八鄉路旁大樹掛滿Bra引熱議 網笑：林村許願樹d Fd？唔拋寶牒拋Bra

日前有網民大欖隧道轉車站附近見到一個奇景，路旁一棵大樹竟然掛滿了大量胸圍！他拍片將罕有的畫面與網民分享，隨即引來熱議。

已見一排忍唔住分享求解迷

網民在社交平台上載影片，並以「八鄉怪事」為題分享，指自己坐巴士在大欖隧道轉車站落車，沿着八鄉路行回家，路上都會見到有一棵掛滿胸圍的大樹，他終於忍不住問網民「有冇人知係咩事？」，他表示已經發現一段時間，更留意到近日有一些新的胸圍掛了上去，因此「忍唔住要上來求threads神解謎」由他上載的影片所見，大樹上掛了不同顏色的胸圍。令到大樹從遠處望，顯得非常奇特。

影片截圖

胸圍是失物掛上樹望有人認領？

有網民就猜測，可能這胸圍是失物，被人掛上樹是希望可以盡快人認領「可能係附近嘅大媽曬衫，點知大風一吹，吹走晒」，但樓主就認為，「唔似，成棵樹有10幾個，唔會吹到咁平均，何況我呢邊係村屋。」另有網民笑稱「路人見到就隨手執起掛喺樹枝上面，諗住方便失主行過認領」

影片截圖

網笑：林村許願樹d fd

又有網民聯想起林村的許願樹「許願樹，啲人希望自己可以升cup!」、「林村許願樹d fd？唔拋寶牒拋bra」、「八鄉名物Bra招樹」、「新年要嚟拜下！」、「好快變成新打卡景點」、「Bra開富貴」、「種bra得bra」，「可能呢邊啲雀特別咸濕，專門擔走啲bra」

影片截圖

港人熱愛旅遊，足跡遍及全球。早前，一位在冰島旅行的港人，在壯麗的冰天雪地自然美景中，突然發現了一個熟悉的藍色小袋—Tempo紙巾袋。該名網友隨即在社交平台撰文尋物主：「邊個香港人喺冰島漏低咗Tempo?」

網上圖片

帖文一出，隨即掀起網友熱議，不少人形容Tempo紙巾袋猶如「香港身份證」：「我嗰日都已經諗緊邊個香港人將香港身份證跌咗喺冰島」，而貼文曝光後竟然引來疑似Tempo物主現身「認領」，指自己就是紙巾袋的物主：「真係我架，喺衫袋拎手套嗰陣吹走咗執唔返」

網上圖片

網上圖片

Tempo冰島奇遇記事件引發網民熱議：「為何一見到Tempo就認定係香港人？」不少網民紛紛留言：「Tempo唔係得香港有㗎」、「Tempo唔係德國咩？幾時變咗香港特有？」。原來，Tempo雖然源自德國品牌，但在香港市場銷量長期佔據第一，而且香港出售的包裝設計與其他地方不同，極具辨識度，因此這個看似普通的藍色紙巾袋亦被大家稱為另類「香港身份證」。

網上圖片