ROVER平安夜中環觀塘灣仔Busking取暖 透露新歌故事合唱計劃

樂隊ROVER與《全民造星5》參賽者羅子熙（Hei） 於平安夜（12月24日）現身中環街市、apm及灣仔報佳音，獻唱多首歌曲，包括新歌《容許我為你鬆手》，吸引大批粉絲到場支持，場面熱鬧。

ROVER與《全民造星5》參賽者羅子熙於平安夜現身中環街市、apm及灣仔報佳音。

ROVER在平安夜連趕三場演出，由中環街市、apm到灣仔，積極宣傳新歌《容許我為你鬆手》。Kim （卓金樂）笑言聖誕節期間很多人失戀，聽慘情歌正好可以抒發情緒。而其實這已是第二次與fans在活動中共度節日，唯一有女友的Jason（雷濠權）完成工作後會盡快與女友見面。至於其餘三位單身成員，笑稱幸好有busking活動，不用孤單留在家中。

被問到聖誕節安排，四子表示除了與家人聚餐外，還需為澳門「造星Family」倒數演出作準備。他們更開心透露即將「願望成真」，有機會與MIRROR師兄同台演出，但暫未可公開詳情。

談到新歌《容許我為你鬆手》講述三角戀故事，希晉（王希晉）笑言歌曲靈感來自朋友的真實經歷，一旁的Hei則搞笑自認是故事中的當事人。這次新歌由希晉與 亨仔（陳鎮亨） 主唱，而Jason與Kim則負責MV演出。Kim表示一直有興趣拍戲，終於有機會嘗試，希望以MV為起點逐步嘗試。

ROVER與羅子熙

此外，希晉與Hei預告將推出新歌《秋風吹起掛念》並率先獻唱，兩人笑稱某日閒來無事，便一起創作了這首周杰倫風格 的作品。希晉還表示有意將歌曲改編為樂隊版本，讓ROVER與Hei一同演繹。

大合照

新生代樂隊ROVER推出新歌《旗跡》，四子陳鎮亨（亨仔）、王希晉（希晉）、卓金樂（Kim）及雷濠權（Jason）特意邀請四隊風格各異的樂隊合作Cover企劃，打頭陣有ToNick，緊接有野佬、逆流，壓軸更請來殿堂級樂隊太極，各自演繹不同版本的《旗跡》，展現Band Sound的多樣魅力。

ROVER x ToNick

ROVER x 太極

ROVER x 逆流

ROVER x 野佬

這次Cover由ROVER親自策劃，Jason說：「我哋一路都好想同唔同嘅樂隊合作，想藉住《旗跡》呢首新歌，搵一啲有代表性嘅樂隊，集合唔同風格去玩。」當中逆流更是他從小聽到大的樂隊，Jason大讚他們的版本超級正，充滿逆流風格，聽得他們非常驚喜。

ROVER x 逆流

ToNick的參與亦令ROVER成員希晉格外興奮，「好多謝恆仔、晨曦、小龜，同埋啱啱飛返嚟嘅Ryan！之前團綜合作過，但當時Ryan唔喺度，今次終於齊人一齊玩呢首歌。」他更透露從ToNick身上感受到活力與能量，尤其欣賞主音恆仔的台風：「我都有偷師，睇咗佢哋之前演出嘅片段，好多謝ToNick同我哋玩！」

ROVER x ToNick

Kim則分享與野佬合作的愉快點滴：「之前佢哋有教我哋好多夾Band嘅技巧同心得，希望可以同佢哋一齊玩落去，一齊夾Band落去！」亨仔則特別鳴謝太極：「多謝前輩們嚟同我哋玩呢場充滿奇蹟嘅冒險之旅！太極肯同我哋玩《旗跡》，真係超級開心，希望有機會可以一齊再喺台上夾Band！」能夠獲前輩親自落場參與，對ROVER而言意義非凡。

ROVER x 野佬

除了Cover企劃，ROVER將於3月30日迎來首個演唱會，全企位設計讓樂迷能夠零距離感受Band Sound的震撼。距離演出尚餘不足兩星期，亨仔透露籌備工作已進入最後階段：「我哋籌備到密鑼緊鼓，差唔多搞掂晒，所有嘢都進入Rehearsal階段，加油！加碼爹！」

ROVER x 太極

Jason表示每日都努力練歌，準備不同類型的作品：「有Band嘅歌，亦有Solo、合唱嘅歌，好多唔同嘅歌準備畀大家。」Kim更透露今次演唱會的編曲心思：「我哋會玩返晒所有自己嘅歌，仲有好多唔同前輩同樂隊嘅歌，我哋重新編曲，Band sound同自己嘅歌都會有唔同編排，全部由我哋自己搞，雖然要花多啲時間，但絕對值得！」ROVER聯乘太極、ToNick、野佬及逆流的《旗跡》Cover已在YouTube推出，而3月30日ROVER在新蒲崗Portal舉行的演唱會門票亦現正公開發售。