社會事
馬拉松「常客」國際巨星周潤發現身渣馬，今年發哥「降呢」跑十公里，他盛讚天氣很好，跑起來開心到不得了，又說賽事沒有難度，因為「一上斜就行」所以無難度。
周潤發今年跑十公里。巴士的報記者攝
周潤發早上約八時現身東區走廊起跑位置，隨即受到不少跑手歡迎並要求合照。與他一同出現的藝人還有「肥貓」鄭則仕、鮑起靜和劉江，還有蕭正楠和黃翠如等。他更說鮑起靜跟他跑了六年，鄭則仕則是新手，剛跑了九個月，劉江就最勤力，每天都有跑。幾個人加起來「幾百歲」，真的不得了。
周潤發今年跑十公里。巴士的報記者攝
周潤發在賽後說，他並不注重成續，主要是要完成賽事，和觀眾打下招呼，又說今日天氣好，有陽光又有風，很涼很舒服，沿途都在「吹水」所以開心到不得了。
香港馬拉松。巴士的報記者攝
被問到比賽最難的路段，發哥就笑言沒有難度，因為一到上斜他就叫他們不要跑，行就得，所以一點也不難。
周潤發已是第四度跑渣馬，過去兩年都是跑半馬的他，今年「降呢」跑十公里，他笑言是陪著其他人跑，如果他們明年可以跑半馬，他亦會回歸半馬。
視后佘詩曼今個農曆新年除了除家人外遊，人緣極佳的她亦忙出四出拜年，昨日（2月23日）大年初七「人日」，她就與周潤發、苗僑偉、戚美珍、黃宗澤、吳卓羲，以及久未露面的白茵一同團拜。
佘詩曼與周潤發、苗僑偉、戚美珍、黃宗澤、吳卓羲，以及久未露面的白茵一同團拜。
佘詩曼在IG晒出與發哥的自拍照和大合照，興奮道：「人生第一張同發哥嘅Selfie！！」可見二人都笑得十分開懷！佘詩曼又分享與發哥的難忘回憶，「記得第一次喺舊清水灣片廠嘅飯堂，食食吓飯突然間見到發哥行入嚟，我興奮到成個人彈咗起身，又怕羞喎，但係又忍唔住細細聲叫咗一聲：『發哥呀！』」
View this post on Instagram
佘詩曼續說：「又記得有一次，接到藝員部高層個電話，叫我第二日去訓練班上堂，我仲拗晒頭話：『吓，上堂？我要開工喎！』我仲記得佢話：『去啦，夾晒你啲時間㗎喇。』我心諗…無啦啦上乜鬼堂呀…攰到死…第二日死死地氣，因為未上過訓練班，仲行錯晒路。入到課室，梗係全部人都唔識啦，勁尷尬，求其搵咗個位坐低。張凳都未坐暖，我又『彈』喇！因為原來嗰堂係發哥親自教學！Ben Chan知道我偶像係發哥，所以專登叫埋我去聽嘅～（明醒我）嗰陣大概係2000年，我好記得，發哥話知道我係邊個，因為佢睇咗『十月初五的月光』，嗰刻雖然我外表表現得好平靜（話晒喺好多訓練班同學仔面前），但係其實我內心已經放晒煙花！」
佘詩曼IG圖片
佘詩曼IG圖片
最後，佘詩曼表示：「作為小粉絲嘅我，雖然未有機會合作，但係合影都勁浪漫，超溫馨！」不少網民都為佘詩曼終於能與發哥合照感到高興！
佘詩曼IG圖片
