陳瀅與緋聞男友高調睇BLACKPINK 聞歌起舞High爆

韓國世界級女團BLACKPINK一連三日於啟德主場館舉行「DEADLINE」世界巡迴演唱會香港站，不少藝人都慕名前往朝聖，包括陳瀅、JW王灝兒、陳曉華、陳楨怡、宋熙年等，當中陳瀅更高調與緋聞男友Howie同行！

BLACKPINK一連三日於啟德主場館舉行「DEADLINE」世界巡迴演唱會香港站。

陳瀅與緋聞男友Howie、好友JW、馬天佑等同行。

陳曉華

陳楨怡

宋熙年

陳瀅在IG晒出睇騷的照片及影片，可見她聞歌起舞，非常投入，與緋聞男友Howie更是毫不避忌，繼續高調合照，同行亦有JW、馬天佑等其他好友，眾人都玩得相當盡興！

影片截圖

影片截圖

影片截圖

影片截圖

影片截圖

陳瀅IG圖片

兩大女神陳瀅和蔡潔早前宣布搞搞新意思，她們將於4月25日晚上8時正現身澳門銀河G Box，攜手參與由「本地舞台」及「澳門銀河」主辦的限定現場演出《Pillow Talk》，不少粉絲知悉後均表示非常雀躍，期待看到她倆在舞台上的首度合作。今次《Pillow Talk》票價分別為$980（合照）和$580兩種，並定於3月17日在銀河票務（https://www.galaxyticketing.com/）公開發售。大會更首度公開官方海報，海報上的陳瀅和蔡潔面帶微笑拿着枕頭，絕對是閨蜜之間心有靈犀的畫面。

陳瀅與蔡潔宣布將於4月25日晚上8時，在澳門銀河G Box舉行首個現場演出《Pillow Talk》，門票分$980（合照）及$580兩種，3月17日公開發售。


近期陳瀅和蔡潔已把時間表調整，除必要工作外，其餘大部分時間也預留練歌和練氣，期望在台上把最好的表演帶給大家。陳瀅表示當然會有壓力：「始終第一次喺台上面唱歌俾咁多觀眾聽，不過朋友知道我開show都覺得呢件事好新奇，我會努力做好呢個演出，唔會令每一個入場嘅觀眾失望。至於我會唔會轉跑道去唱歌，暫時應該唔會，我始終都係比較鍾意做演員多啲，不過而家有個咁好嘅機會俾我，我唔介意去嘗試。」蔡潔同樣表示緊張：「因為我哋兩個真係冇喺舞台上面做Show嘅經驗，我希望可以發揮好我揀嘅歌，可以講到一啲故事俾入嚟支持我哋嘅觀眾聽，呢啲故事係關於由我出道到而家嘅一啲想法同改變，所以我希望做好呢一Part，大家睇完之後又有共鳴，我就好開心㗎！」

兩大女神近日已調整時間表，積極練歌練氣。



至於歌單方面兩位女神大賣關子，陳瀅說：「唔講俾你哋聽住，等你哋到時入場有驚喜！」蔡潔希望保留少少神秘感：「我遲啲都會喺我嘅社交媒體度開放點歌，大家如果想聽我唱咩歌都可以留言，我會盡力去揀一啲大家想聽嘅歌去唱，但我都已經揀咗部分歌出嚟，到時見到班fans唱俾佢哋聽，又可以玩吓遊戲傾吓偈，同大家渡過一個愉快同精彩嘅周末晚上。」

二人對歌單大賣關子，揚言要給入場觀眾驚喜。