啤梨率領新城義工隊再度出動 范振鋒夫婦拍拖支持情緒支援服務

生命熱線「愛．喜．行」慈善步行暨園遊會2026昨日（2月1日）假馬灣1868順利舉行，活動以「用藝術表達愛」為主題，吸引大批市民攜同家人參與，新城廣播義工隊為善不甘後人，再度出動。

新城義工隊隊長葉文輝（啤梨）率領多位同事浩浩蕩蕩預備出發。

義工隊由MBO TV台長兼義工隊隊長葉文輝（啤梨）親自領隊，率領新城廣播有限公司總經理（項目及商業事務）朱靜宜、新城財經台台長魏美珍、新城藝人經理人及項目總監范振鋒（阿范），以及多位主持與員工，包括游莨維（Master Joe）等。一行十多位同事浩浩蕩蕩投入公益，氣氛融洽。阿范更帶同太太李思欣同行，夫婦檔拍拖做善事。

左起：MBO TV台長兼義工隊隊長葉文輝（啤梨）、新城廣播有限公司總經理（項目及商業事務）朱靜宜、李思欣、新城藝人經理人及項目總監范振鋒（阿范）、新城財經台台長魏美珍、主持游莨維（Master Joe）

啤梨分享減壓方法　呼籲大眾關注情緒健康
啤梨表示，每次新城義工隊出動都獲同事踴躍響應：「大家明明好忙，但都會放低工作報名參加，成班人好似去旅行咁開心又有愛心，我真係好愛所有義工同事！」他亦呼籲市民多關心身邊受情緒困擾的朋友或家人，如有需要可致電生命熱線尋求協助。

談到個人減壓方式，啤梨分享：「唔開心時，我會望海、聽歌。有時會搵朋友傾，但有時又唔想畀相熟嘅人知，就會選擇搵陌生人傾訴。做節目時聽眾打嚟分享心事，能夠抒發、有人聆聽，好似生命熱線咁，有專業意見，其實冇嘢係解決唔到。」

MBO TV台長兼義工隊隊長葉文輝（啤梨）

阿范夫婦談情緒與相處之道：停一停、鬆一鬆更重要
阿范表示，現今社會壓力大，不少人遇到不如意時選擇沉默，因此提醒大家要主動關心身邊人：「如果發現朋友突然少咗聯絡，不妨主動問候一下。」太太思欣亦分享心情調節心得：「如果太唔開心，可以搵朋友傾下，或者停一停諗一諗，唔好越踩越深，只要鬆一鬆，好多事都會迎刃而解。」

談到夫妻間的磨擦，思欣笑言：「以前我會好chur，但發現愈chur愈傷感情。依家會先停一停，等大家冷靜，關係反而更好。」阿范則補充：「香港地方細，如果大家困喺細空間，火氣未散，不如落街抖一抖，等情緒沉澱。」

范振鋒與太太李思欣

左起：葉文輝、李思欣、范振鋒

范振鋒（阿范）主持的新城知訊台《「鋒」繼續吹》全新美容環節《靚靚陪審團》，最新一集節目請來藝人莊思敏（Jacquelin）與客席主持婥絲（香港）美容儀器有限公司香港研發儀器創辦人的Nicole Lam「高力豆沙」一同探討美容儀器的選擇與風險。Jacqueline在節目中自爆由「針劑達人」變為「膽小派」，全因親眼目睹朋友因過度依賴醫美而導致「骨肉分離」的恐怖經歷。

莊思敏接受新城《靚靚陪審團》節目訪問。

美容科技日新月異，市面上的美容儀器五花八門，消費者如何揀選適合自己的療程成為一門學問。Jacqueline坦言自己年輕時對醫美項目相當大膽，早年曾嘗試過不少針劑療程，包括保濕針、Botox等，可謂「針劑達人」。然而，隨著見識增多，她反而變得謹慎。她分享道：「以前覺得試吓無妨，但現在見到身邊好多朋友，可能做嗰刻好靚，但幾年之後，隨住年紀增長，皮膚彈性變差，但啲填充劑係唔會變，結果出現骨肉分離，好詭異。」

Jacqueline更透露，有一位認識了20年的模特兒朋友，曾經是圈中公認的美女，但在她失聯四、五年後再重逢時，竟然完全認不出對方。「佢成個樣唔同晒，個嘴變到好凸，好似孖膶腸咁，顴骨好高，但其他位置就開始下垂。見到咁樣，真係覺得好得人驚。」

左起：范振鋒、莊思敏、婥絲（香港）美容儀器有限公司香港研發儀器創辦人的Nicole Lam「高力豆沙」

談到美容儀器，Jacqueline表示自己曾幫襯過超過十間美容院，發現不同技師的質素參差。她無奈地說：「我只係想保濕同埋塊面細啲，但個個都建議我做唔同嘅嘢。有人叫我打溶脂針，有人叫我做HIFU，但又話我呢種有肉嘅面要做高能量機溶脂，搞到我好混亂。」

雖然對高能量醫美項目變得謹慎，但Jacqueline表示自己從20歲開始工作起，就非常注重護膚基本功，特別是清潔和保濕。「無論幾攰都要敷mask，就算真係冇時間，都要厚敷乳霜，千祈唔好俾皮膚乾，一乾就會出細紋。」她寄語消費者，在接受任何療程前應做足資料搜集，了解機種及功效，並觀察治療師是否能夠清晰解釋流程，「如果你問到佢口啞啞，嗰陣你就可以趁機走人。」

莊思敏

莊思敏

《「鋒」繼續吹》「靚靚陪審團」環節由范振鋒主持，婥絲（香港）美容儀器有限公司香港研發儀器創辦人Nicole Lam「高力豆沙」擔任嘉賓主持，內容圍繞扮靚護膚心得及秘訣分享。節目逢星期四晚上11時至12時於新城知訊台播出；MBO TV則逢星期五晚上8時至9時首播。

詳細節目內容，請重溫：
３月19日，晚上11:00 – 00:00，新城知訊台《「鋒」繼續吹》節目，網址：https://www.metroradio.com.hk/MetroInfo/
３月20日，晚上８:00 – 9:00，新城MBO TV《「鋒」繼續吹》節目，網址：
https://mbo.metro.hk/