上跳跳紮的Ken變得乖巧，動也不動，非常搞笑。而今次新歌是Nowhere Boys在「寰亞音樂」告別作，即將約滿離巢後出外闖，Van最難忘與偶像鄭伊健合唱和到新加坡演出。

樂隊Nowhere Boys新歌《離家出走》MV昨晚（5日）上架，在大廈天台拍攝，畏高的結他手Ken嚇到面青動也不動，主音Van笑指第一次見他彈結他如此斯文。

Van笑言自己面無血色：「正午時候，我哋喺天台拍攝新歌MV，烈日當空下拍咗幾個鐘頭，好曬好曬，希望觀眾感受到我哋嘅熱情和熱血！我第一次見Ken彈結他咁斯文。」Ken哈哈大笑說：「我第一次覺得支結他咁重，成個人郁唔到！」Van說：「剛才有一下我跳起，佢嚇到大叫『冧呀』、『震啦』！」Ken自言非常畏高，甚至在拍攝前有「縮沙」念頭，他還拉埋琴鍵手「漁佬」落水，笑對方驚到汗流浹背，「漁佬」解釋：「我唔係驚跌落去，係要避開佢啲結他，令我有『怯』嘅感覺。」身旁的低音結他手Hansun 點頭認同。而MV中飾演「離家出走」的16歲少年阿銘，獲MV導演Oscar 和Van大讚演技到位，外形充滿少年感。

新歌《離家出走》Nowhere Boys包辦作曲、填詞、編曲和監製，填詞的Van說：「過往Nowhere Boys作品通常由『漁佬』或者Oscar填詞，今次由我寫，因為好有feel。內容描述由細到大好多想做嘅事，因為身邊環境令我做唔到，有一刻幻想自己可以脫離，勇闖出面嘅世界，去做自己鍾意做嘅嘢。例如我，曾經有啲朋友覺得我明明有份工，點解要去夾band搞音樂？好多不鼓勵嘅說話，甚至推倒或打擊我自信。然後我就學識要搵一啲啱能量、啱頻率嘅朋友，篩走唔好嘅energy。」他強調並非不理家庭、拋下父母的「離家出走」，而是內心解脫束縛，勇敢衝出去。

新歌由樂隊包辦曲詞編監，是告別寰亞音樂前最後作品，即將約滿離巢出外闖。

Van最難忘與偶像鄭伊健合唱及到新加坡演出，又指填詞靈感來自追夢路上被質疑，籲大家找對能量與頻率的朋友。

這首歌亦是Nowhere Boys告別唱片公司前最後一首作品，Van：「寰亞所有師兄弟姊妹都係好朋友，我哋都好珍惜每一位，大家好似一家人，我哋即使離開呢間公司，關係仍然好close，所有同事都一樣，將來搞騷一定請大家嚟玩，我哋已經係一家人。」Ken說：「每一次宣傳項目都令我好震撼，大公司多資源，最重要係有一班人好認真做每件事，公司所有人都好用心幫Nowhere Boys！」Hansun最難忘與鄭伊健在新加坡同台演出，他說：「真係大開眼界，可以留芳百世，將來同阿女有排講。」

MV中飾演「離家出走」16歲少年阿銘的演員，獲導演Oscar及Van大讚演技到位、外形充滿少年感。

Ken說：「有時喺頒獎禮後台，我會諗我最初諗住夾band，只要有表演就好開心，點解會去到頒獎禮？過緊細細個睇電視見到嗰啲Rock Star嘅生活，好感激公司。」Van補充：「令我哋有做Artist感覺，畢生難忘！一生人有幾多機會有呢啲經驗？我哋完成咗，嚟緊行我哋自己嘅路。」 鼓手Nate坦言：「我無諗過會成為一個咁多演出機會嘅樂手，每次演出大型商演我都好驚嘆，我知自己一個人係做唔到，所以好感恩。」

他們承諾將來作為獨立樂隊，繼續創作和舉辦Live Show，Van說：「嚟緊我哋心態會改變，未必出現喺頒獎典禮，但一定會不停出歌和做騷，搞唔同形式音樂會，例如小型campfire活動，繼續同歌迷保持密切聯繫。」他們揚言未來的作品和演出只會更瘋狂和無底線，Van說：「大家期待我哋變返無著衫嘅《無處遊人》，奔放嘅Nowhere Boys！」

他們承諾獨立後繼續創作及舉辦不同形式Live Show，與歌迷保持密切聯繫。