LV粉紅銀包撞樣九巴座椅花色 吉祥物「九巴仔」爆笑回應：變咗隱形富豪

法國奢侈品牌路易威登（Louis Vuitton）以花朵圖案結合LV標誌的Monogram設計聞名。近日有網民發現，品牌一款粉紅色銀包竟與香港九巴的座椅圖案極為相似，隨即引發熱議！

法國奢侈品牌路易威登（Louis Vuitton）以花朵圖案結合LV標誌的Monogram設計聞名。LV圖片

經典Monogram撞樣巴士座椅

該網民在Threads發文驚呼「差啲睇錯，我要驗眼！」並附上兩張對比照片。從照片可見，Louis Vuitton推出了一款銀包，有青、白、粉紅三色可選。其中粉色款與香港九巴座椅的花色極為相似。

Louis Vuitton推出了一款銀包，有青、白、粉紅三色可選。Threads截圖

其中粉色款與香港九巴座椅極為相似。Threads截圖

九巴仔親回「變咗隱形富豪」

帖文中更吸引九巴官方吉祥物「九巴仔」親自留言回應，幽默寫道：「變咗隱形富豪」。

九巴仔親自留言回應！Threads截圖

網民創意改圖瘋傳

不少網民發揮創意，將銀包照片合成到巴士座椅上，兩者幾乎「融為一體」。有人笑言：「用呢款銀包坐巴士跌咗都唔知」、「巴士迷專用色」，更有人戲稱「LV可以考慮出埋安全帶」。亦有網民提出趣想：「可以調返轉，買真係用巴士皮套做嘅筆袋扮LV」。

不少網民發揮創意，將銀包照片合成到巴士座椅上，兩者幾乎「融為一體」。Threads截圖

網民亦聯想到瑞士糖

除了與九巴座椅「撞樣」，亦有網民指出該款粉紅色銀包的格紋設計，令人聯想起經典糖果「瑞士糖」，留言稱：「第一下以為係瑞士糖」。

有網民聯想起經典糖果「瑞士糖」。資料圖片

近日有網民在Threads發帖，指在將軍澳某居屋屋苑遇到一隻走失的雄性柴犬。樓主表示：「我一出𨋢門佢跟咗我返屋企。我依家唔知點算好…佢好似開始有啲焦慮。」由於從未養過狗，樓主急忙向網民求助。

將軍澳有港女一出𨋢，就有隻柴犬跟住返屋企！Threads截圖

將軍澳有港女一出𨋢，就有隻柴犬跟住返屋企！Threads截圖

事主苦笑清理「黃金」

樓主分享今次特別體驗，指柴犬在家中留下深刻「痕跡」：「佢屙咗篤超級大篤嘅尿，屙咗成分鐘。不過喺好事嚟，依家有理由洗咗成個廚房。」更幽默補充：「睇得出佢主人餵佢食得幾好，腸道都好健康。」照片中的柴犬神情自在，反觀事主顯得較為緊張。

樓主還準備了簡易床褥給柴柴。Threads截圖

樓主還準備了簡易床褥給柴柴。Threads截圖

樓主還準備了簡易床褥給柴柴。Threads截圖

網民笑指「人比狗焦慮」

帖文引來網民熱議，不少人笑指「樓主仲焦慮過柴柴，柴柴明明好自在」、「佢勁cute勁淡定，好似當自己屋企咁」。網民紛紛提供實用建議，包括帶往獸醫掃描晶片、在柴犬群組發帖尋主等。樓主非常好人、盡責，翌日早上7時許已更新情況，表示會帶柴犬看獸醫，「我都知你（柴柴）掛住屋企人架喇。俾我瞓多陣，一陣帶你去睇獸醫。」

樓主好關心柴柴，經常update柴柴的情況。Threads截圖

柴犬終與主人團聚

樓主最後更新好消息，「搵到喇！柴柴係勁興奮咁飛返入自己屋企。」不但笑言自己「已經變咗個ex（前任）」，更感謝廣大網民幫忙推帖及提供意見。

有網民錯重點，認為百厭柴犬與meme柴有點相像。Threads截圖

最後，樓主希望柴犬「下次唔好咁百厭自己偷走出嚟」，自己則需要補眠休息。事件在網民熱心協助下圓滿解決，柴犬安全回家。