娛圈事
天王對決在澳洲網球場上演，周杰倫同陳奕迅（Eason）兩位樂壇大佬，早前在澳洲墨爾本公園並肩睇完阿爾卡拉斯（Carlos Alcaraz）對決茲維列夫（Alexander Zverev）的網球大賽之後，原來二人還有相約切磋球技！陳奕迅日前就在IG曬出同周董的合照，兩人唔止一齊睇波，還落場切磋上演一場「澳洲第一打」！
IG圖片
相片中兩大天王齊齊以運動服上陣，Eason 興奮寫道：「澳洲第一打！！今次天朗氣清嘅墨爾本加埋呢個環境優雅嘅俱樂部，配埋呢位咁特別嘅拍檔，令呢次旅程更加獨特！多謝周生嘅邀請及安排，希望下次快啲嚟啦~續說：想試響草地打。」
IG圖片
IG圖片
而周杰倫轉發二人的合照，並搞笑引用Eason 的名曲《淘汰》歌詞回應：「只能說我輸了 也許是你怕了」隨後，周杰倫再分享另一張合照，除了陳奕迅，仲多咗位內地人氣男星王俊凱，周杰倫開心寫到：「開心帶大家聚餐，有人可以聊聊音樂真好！」估唔到一場網球約會，最後變咗跨地域音樂高峰會。
台灣天王周杰倫近年忙於內地巡唱吸金，行程密密麻麻。早前佢快閃返台宣傳新碟，完成活動後行程依然排滿，除了巡視自己經營的潮流店，更順便「巡樓」，被揭資產驚人。
周杰倫近年忙於內地巡唱吸金
當日活動結束後，周杰倫未有換走造型，直接喺工作人員陪同下離開，先去東區潮牌店視察，好友阿Ken提前到場迎接。逗留約90分鐘後，佢再前往位於台北大安區的豪宅，同行仲有女助理。
現與老婆昆凌居住於頂樓樓中樓單位
據台媒盤點，周杰倫與太太昆凌家族名下合共擁有9個物業項目、10戶豪宅，總市值超過21億新台幣（約5.17億港元），規模相當驚人。
周杰倫與太太昆凌家族名下合共擁有9個物業項目、10戶豪宅
其中位於大安森林公園旁嘅豪宅，由建築大師Richard Rogers設計，每戶價值動輒數億台幣。周杰倫早於2021年已豪擲逾3.5億新台幣入手。
其實佢一向投資眼光精準，早年已開始掃入豪宅，包括頂樓樓中樓單位、捷運站旁物業等，部分仲分別登記喺太太同母親名下，資產配置相當有策略。
除咗做「樓王」，周杰倫亦冇放慢音樂步伐，近期密集推出新歌MV，仲吸引林書豪拍片翻唱兼挑機：「这首MV只有9M views 如果有我在裏面肯定就20M了 我覺得我這個版本比較好 你們覺得呢？請認真 誰輸誰請客。周杰倫，我喜歡龍蝦 謝謝」
近期密集推出新歌MV
仲吸引林書豪拍片翻唱兼挑機
兩個禮拜已經播出四個MV
面對挑戰，周杰倫即刻回應：「你等等去看投票」，隔空互動火藥味十足。
