《香港歐化飛鷹活絡油呈獻：中年好聲音4》明晚（2月8日）播出第11集，「70強一對一PK賽」第3回，42歲前《全球華人新秀歌唱大賽》香港區選拔賽「金咪大獎」（當年揮低鄭俊弘奪冠）、現職家庭主婦的何晶晶，獻唱高難度歌曲《Lydia》，不過卻被評審批評揀錯歌，肥媽讚晶晶雖然唱功有進步，但感覺未能駕馭《Lydia》，張佳添更著晶晶要重新評估自己的聲線，聽落似乎有點牙煙，最終晶晶感觸含淚感謝觀眾席上的母親及妹妹。
何晶晶被評審們批揀錯歌。
何晶晶忍唔住喊。
何晶晶母親與妹妹專程到場支持。
陳旭培被爆偷𥄫張佳添？！
點擊看圖輯
何晶晶被評審們批揀錯歌。
何晶晶忍唔住喊。
何晶晶母親與妹妹專程到場支持。
陳旭培自覺適合唱英文歌。
陳旭培台型十足。
黃藝輝揸咪扮吹笛。
黃藝輝唱到好投入。
海兒學黃藝輝扮吹笛。
黃藝輝上次忘記除斗篷。
海兒笑到冇眼睇。
肥媽嘴張開狂笑。
谷婭溦笑黃藝輝冇靈魂。
周國豐呆咗。
五位評審同全場觀眾狂笑。
另一位香港賽區代表35歲配音員陳旭培，上回獻唱英文歌《Careless Whisper》奪5燈佳績，加上外形討好、唱功紮實，被視為大熱之一。今次旭培繼續選唱英文歌，以《Against All Odds》出戰，並承諾之後會挑戰廣東歌。對於陳旭培表現，周國豐讚很有潛質：「佢處理英文歌嘅氛圍、律動非常之好。」海兒：「係我今日暫時最鍾意嘅演出，技巧、情感、表情做得好好。」並踢爆陳旭培Keep住偷望添Sir，到底原因何在？
陳旭培自覺適合唱英文歌。
陳旭培台型十足。
今集娛樂性絕對豐富，除了之前官方宣傳稿提及的兩大「可愛舞王」—「夾夾舞紅褲羅陽」及「雜技炒餸王吳亦偉」，還有一位高人，就是來自大灣區賽區的39歲音樂製作人黃藝輝，表演夠出位之餘，全程對答九唔搭八，難怪獲周國豐封為「中4版劉以達」！黃藝輝唱《最愛是誰》時，中段創意加插扮吹笛＋「嗚嗚」聲，5位評審即時聽到O嘴！
黃藝輝揸咪扮吹笛。
黃藝輝唱到好投入。
事後，車婉婉問：「你中間嗚啲乜？」黃藝輝回答：「諗住加咗會放鬆啲。」周國豐聞言即搶答：「唔會呀！」海兒笑言：「佢（黃藝輝）次次都整啲好笑嘢出嚟，上次唔記得除斗篷。佢頭先『嗚』嗰時隻手仲要扮笛。」周國豐沒好氣指黃藝輝是音樂人，沒理由音樂感如此差！黃藝輝先是靜了一秒，再出乎意料地道歉：「唔好意思呀！」引來全場大笑。谷婭溦見狀忍不住追問：「你嘅靈魂喺度？」想見識黃藝輝對答有幾劉以達，就要密切留意本周日晚播出的《中年4》。
海兒學黃藝輝扮吹笛。
黃藝輝上次忘記除斗篷。
海兒笑到冇眼睇。
肥媽嘴張開狂笑。
谷婭溦笑黃藝輝冇靈魂。
周國豐呆咗。
五位評審同全場觀眾狂笑。
