夜王｜「V姐」鄭秀文率領15性感囡囡重錄新版《星秀傳說》 阿卵Dee哥Rap擔當

天后鄭秀文（Sammi）日前為賀歲片《夜王》，率領王丹妮（Louise）、廖子妤（Fish）、楊偉倫（阿卵）、何啟華（阿Dee）、楊偲泳（Renci）、譚旻萱（Mandy）、李芯駖（Sumling）、林熙彤（Hazel）、鄧麗英（麗英）、蔡蕙琪（Kay）、趙君瑜（Angelina）、王紫影（Shadow）、馮靖茵（Baby梓）、黎紀君（Christy）、周芷慧（Aggie）、余樂澄（Monique）和原創音樂廖穎琛（Iris）等17位電影主創，重新走入錄音室，為Sammi經典快歌《星秀傳說》重新錄音兼拍MV，眾女星性感亮相，在布置了Mirror Ball、搖晃大量彩色射燈的Disco狂舞，Hot爆！

天后鄭秀文（Sammi）為賀歲片《夜王》率領17位電影主創，重新走入錄音室，為經典快歌《星秀傳說》 重新錄音兼拍MV。

Sammi表示今次重新灌錄的新版《星秀傳說》 (電影《夜王》宣傳曲) [feat. 尖東夜王] [Shine一次 Version]，由電影導演兼編劇吳煒倫點名，Sammi說：「今日為電影歌曲錄音同埋拍MV，呢個idea來自導演，佢搵返我好多年前嘅歌放入電影，呢首歌好啱電影講嘅時代背景。當導演有呢個order時，我就諗可以加啲Rap上去，難得有阿卵，佢以前有隊『朱凌凌』，同埋阿Dee喺度，由佢兩位負責Rap部份。有Fish、Mandy同Louise等十五個女仔一齊唱，呢首《星秀傳說》2026年最新版本，專登為呢部電影重新炮製。」

「Rap擔當」阿卵與Dee哥戴上黑超、穿上毛毛大褸，造型感十足，還滿口九唔搭八英語扮Rapper巨星，一時話I Love Hong Kong，一時又話食蛋撻、雞蛋仔、菠蘿油，全場捧腹大笑，炒熱氣氛。Sammi亦「V姐」強勢登場，帶領眾囡囡落力勁舞。

眾女星性感亮相。

「籃球女神」Mandy一改清純形象，吊帶小背心跳舞，令人眼前一亮，她更自言預知能力，說：「我今日搭車嚟嘅時候，已經picture到MV場面就係咁，一模一樣！」過往在螢幕前冷艷的Louise亦變得活潑熱情，她最初以為在錄音室戴耳機拍攝，想不到現場布置成Disco，她笑言：「我瘋狂聽呢首歌，好期待MV。」

在MV中盡情跳舞的Fish說：「我覺得好似上咗一堂健身堂，好攰呀！我本來諗住搖吓郁吓，但見到Sammi出盡力，好用力、好用力，我唔好意思喺佢旁邊⋯⋯所以我都用盡力。我真係要向Sammi好好學習，咁我就會fit啲！」

Fish

雖然電影已煞科了一段時間，但Sammi到場見到班囡囡，仍能準確地說出她們的真實名字，她說：「拍戲時都有同場，雖然未必同每一位喺對白上有交流，但對每位演員有認識係基本。無論拍戲嘅時候，今日錄歌拍MV都好有團隊精神，最重要嘅靈魂人物『歡哥』黃子華，雖然佢今日無拍MV，但佢嘅精神與我哋同在，respect ！」

Sammi帶領眾囡囡落力勁舞。

憑電影《夜王》中「葵芳Franchesca」一角人氣急升的蔡蕙琪（Kay），其角色不但引起網民二次創作，港鐵更首度聯乘電影《夜王》推出車站快閃活動，更將三個話題車站葵芳、葵興同茘景站化身成《夜王》主題打卡位，讓觀眾由大銀幕走入港鐵站，延續網上熱話。繼早前接受港鐵邀請尋找「葵芳」的故事，昨晚Kay現身葵芳站拍攝，隨即吸引不少市民圍觀，她都有求必應和大家合照：「葵芳站對我嚟講係一個好熟悉嘅車站，我之前喺葵青劇院，所以成日搭港鐵喺呢頭出入，又要劇團排練，又要趕住拍戲，成日四圍奔波，真係要爭分奪秒。」

蔡蕙琪憑電影《夜王》中「葵芳Franchesca」一角人氣急升。

蔡蕙琪現身葵芳站打卡。

日前葵芳站一早已經有好多fans拿着Kay的《夜王》宣傳品，圍住有葵芳樣條柱等葵芳出現，除了《夜王》電影fans外，還有一班鐵路迷。且適逢放工時間，葵芳站聚集人群，當Kay一出場即有fans叫喚葵Franchesca，且舉機拍照，大讚Kay真人靚女，足見葵芳這角色瞬間已深入民心。

吸引不少市民圍觀。

吸引不少市民圍觀。

吸引不少市民圍觀。

被問到近日人氣急升，搭港鐵時冇人認得你呀？Kay都感到驚喜：「我平時打扮比較男仔頭、直頭髮，加上我有戴帽，所以啲人未必認得我；但今日我好開心自己精心炮製嘅『葵芳Look』可以將葵芳依個角色再次呈現係觀眾面前。」

提到今日活動中群情洶湧的盛況，Kay表示：「真係好夢幻！竟然可以聽到自己廣播嘅聲音，冇諗到自己有一日可以參與其中！所以感覺置身係夢境之中！我會好好記錄今年，學識欣賞自己，同時感恩前輩嘅提攜，我希望嚟緊有更多作品，比大家睇到另一面嘅阿Kay。」

蔡蕙琪

Kay坦言：「今次電影公司同港鐵舉辦嘅快閃活動，可以同自己『角色』打卡，呢個以前真係未諗過，今次角色帶咗好多第一次畀我！頭先收到港鐵車站主題毛巾都好開心，上面有葵芳站對我有另一重意義，真係好值得留念。但我屋企人比我仲開心，佢地一早已經黎咗打卡。」除咗葵芳站外，她仲沿綫快閃「葵兄@葵興站」及「Night King @ 茘景站」，將《夜王》熱潮帶到更多車站。

蔡蕙琪

提到導演吳煒倫早前訪問時，忽發奇想拍喪屍片，Kay也期待說：「我都好想拍喪屍片，試吓食咗子華，跟住俾sammi救出嚟，好正！」還有更期待的是希望電影早日破億，她揚言會瘋狂謝票答謝觀眾。」

蔡蕙琪

港鐵一向積極推動香港本地文化及電影產業發展，今次更以實際行動支持港產片，為觀眾送上更多港味故事，展現地道文化魅力。除推出一日限定車站「葵芳」廣播外，更於MTR Mobile獨家推出電影謝票場名額100個（每名額可換領兩張戲票），讓會員於3月17日下午3時開始可以20,000 MTR 分換取3月21日下午5時05分於 ELEMENTS 圓方 PREMIERE 戲院舉行的《夜王》謝票場門票兩張，近距離感受《夜王》「葵芳」的熱潮。

港鐵一向積極推動香港本地文化及電影產業發展。

港鐵更特別於葵芳站客務中心發售打卡必備紀念品，印有葵芳站的港鐵車站系列 運動毛巾及港鐵路綫圖A4文件夾。粉絲凡購買即有機會獲贈 $10 港鐵車站商店購物現金券，數量有限，先到先得！即刻約埋好友，一齊由葵芳站出發，再走訪葵興站及茘景站，感受《夜王》與港鐵交織出的香港回憶，支持本地文化，與「葵芳」再度相遇！