不少康樂及文化事務署的戶外運動場都設有跑道，供市民緩步跑，但惟不是每位用家都遵守跑道上的「禮儀」。日前有女跑手指一名中年婦人使用葵涌運動場跑道時，一邊「慢步」一邊睇手機，差點與她發生碰撞，引發網民熱議。
threads 影片截圖
婦人第二線打橫飄入第一線
點擊看圖輯
threads 影片截圖
threads 影片截圖
threads 影片截圖
葵涌運動場。康文署網頁圖片
有女跑手在社交平台threads以「運動場禮儀」為題發文，指日前她在葵涌運動場跑道訓練時,，有名中年婦人「第二線打橫飄入第一線..差啲撞死」由她拍攝的影片所見，一名婦人以慢步的速度正在跑道的最內線悠閒地前進，期間無視周圍的來來往往的跑手，全程專注在手機上。樓主形容「例牌快線FaceTime，慢線衝圈」。
threads 影片截圖
最離譜遇有人「逆走同推BB車」
樓主其後補充「我有叫佢睇住，但係佢望一望我之後繼續講電話」並強調「佢行唔緊要，唔好打橫移動」、「如果我煞唔切我就真係唯有撞落去，如果唔係好容易受傷」。她又指此等現像經常發生「葵涌運動場成個場都係咁，好難控制。我試過同啲人講你介唔介意去返最出邊嗰條慢線，好多人衝圈真係會撞死你，佢當我唱歌。」、最離譜遇到竟然有人「逆走同推BB車」。
threads 影片截圖
網友：散步可以去公園或者出海旁
帖文引來網民熱議，「最憎，散步就去返公園啦，俾我一定大聲喝佢」、「快慢好主觀，但玩電話個阿姐就一定唔係跑緊」、「大把呢啲人，話佢仲惡死能燈」、「之前跑運動場真係照撞，1線成班高手衝圈更加唔會切入去」、「我通常跑過會好大聲叫小心」、「葵涌運動場的確係比較多人散步，仲要係仲要係二、三線散步」、「冇人會介意運動場散步，但高峰時段(晚6~9)內線散步呢，俾人白眼/問候/物理超渡就唔好x怨!」、「散步可以去隔離公園或者出海旁，唔明點解要去運動場…」。不過亦有人提出「點解唔放指示牌講下基本禮儀，唔跑開步真係未必知」。
葵涌運動場。康文署網頁圖片
康文署：不得在跑道內進行緩步跑以外的活動
根據康文署的運動場緩步跑開放時間內使用跑道守則，使用者不得在跑道內進行緩步跑以外的活動，以免妨礙其他使用者。緩步跑人士應按自己的速度選擇合適的線道，慢跑者應使用跑道的外圍線道，而快跑者應使用跑道的內圍線道。緩步跑人士在加速、減速或轉換線道時須留意附近的跑手，以免發生碰撞。
