聲秀畢業演唱會1.18麥花臣場館舉行 胡子貝陸卓謙甄敏芳心情勁興奮

《聲秀》十六強學員包括馮熙燮、柯雨霏、胡子貝、張津銘、徐惠晴、布子殷、陸卓謙、冼奕瑜、胡港豐、司徒泆、陳卓怡、林潔心、甄敏芳、周智敏、蕭凱恩和穎喬， 將出現於本周日（1月18日）晚上在麥花臣場館舉行的「《this is OUR STAGE》聲秀畢業演唱會」。 日前胡子貝、陸卓謙Jeffery和甄敏芳Jenny相約去了band 房夾band，更互相分享了演唱會前的內心感受。

《this is OUR STAGE》聲秀畢業演唱會

子貝表示：「因為我真係好熱愛音樂，否則我唔會堅持到呢一刻，我覺得有壓力先至會有動力，如果你對自己冇壓力嘅話，你點會進步？作為一個參賽者，最重要當然係唱好一首歌，諗嘅嘢會比較少，但係作為一個職業歌手，我要搵到我自己把聲，等大家可以記住我。」

胡子貝

陸卓謙

Jeffery說：「其實呢一刻心情好興奮，因為我都去過麥花臣呢個場館睇過唔同歌手嘅show ，今次自己企喺個台上面，有少少夢想成真嘅感覺。我覺得要不停增值自己，始終我而家只係17歲，我希望我好多方面嘅才華、才能同才藝都可以增值。 自己不斷進步，先至可以俾觀眾每年都會見到一個更加好嘅自己。」

Jenny：「我希望企喺麥花臣呢個舞台嗰陣，而且仲唱live，大家可以有surprise嘅感覺，感受到我嘅情感係可以感染到大家。希望大家會記得我哋16個學員，同埋記得我係殷敏芳Jenny。」

甄敏芳

互相分享演唱會前的內心感受。

季軍Matt胡子貝推出首支派台歌《情完節》，歌曲在2月15日推出，故名思義就是在情人節分手，之後一天就是「情完節」。要如此深情演繹歌曲，會否勾起自己的回憶？他又是否如此浪漫記下分手的日子？子貝說：「我反而唔會特登記得分手嘅日子，因為感情過去咗就要灑脫啲，唔好活在過去。不過我想相信都會引起好多人共鳴，因為每個人分手都會有一個『情完節』。」

胡子貝推出首支派台歌《情完節》

Matt 相信首歌都會引起好多人共鳴

子貝是《聲秀》的第三位幸運兒，比賽後三個月就推出個人單曲，他很感激有這個機會：「好快就有得出歌，心情好激動！之前喺《聲秀》畢業演唱會都有唱過，不過錄音室版本比當時唱Live有唔同嘅演繹，希望係一個新嘅起點俾大家重新認識我。」

他指錄音室版本比當時唱Live有唔同嘅演繹

《情完節》MV子貝找來好友Ophelia柯雨霏做女主角，而Ophelia變「奸霏」做渣女去傷子貝的心，她笑言：「估唔到第一次拍MV做女主角就要做渣女，我最初喺子貝面前扮乖乖女，但實質係一個玩家，玩弄子貝嘅感情。」子貝自爆以前都試過「做兵」，他說：「頭先Ophelia講咗句『你係一個好人』令我諗返起以前做兵嘅回憶。」

MV找來好友Ophelia柯雨霏做女主角

Ophelia變「奸霏」做渣女去傷子貝的心

MV之中二人有不少甜蜜親密的畫面，二人老友鬼鬼，Ophelia說：「我同子貝本身都friend，呢啲場面會易處理啲，肢體接觸會冇咁尷尬，有一幕鼻貼鼻睇落好sweet，其實大家喺度講緊無聊嘢互相嘲笑緊。」子貝則說：「其實會尷尬呀！對望嘅時候望幾秒就笑場喇。」

MV之中二人有不少甜蜜親密的畫面

兩位同為新人，當被問到拍攝MV有甚麼深刻片段？他們異口同聲說是最後一場分手戲，子貝說：「呢場戲要好激動，導演要我逼到300%嘅情緒大聲嗌出嚟，拍到好肉緊！」Ophelia說：「呢場我哋兩個都鬧到眼濕濕，大家都好投入好唔開心。」她續說：「呢一場拍咗好多次，每次都要諗唔同嘢鬧佢，有一次我鬧到唔知鬧咩好，反正都唔收音，我就問導演『我走得未呀！』成隊crew都笑咗，好彩子貝冇笑，最後順利完成拍攝。」

男女主角異口同聲最深刻的場面是最後一場分手戲