藝人陳松伶（松松）接受李有毅（Ben）與兒子李國煒（Benson）主持的新城知訊台《Ben同Benson「Chur」到行》錄音訪問，暢談演藝生涯與家庭生活。松松回首年少成名時對洶湧而來的名利感到手足無措，又甜絲絲透露與丈夫張鐸相處點滴，大讚對方是她人生中重要的傾訴者。
陳松伶接受新城知訊台《Ben同Benson「Chur」到行》錄音訪問。
談及早年憑劇集《天涯歌女》一炮而紅，松松形容當時作為半工讀學生，面對突如其來的名氣與關注，心情是「手足無措」。她表示，身邊無人能引導她如何面對這種生活巨變，一切只能靠自己摸索「蜂擁而來所有嘅名利，其實對我嚟講係有啲手足無措。」
對於外界曾流傳她賺取三億的傳聞，松松在節目中笑著否認：「冇、冇。」她解釋當時的主要收入來源是月薪，並不知道唱片實際銷售情況，反而後來接登台和廣告等工作，才開始對收入有較明確概念。
左起：李有毅、陳松伶、李國煒.
被問到在事業輝煌期的人生規劃，松松形容自己是個很隨遇而安的人。她坦言，如果當初有更周詳計劃，人生或許會更好，但她當時只追求開心。「認識我嘅人就知道，我開心嗰一下係燦爛開心，一唔開心我係粉碎。」Benson形容她這種性格非常「YOLO」（You Only Live Once），松松亦同意自己是非常「當下」的人。
松松於2007年在內地工作期間認識現任丈夫。她形容初識時覺得對方成熟穩重，「穩如泰山，坐懷不亂」，正是她需要的人選，在心緒不寧時，丈夫是她很好的傾訴對象。「佢唔係一個只會談情說愛嘅人，佢會分析畀你聽，話你知係唔啱嘅、唔好嘅，大家一齊去改進。」
陳松伶否認賺3億傳聞。
她特別提到丈夫性格直率、不拘小節，從不介意他人目光，這點深深影響了她。「佢聽完一啲閒言閒語，或者唔係事實嘅嘢，佢根本就唔理，嗰一刻會令到我覺得，好多心裡面嘅重擔其實係唔需要有嘅。」這種坦然的生活態度，幫助她放下了許多不必要的壓力。
在日常生活的小甜蜜方面，松松透露丈夫是個會把「我愛你」掛在嘴邊的人，而她則最常關心對方累不累。早前她生日時，丈夫即便在橫店忙於拍戲，仍在冰天雪地中特意錄製生日祝福影片，讓她倍感溫暖。
詳細節目內容，請留意2月7日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/
歌手尹光到新城廣播接受李有毅與李國煒主持的《Ben同Benson「Chur」到行》訪問，分享由黃偉文（Wyman）為他度身訂造的新歌《你阿爸的無常宇宙》。現年81歲的尹光，在新歌中從出生唱到往生，說的是放下執著，接受上天的安排。然而在拍攝MV時，導演張子丰不讓尹光「死去」。
尹光接受新城《Ben同Benson「Chur」到行》訪問。
尹光談及新歌《你阿爸的無常宇宙》時難掩興奮，他表示歌曲由Wyman操刀：「自從《Dear Myself》之後，佢覺得佢想寫一首歌畀尹光唱。我聽到佢想寫畀我，嘩！開心到。我求都未必求到佢寫畀我，難得佢肯寫畀我，我開心到不得了。」
尹光介紹歌曲內容時滔滔不絕：「呢首歌係講一個人由出世到往生，以前人生幾十年，依家人生可以過百年，我都識幾個九十幾歲，現代人壽命長咗。佢講嘅往生同出生，叫人唔好太執著，每件事上天都安排好。你想健康就運動；你想開心就唔好諗太多，咁你個人就冇問題喇！」
左起：李有毅、尹光、李國煒
新歌MV由張子丰（Fred）執導，拍攝過程甚為有趣，他分享MV中的特別安排：「原本首歌係講我往生，講我死，但Fred話唔好畀尹光死住，我哋仲有排玩。」尹光續說：「MV入面我死咗經過奈何橋，佢話我冇手帶唔走得住。我問佢點解我唔走得？佢話『你未係時候，依家你鍾意去邊就去邊，鍾意做乜就做乜，玩夠再返嚟』。」
談及與兒子的關係，尹光提到自己歌曲《老豆》正正是講述父子關係，他坦承：「年輕時同個仔冇咁密切，長大之後就比較密切。」他解釋：「因為佢細個嘅時候要搵食，個個年輕時都會去拼搏去賺錢，賺錢時就好少顧個仔，多數請工人或者太太照顧，到依家想接觸個仔，佢又識諗嘢，覺得老豆以前冇照顧我咁好，依家想補救，同個仔都OK。」
新城CEO馬浚偉歡迎尹光到訪。
81歲尹光推出新歌《你阿爸的無常宇宙》。
尹光特別感謝影帝張家輝為《老豆》拍攝MV：「我喺呢到借個機會多謝張家輝，佢拍《老豆》個MV真係拍得好好。雖然三兩分鐘，佢個表情真係絕頂，頭髮雖然梳咗兩個鐘，但拍咗兩三秒，轉咗個頭，但嗰吓好有感覺，所以真係影帝。」尹光又透露與兒子的日常溝通：「我個仔冇咁多嘢講，佢同我老婆就講好多嘢，由我老婆講畀我聽。」
另外，尹光將於5月19日舉行《爆笑勁歌晒冷演唱會2026》，他笑言：「曬冷就唔敢講話曬冷，曬冷唱多啲歌畀大家聽，即係有啲歌冇唱過都曬畀你聽。」同時介紹兩位演出嘉賓：「第一個是蝦頭（楊詩敏），佢會同我唱一首好搞笑嘅歌，另一係鄭雅琪，佢喺粵曲界好出名，佢同我會唱幾首廣東小曲。」
唱盡出生到往生。
詳細節目內容，請留意4月25日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/
