蕭正楠（Edwin）今日（1月13日）與許紹雄女兒許惠菁（Charmine）出席香港街市12周年呈獻「新春家有廚神 廚神！家有！」啟動禮，即場炮製賀年菜。受訪時，他透露現時全副心思投放於兒子「蕭哈哈」身上，每日為其準備加固食品，更笑指囝囝食雞肉紅蘿蔔米糊時非常開心，自己亦參考了不少嬰兒賀年食譜，預備於新春期間大展廚藝。
蕭正楠（Edwin）與「Benz雄」女兒許惠菁（Charmine）與今日（13日）出席街巿活動。
Edwin分享蕭哈哈現時已懂得叫爸爸媽媽、婆婆嫲嫲，互動驚喜不斷，每次見其新動作均感甜蜜。他笑言已教定兒子拜年動作，準備新年帶他外出「𢭃利是」：「都派咗咁多年，今年可以帶個BB出去收下利是，都幾開心！」他已備好可愛服飾，方便親友「塞利是」，至於會否打扮成馬仔造型，則要視乎太太黃翠如的意願。
點擊看圖輯
蕭正楠（Edwin）與「Benz雄」女兒許惠菁（Charmine）與今日（13日）出席街巿活動。
新手爸爸蕭正楠
提到與鄰居許惠菁的新年安排，Edwin表示大家將聚首煮食，更大讚Charmine廚藝了得，獲杜燕歌、韓馬利等前輩賞識，新年定必到訪其家中團聚。
蕭正楠笑言靠蕭哈哈𢭃利是回本 。
工作方面，Edwin坦言暫時未有新劇或節目安排，正忙於錄製新歌。他指因身份轉變，聲線亦有不同，希望藉此帶來新感覺：「既然再唱番歌，就想有個新感覺俾大家聽下。」他亦透露去年與黎耀祥、曹永廉赴澳洲拍攝的節目即將播出，雖三人並非當下最熱門的「CP」，但旅行節目機會難得，仍具吸引力。
忙於錄製新歌。
蕭正楠（阿蕭）與黃翠如一向是圈中的恩愛夫妻，自從去年3月誕下兒子「蕭哈哈」後，常常在社交平台分享三口子家庭生活照，令人艷羨非常。不過自從兒子到來，兩夫妻的生活都起了翻天覆地的變化，除戒掉不少壞習慣外，也比之前更注重健康。日前阿蕭及翠如為健康食品品牌善存拍攝全新廣告，就分享了不少為人父母後的改變。
夫妻檔拍廣告，借機拍拖。
阿蕭與翠如分別為「善存專業特選營養組合男士40+」及「善存專業特選營養組合女士40+」拍攝了兩段廣告片，過程中乘機放閃，真情流露甜蜜互動，今次夫妻檔合體搵奶粉錢，翠如透露過程很有趣：「客戶好放手俾我哋用返自己嘅默契去演繹，所以大家睇條片其實好多都係一shot落，過程好好玩，因為我哋而家身份轉換咗，好多時候習慣咗做爸爸媽媽，今次可以喺片裡面得返我哋兩個，算係一次小拍拖。」阿蕭亦不禁回想起兩人當初在劇集《師奶MADAM》初邂逅的情景：「就算我哋電視劇冇再合作，喺廣告再合作都係非常之開心！」
兩公婆不禁難得合體拍廣告，令蕭正楠回想起兩人當初在劇集《師奶MADAM》初邂逅的情景。
二人表現專業，跟導演何嘉華商討拍攝。
蕭哈哈遺傳唱歌天分
蕭哈哈雖然上月才剛滿一歲，但已十分有camera face，被問會否考慮跟兒子一齊拍廣告，翠如坦言：「暫時未諗住俾小朋友接觸呢個行業，因為其實BB參與拍攝係好辛苦，畢竟拍攝環境沙塵滾滾，亦有好多唔同聲音，對BB嚟講唔多習慣。」阿蕭就大爆兒子有唱歌天分：「我發現佢遺傳咗我，就係佢好鍾意唱歌，可能當時佢喺媽媽肚入面經常聽我唱歌，所以潛移默化。」
翠如透露暫未有計劃跟兒子合體拍廣告。
注重養生食supplement
自從成為父母後，二人都比以前注重養生，更戒掉夜瞓的壞習慣，翠如說：「每朝一早起身就會同BB開始搏鬥到佢夜晚瞓覺，所以好多時飯都未食完，忍唔住已經喺廳嗰度瞓著咗，所以而家變得好養生，好多時候都可以早睡早起。」阿蕭自言為了能陪伴BB成長也要努力養生：「運動方面加操咗，因為每日要抱住佢同佢玩，其實體能上都幾大消耗。同埋以前好鍾意飲冰水，而家我係每朝起身會先飲暖水，令到腸胃舒服啲。」
自從成為父母後，二人比以前注重養生，更戒掉夜瞓的壞習慣。
除此之外，阿蕭表示：「今次客戶介紹嘅產品，可以每日只係用一小包，就已經精準滿足到唔同年齡階段所需要嘅營養，其實真係幫到手，特別係我哋經常外出嘅人，真係好方便攜帶。」
蕭正楠黃翠如為親子關注養生。
不捨外出過夜工作
阿蕭與翠如每次要去開工都很掛念兒子，阿蕭透露兒子已開始懂性，知道父母出門會很失落：「而家仔仔知道我哋有時走咗去開工，佢會唔開心。有幾次同翠如一齊出咗去做嘢，走嗰時冇嘢，走咗之後，我哋聽到佢突然爆喊，跟住就指住個門口，意思係『點解走咗呀』，我哋真係好好好好唔捨得呀！同埋有時真係可能我哋出咗去做嘢，佢望見我嘅視頻，突然間係會笑得好high囉，同埋揸住我啲相喺度『爸爸、爸爸』，sweet到爆炸，搞到而家除咗真係必要嘅工作，盡可能都唔希望喺出面做過夜。」
兩公婆因為兒子不捨得外出過夜工作。
