TVB頒獎禮2025｜阿Bob蝦碌扑爆「最佳男主持」獎座 誓言幫陳庭欣覓男友：身家20億起跳

今屆《萬千星輝頒獎禮2025》最爆笑一幕，莫過於阿Bob林盛斌在台上用力過猛扑爛獎座的一刻，連佢自己都嚇親，絕對是頒獎禮史上最蝦碌意外。

tvb直播截圖

tvb直播截圖

tvb直播截圖

阿Bob憑《女神配對計劃》首奪「最佳男主持」，點知上到頒獎台過於興奮，致詞完畢竟然激動到將個獎座猛力打向頒獎台，結果獎座底部應聲裂開，金人同底座當場「一分為二」，全場嘉賓嚇到呆咗一秒，隨即集體爆笑，負責頒獎的王祖藍即刻打圓場：「TVB開台以來第一位喺台上面整爛個獎，落地開花！」

巴士的報記者攝

巴士的報記者攝

事後阿Bob接受訪問亦忍唔住自嘲：「頭先係台上真係好亢奮，功力太深厚！」，他指自己上到台上腦中一片空白：「加上見到幾個老友，原來預備咗大段讀稿，最終只講到大約6成。」阿Bob又指，人生充滿好多可能性，「我就將不可能變成可能，我應該喺史上首位攞完獎立即鏗碎個獎嘅藝人。」不過好彩台上的講座只是道具，「遲啲會有個真獎補返，到時會用保險箱鑲住，連小朋友都唔畀掂」

巴士的報記者攝

巴士的報記者攝

向來是金牌媒人的阿Bob在台上喊話，誓言要幫陳庭欣做媒人：「我台下同佢傾咗好耐，我一定會幫佢搵個好好嘅，好過之前嗰個，起碼身家20億起跳。」阿Bob又笑言，過去大半年，行內行外甚至網民都搵佢介紹另一半，「不過我唔係開公司， 只會幫識嘅人配對，幫到朋友會好開心。」

巴士的報記者攝

巴士的報記者攝

至於「最佳女主持」就由近年憑《中年好聲音》系列再度入屋的車婉婉奪得，人氣急升的她坦言多來都以「陪跑」為主，今晚未公佈結果前，曾同阿bob講笑「如果你攞最佳男主持，我攞最佳女主持，我哋要擺番幾圍好好慶祝吓！」，睇來二人需要找數，請大家食飯慶祝。

關注一下過去24小時娛圈事Top 5熱話。

TVB頒獎禮2025｜馬國明憶亡父淚灑紅地氈 遺憾未圓父親抱孫夢「如果有，可能佢會開心啲」

萬千星輝頒獎禮2025 星期日（1月4日）晚在澳門舉行，馬國明與高海寧結伴亮相紅地氈。角逐最佳男主角的馬國明接受傳媒訪問時談及亡父，心情仍未平復的他不禁流下男兒淚，淚灑紅地氈。

▼詳情點擊圖片查看或按連結

TVB頒獎禮2025｜葉蒨文奪「飛躍進步女藝員」 吳業坤擊敗曾展望奪「飛躍進步男藝員」

年度盛事《澳娛綜合呈獻：萬千星輝頒獎典禮2025》於今晚（1月4日）假澳門上葡京綜合度假村—上葡京綜藝館隆重舉行，「飛躍進步女藝員」由憑《女神配對計劃》而人氣急升的葉蒨文（Sophie）奪得，她在台上特別多謝男友曾展望（GM），更多謝男友的媽媽煲湯給她飲；而「飛躍進步男藝員」則由吳業坤擊敗另一大熱GM奪得，他在台下得知獲獎後已爆喊，全場即報以熱烈掌聲以示支持。

▼詳情點擊圖片查看或按連結

TVB頒獎禮2025｜阿Bob蝦碌扑爆「最佳男主持」獎座 誓言幫陳庭欣覓男友：身家20億起跳

今屆《萬千星輝頒獎禮2025》最爆笑一幕，莫過於阿Bob林盛斌在台上用力過猛扑爛獎座的一刻，連佢自己都嚇親，絕對是頒獎禮史上最蝦碌意外。

▼詳情點擊圖片查看或按連結

TVB頒獎禮2025｜黃宗澤成雙料視帝承諾請食飯慶功 笑言要灌醉樂小姐

年度盛事《澳娛綜合呈獻：萬千星輝頒獎典禮2025》於周日晚（1月4日）假澳門上葡京綜合度假村—上葡京綜藝館隆重舉行，黃宗澤（Bosco）憑《新聞女王2》「Kingston古肇華」一角奪得「大灣區視帝」，更憑此角首度奪得視帝寶座，成為雙料視帝！

▼詳情點擊圖片查看或按連結

TVB頒獎禮2025｜張曦雯中門大開性感度爆燈 「最索人妻」陳自瑤胸前開窿大晒「南半球」

年度盛事《澳娛綜合呈獻：萬千星輝頒獎典禮2025》於今晚（1月4日）假澳門上葡京綜合度假村—上葡京綜藝館隆重舉行，一眾女星都盛裝打扮現身紅地氈，爭妍鬥麗！當中，憑《俠醫》「羅穎琛」一角入圍最佳女主角的張曦雯（Kelly）就以黑色性感晚裝上陣，胸前中門大開再加上大露背的設計，將其模特兒般的好身材展露無遺，性感度爆晒燈！

▼詳情點擊圖片查看或按連結