佘詩曼與契女們相聚食飯傾計唱K 感歎：原來快樂真係咁簡單！

50歲視后佘詩曼出名喜愛小朋友，曾自爆有十多名契仔契女，其中一位在外國留學的靚靚契女每次放假返港，她都會抽空陪契女食飯！近日，佘詩曼就因為突然好掛住一班契女，於是馬上約她們食飯！

佘詩曼出名喜愛小朋友。

契仔契女滿天下。

佘詩曼在IG晒出與一班契女飯敘的照片，並留言：「琴日瞓醒覺，突然間好掛住佢哋，Ad Hoc約咗呢餐飯，我哋去咗食壽司。攤完件炸芝士之後，因為都有一段時間冇見喇，想catch up返，我問咗佢哋三個問題，舊年最開心嘅事係咩？最唔開心係咩？最想進步嘅係咩？佢哋嘅年齡由10至到18歲，個個都回答得好可愛又真誠。」

佘詩曼IG圖片

佘詩曼IG圖片

佘詩曼IG圖片

與一班可愛的契女相聚，令佘詩曼不禁感歎：「原來快樂真係咁簡單，食完飯由百德新街行落去city’super買嘢飲，跟住去耀華街買糖水，再喺屋企玩遊戲同唱K（佢哋第一首係唱Love Story，係咪正），呢五個鐘過得好快樂。下次再約～」

佘詩曼IG圖片

視后佘詩曼（阿佘）入行多年人緣極佳，雖然沒有子女，但與不少圈中好友的孩子都十分投契，早已成為大家公認的「契媽」。近日，她更首度與契仔、陳山聰6歲兒子陳霆軒（Jaco）合作拍攝廣告，兩人在片場玩到唔停，工作之餘亦充滿歡樂，畫面相當有愛。

阿佘與陳山聰6歲兒子Jaco十分投緣

近日，她更首度與Jaco合作拍攝廣告

阿佘日前在社交平台分享拍攝花絮，只見年僅6歲的Jaco完全沒有怯場，面對鏡頭表現自然淡定，明顯已習慣拍攝工作。他更先後換上王子及獅子造型，可愛指數爆燈，成功搶去不少焦點。

Jaco淡淡定定

十分可愛

拍攝期間，阿佘與Jaco不停互動、嬉戲打鬧，笑聲不絕，契媽契仔默契十足，溫馨畫面令不少網民大讚兩人十分有愛，更被Jaco的萌樣成功圈粉。

契媽契仔默契十足