巴士變「巴屎」？男乘客人有三急巴士上「就地解決 」全車人被逼落車

不少人都經歷過在乘搭交通公具時，突然有三急，又不能就地解決的尷尬及痛苦。不過日前有網民分享指在乘坐巴士時，有乘客「忍無可忍」決定在巴士上層「解決」，令全車乘客要落車。

日前就有網民分享指在乘坐巴士時，有乘客「忍無可忍」決定在巴士上層「解決」，令全車乘客要落車。threads 圖片

司機即刻靠站讓所有乘客下車

有網民在社交群組分享指日前約於上午11時10分乘搭巴士268C時，突然有名男乘客在「上層屙屎」令全車人要落車。樓主表示事發時，他坐在巴士下層，到了大欖轉車站時，有個女乘客突然落到下層告知司機，話上層有名男乘客突然話「急屎，忍唔住啦，去咗後排屙緊」個女乘客一講完，上層全部乘客衝了下來，此時司機即刻靠站，並讓所有乘客下車。樓主更溫馨提示到「我落車時見到個男人係坐左邊尾二排靠窗位置 大家睇路 」

threads截圖

女乘客強調「係屙屎唔係瀨屎」

樓主還補充到，聽那位女乘客說「 佢講完忍唔到先除褲屙屎」並強調「所以係屙屎 唔係瀨屎」。

資料圖片

網笑：呢鋪就真係搭『巴屎』

男乘客巴士上層「就地解決」事件馬上引來網民熱議，有網民表示，「其實佢都好慘，日日大西北去港島搭巴士返工既人感同身受」、「要怪就怪屯公個設計」、「將全身嘅力集中係肛門果種感覺，諗起都標冷汗」。「呢鋪就真係搭『巴屎』」

資料圖片

網友：嘔 可體諒，瀨 放過佢....

亦有網民好奇地問到「我比較關注 瀨屎果個男人 有無同你地一齊轉搭下一班巴士 ？」亦有較關心巴士清潔工「清潔巴士個位就慘，我腦海中諗 巴士車長埋站，呀娟姐，今朝早有乘客屙屎，麻煩清咗舊屎佢」亦有人表示「嘔 可體諒，瀨 放過佢， 柯 叫佢食返落去」

港人熱愛旅遊，足跡遍及全球。早前，一位在冰島旅行的港人，在壯麗的冰天雪地自然美景中，突然發現了一個熟悉的藍色小袋—Tempo紙巾袋。該名網友隨即在社交平台撰文尋物主：「邊個香港人喺冰島漏低咗Tempo?」

網上圖片

帖文一出，隨即掀起網友熱議，不少人形容Tempo紙巾袋猶如「香港身份證」：「我嗰日都已經諗緊邊個香港人將香港身份證跌咗喺冰島」，而貼文曝光後竟然引來疑似Tempo物主現身「認領」，指自己就是紙巾袋的物主：「真係我架，喺衫袋拎手套嗰陣吹走咗執唔返」

網上圖片

網上圖片

Tempo冰島奇遇記事件引發網民熱議：「為何一見到Tempo就認定係香港人？」不少網民紛紛留言：「Tempo唔係得香港有㗎」、「Tempo唔係德國咩？幾時變咗香港特有？」。原來，Tempo雖然源自德國品牌，但在香港市場銷量長期佔據第一，而且香港出售的包裝設計與其他地方不同，極具辨識度，因此這個看似普通的藍色紙巾袋亦被大家稱為另類「香港身份證」。

網上圖片