農曆新年將至，珠寶品牌周生生特別邀請鄭裕玲(Do姐)與本地音樂組合「農夫」突擊街頭，為市民送上別具心思的壓歲金片。活動短片今日於周生生香港社交平台正式發佈，掀起網民熱議。Do姐笑言好耐未有同農夫合體，2026年第二日便要「開工」，而農夫則幽默表示，三人由昔日的「金牌組合」變成「金片組合」，笑聲不絕。
農夫
街頭互動笑料不斷
拍攝當日，農夫搬出整張床落到尖沙咀街頭，考驗途人對壓歲錢文化的認識。三人一埋位即互相「大放笑蛋」，場面熱鬧。Do姐更關心農夫新公司未來發展，展現出真摯友情。農夫則回憶兒時媽媽派壓歲錢的習俗，笑言今次首次以金片代替利是，既威風又新鮮。
吸引途人圍觀 外國遊客都停低影相
街頭派金片的舉動瞬間吸引大批途人圍觀，連外國遊客亦停下腳步拍照留念。農夫表示，希望透過這次活動延續壓歲錢文化，讓新一代也能感受其中的喜悅與祝福。
農夫
農夫
Hello Kitty金片禮盒成焦點
Do姐在活動中更即場「補課」，提醒農夫Hello Kitty壓歲金片禮盒需要預訂，並非隨時可買，笑指農夫「唔夠佢醒目」。她更即場將金片放入農夫口袋，笑言金片保值，擺在身邊望一望都令人開心。
新春驚喜傳遞祝福
周生生透過這次別開生面的街頭活動，不僅讓市民感受新春喜氣，更以創新方式推廣壓歲錢文化。Do姐與農夫的默契互動，成功將傳統習俗與潮流趣味結合，為新一年送上滿滿祝福與歡笑。
Do姐、農夫
位於旺角心臟地帶的麥花臣場館，每年舉辦約200場本地歌手音樂演出及文化活動，不少本地以及外國歌手亦曾於場館留下精彩演出時刻。麥花臣場館除了是本港最炙手可熱的中型表演場館之一，更是本地音樂的搖籃，為正在追夢的音樂人及藝術家提供展現實力的平台！每年麥花臣場館於一月至四月期間舉辦年度音樂盛事「麥花臣節」，提供豁免租場名額及青年培訓計劃，而今年的「麥花臣節2026」更邀得不同的歌手單位合作，日前已正式公佈先由農夫與Teddy Fan 范梓謙打頭陣，更預告即將陸續公佈更多強勢陣容加入！
陸永
C君
農夫
農作天下頭炮力作 C君：「人哋最平嘅票價，係我哋最貴嘅票價，仲要睇兩場。」
農夫最近開設工作室「農作天下」(So Fa So Cool)，隨即宣佈頭炮製作 ——「麥花臣節2026」的廣東話棟篤笑大賽「港笑」，更是兩人首次以主辦單位身份做騷！陸永直言是個「唔太生嘅生意」，他說：「因為我哋想試吓自己嘅製作能力，可以做到個主辦，好彩又有麥花臣同我哋合作，解決咗好多場地嘅問題。」C君笑謂幸好平日夠八卦：「（我）鍾意去留意唔同嘅嘢，又會參與創作，所以今次做主辦要處理嘅嘢，都近乎想像之中嘅，只係當中好多細節比想像中複雜，handle到嘅。」他更力推所有表演者都要試做一次主辦：「你知道點去計budget、計人手，更加有利之後嘅創作，真係成個視野唔同晒。」陸永解釋為何這個活動不是「生意」，亦趁機宣傳：「因為想多啲人睇，所以我哋個票價真係非常合理。」C君接着說：「人哋最平嘅票價，係我哋最貴嘅票價，仲要睇兩場，初賽同決賽！麥花臣又好坐又夠冷氣。」
農夫向來鍾情棟篤笑，希望藉着這次的比賽引起更多香港人留意，陸永說：「我唔知道我哋能力有幾多，想盡量多啲人認識就好啦。棟篤笑喺香港唔係一個好流行嘅表演方式，可能聽落好容易，一個人上台講十幾分鐘咋喎，但係成件事要度幾耐呢？有人會度一年、兩年、四年，係一樣千錘百煉出嚟嘅嘢，勇氣好緊要！」C君認同肯上台表演棟篤已經好有膽識：「大家要畀自己多啲自豪，尤其喺整個世界都處於較多不快樂嘅時間，去做棟篤笑，起碼令人笑吓、放鬆一下，係一件好偉大嘅事。」他們期待所有參賽者，完成比賽仍會繼續做：「甚至下個麥花臣節有佢哋自己嘅專場就最好啦。」現時已收到過百份參賽報名表，完全超出他們想像。陸永私心分享他的小貼士：「可能嚟參賽嘅，唔係做開棟篤笑嘅名人，最好最好要介紹到自己先，因為我要知道你係邊個，先可以投入到你嘅世界。唔使好複雜，好似『我係一個廚師』咁之後就可以講關於廚房嘅，或者飲食界嘅笑話㗎啦。」提到麥花臣場館，他們曾經在場館做過多次演出，最難忘是場館自由度很高：「有次我哋喺個台度邊化妝、整頭，啲觀眾邊入場，我哋就同佢哋傾偈，之後完騷就送客，企喺門口逐個握手，估唔到我哋都握咗成個鐘，辛苦場館啲同事。」
Teddy Fan
Teddy Fan
Teddy Fan
Teddy Fan
Teddy Fan
Teddy Fan
Teddy Fan騷名為「BOSS GAME」 廣邀好友任神秘嘉賓
至於另一個將在「麥花臣節2026」的音樂人Teddy Fan 范梓謙，亦會在場館舉辦首個音樂會！他興奮地表示：「個騷會叫BOSS GAME，即係打大佬關！我一開始出歌，最想都係有一個自己嘅騷，呢兩年過五關斬六將終於有，對我嚟講就是打大佬嘅時刻。所有觀眾就係我大佬，我要畀一個好嘅演出大家睇。」他透露已邀請好友們一齊玩，笑言到時要帶多件衫：「基本上我係好想做一個好睇嘅Band Show，始終我係Band出身，所以今次我哋主要玩Band，當然有我嘅導師、好兄弟，我好希望同佢玩一個好開心嘅晚上。仲有個重點就係，我所有歌都會玩自己作，或者有份作嘅，冇Cover歌，很多快歌，所以希望大家入場的時候，因為睇呢個騷會（跳）到好攰！」各位樂迷敬請期待！
Teddy又大讚麥花臣的音響很好：「我自己每次嚟都幾鍾意，又係個好啱做Band Show嘅地方。我自己喺麥花臣都演出過好多次，作為一個結他手，我幾鍾意。由我自己出歌到而家，一直暗地想自己第一個Official演唱會，一定要喺麥花臣，我覺得咁係最好去呈現我自己音樂嘅地方。」他表示能夠在麥花臣場館開騷，絕對是音樂路上的一個Check Point！
