存酒人｜蔣雅文坦言被劇本感動答應演出 Julio大讚角色魅力滿分

ViuTV原創劇《foodpanda 呈獻：存酒人》逢星期一至五晚上9時30分播出。劇集講述「市井酒吧」因快將結業，所以將多支無人領取的存酒歸還給客人。過程中，意外地發現每支存酒的背後，都有著獨一無二的故事。而在酒吧進行倒數的階段，眾人為這裡帶來令人難以忘懷的燦爛時光。

蔣雅文、Julio@Soler驚喜組合成首支存酒故事主人翁。

昨晚（12月22日）播出的第一集，就有8、90後童年回憶人物蔣雅文（Mandy）和Soler成員Julio成為首個故事的主角。二人已多年未有在香港參與幕前演出，相信會勾起不少觀眾的回憶。上次拍戲已是18年前的Mandy坦言今次劇本內容令她很感動：「可能自己都有返咁上下人生經驗，所以有時候都會懷念過去。過去有好多回憶的而且確經歷完、吸收完啲養份先會喺度。劇本都係想帶出咁樣嘅Message」。第一次合作的Many和Julio於戲外有不少共通點，她笑言二人同是處女座、少少混血和父母性格亦十分相似。Mandy分享指幕後團隊在選角的過程中直覺二人會有火花和共鳴，令她未開始時已十分期待合作。

蔣雅文指拍攝開始前已十分期待和Julio合作。

蔣雅文坦言被劇本感動答應演出。

而Julio分享指同是被劇本吸引，又大讚角色很有魅力：「角色有種我好鍾意嗰啲好似好頹廢又翻生嘅感覺。成個劇本結構都幾鍾意。存酒呢樣嘢，每一支酒都有一個人嘅故事。透過每一集，希望大家明白好多我哋認為無乜意思嘅嘢，其實後面可能有個故事、歷程。多啲留意身邊嘅人同細微嘅嘢，可能會搵到啲好矜貴嘅體驗」。今次劇集令久未在香港拍攝的Julio重遇很多熟悉的臉孔，十分開心：「今次有差唔多同時間出道嘅一班演員，甚至乎我嘅造型都似返當時出道嘅樣，好似翻返去出道個陣嘅感覺」。

Julio大讚角色有魅力！

Julio亦是被劇本吸引而答應演出。

繼上月憑舞台劇《我推的男子》首度入圍《第34屆香港舞台劇獎》「最佳男主角（喜劇／鬧劇）」後，MIRROR隊長楊樂文（Lokman）演技再獲關注。在釜山公布入圍名單中，Lokman憑《存酒人》中「阿當」一角，成功入圍《2026全球OTT大獎》（2026 Global OTT Awards）「最佳男配角獎」，成績斐然。

《存酒人》劇照

在《存酒人》中，Lokman一改舞台上的隊長光環與強烈節奏感，飾演內斂壓抑的「阿當」。角色看似平靜懂事，實則將悲傷與孤獨深埋心底，層次分明的演繹獲觀眾與影評人一致好評。不少劇迷直言：「睇到唔同咗嘅Lokman，完全忘記佢係舞台上的隊長。」

對於能夠在國際性大型頒獎禮上獲得提名，Lokman收到消息時難掩興奮，以半開玩笑半認真的語氣分享心路歷程：「可以喺一個咁大型、咁有指標性、咁國際化嘅舞台上面有呢個提名，我係好開心嘅，真係好開心嘅！係一個肯定，係一個『我得咗』嘅感覺——『爸爸媽媽，我得咗啦！』嗰種感覺。雖然只係提名啦，但係已經有呢個份量！」

《存酒人》劇照

Lokman並感謝《存酒人》團隊，多謝公司、監製阿簡、導演Alan、編劇阿海，以及所有台前幕後。他說：「多謝團隊努力建構咗阿當呢個角色，呢套劇我真係拍得好開心，亦都喺裏面得到好多感受。同時間，見到呢個角色可以帶我去到咁遠，多謝『阿當』。」被問到會否親身出席在釜山舉行的頒獎禮，Lokman表示正努力和公司爭取中，自己都很期待可以到當地感受頒獎禮氣氛。

接連獲得舞台劇男主角及OTT國際獎項提名，Lokman多謝宇宙送了一份充滿肯定的禮物，直言這是一支強心針和定心丸：「最近有咁好嘅成績，舞台劇又有提名，今次呢個角色又去到國際提名，係好好嘅一個里程碑，都係我自己嘅自信心加強系列。即係喺迷惘嘅時候，得到讚美、肯定呢啲說話，係非常之好強嘅強心針、定心丸。」

《存酒人》劇照

最後，Lokman在2026下半年期望有更多演藝工作外，亦預告會再出Solo：「希望之後都會繼續多啲演藝嘅工作啦——劇集、電影、舞台劇，成為更立體嘅演員。因為呢一兩年嘅作品入面，我都繼續有Keep住學習，繼續有好多唔同嘅人幫助我，所以係真係好開心嘅……我係會出Solo㗎，哈哈，大家期待吓啦。多謝大家！」

《存酒人》劇照