餐廳生意難做結業在即推「應景」餐牌 引網民腦洞大開：Byebye肉粒飯！

香港近幾年餐飲業一直處於低迷狀態，不少食肆生意大不如前，面臨執笠危機。日前就有食客在網上發帖，指旺角有餐廳離最後營業仍有10天，特地推出應景特色餐牌，引發網民無限創意，為「碟頭飯」起搞笑餐名。

旺角有餐廳離最後營業仍有10天，特地推出應景特色餐牌。網上圖片

最後營業10天推應景套餐客飯

此食客在社交平台群組發文表示「又一小店敵不過貴租而結業」，而該餐廳位於旺角。由上載的相片所見，餐牌寫着「生意難做，最後營業10天」而推出的套餐客飯共有7款，供應時間由中午12時至6時，其中頭三個客飯的名稱十分有趣，似是店主苦中作樂，自嘲一番。有「結業牛腩飯」、「執笠豬扒飯」及「後會有期炒飯」。樓主後來揭曉「後會有期炒飯」其實是「生炒雞粒炒飯」。

樓主後來揭曉「後會有期炒飯」其實是「生炒雞粒炒飯」。網上圖片

網笑：窮到燶丁麵、光榮結業河

有趣的應景客飯名稱即發了網民的無限創意！紛紛為店主想出不少搞笑之作如「有冇『山水有相逢例湯』」、「執笠破產湯麵」、「窮到燶丁麵」、「光榮結業河」、「「乾炒魷魚河」、「Byebye肉粒飯」、「入不敷支羊腩飯」、「榮休火腩飯」、「飯後甜點：散水餅」。亦有網民笑說，「乾炒肉丸都俾你諗到，唔怪得會走到呢步」。

示意圖。‧《愛回家》劇照

網嘆香港做生意真係難

有網民就慨嘆「香港做生意真係難，租貴、人工又高，又唔敢賣得咁貴，惡做」、「除咗租金問題，啲人少咗幫襯無生意都捱唔住」、「個個都北上消費香港仲邊有生意！店舖結業自然多人失業！」「我見到好多都過年前執咗」、「年尾要找數」、「所以我只會去不同小店食飯，唔會去連鎖，盡幫啦，冇計」，有人就鼓勵「周街都吉舖，找另一間平啲大啲，再戰冮湖，嘢食味道和質素好味，哪裏都有生意」。

示意圖。‧《愛回家》劇照

網購一族下單之後最期待便是收貨一刻，不過近日有網民在網上撰文，指一件從海外寄來、約A2尺寸的「特快專遞」包裹，竟然遭香港郵政的郵差強行對摺多次後，「掙爆」塞入住所信箱，導致包裹內價格不菲的物品恐已損壞。事主相當無奈：「我件貨mola（無啦）」，相片曝光後掀起網民熱議。

示意圖片

該名港女在Threads撰文公開事件經過，指自己訂購的包裹外層包了數層厚泡泡紙，明顯是物品而非普通信件，但郵差仍「夾硬暴力屈埋對摺幾次」塞入信箱。她認為，不論物品是否貴重，郵差都不應如此處理郵件 ，「重點係，即使係1份文件、1張生日卡、poster，都唔係咁夾硬屈摺啲嘢嘛」。事主又指，以往即使無人收件，郵差亦會留下通知卡讓收件人到郵局領取。

threads圖片

帖文曝光掀起網民熱議，不少人質疑郵差的處理方法：「Speedpost（特快專遞）正常應該要簽收」、「咁大件佢點樣由個窿嗰度塞入去？」，事主回應質，一些新式樓宇設有郵件分發房，郵差是從信箱後方投入郵件，後方的投遞口「等同成個信箱咁大」，故能將較大件的包裹塞入。

threads圖片

不少網民亦紛紛留言分享自己的慘痛經歷：「係咁㗎！成日都係咁！寫明嚴禁屈曲都對摺！」、「有次寄證書過嚟，都係被對摺入箱」、「我試過好多次，都被人咁摺，因為係紀念品，成件摺痕無晒價值」。