一周星星｜草蜢三子興奮大玩互爆 蔡一傑爆蘇志威愛玩咀嘴堪稱「Bob 2.0」

TVB娛樂訪談節目《一周星星》今（2月8日）晚10點05播出第九集，邀請了「男團始組」草蜢（Grasshopper）成員蔡一傑、蔡一智與蘇志威擔任嘉賓，主持則是許文軒。

焦點圖片

草蜢合作超過40年，「恩怨」及秘密當然多不勝數。根據《一周星星》日前播出的宣傳精華，三子全程眉飛色舞互爆對方黑歷史兼盡情互相傷害，相當過癮。傑仔大爆三人之中，以蘇老闆最多黑歷史，並指有次蘇老闆因突然噴出海量鼻血，嚇到他O晒嘴：「我以為佢『姨媽到』。」除了互數，草蜢還擅長自嘲！阿智笑言草蜢出道時已是Oppa，皆因「Grasshopper」與「GrassOppa」發音相近，爛Gag指數爆燈。另談到已達拎樂悠咭之齡，阿智大感自豪謂：「我攞咗之後，直情覺得係身份嘅象徵！」

「Grasshopper」與「GrassOppa」的發音相近。

「Grasshopper」與「GrassOppa」的發音相近。

蘇老闆親身回應「三子當中最有錢」傳聞

由於《一周星星》的特色，是每集均會有主持人或是其他藝人向嘉賓發問尖銳問題，在播出的宣傳片中，許文軒第一條問題即相當辣，他問蘇老闆：「傳聞你係三個當中最有錢。」隨即引發三子起哄，蘇老闆笑言：「行出去個個都以為我有錢架。」傑仔乘機爆料：「佢有樣嘢冇我哋兩個咁好，就係佢冇得出街玩。」蘇老闆聞言即搞笑接招：「睇唔睇到呀？有錢冇自由呀！」

蔡一傑講「吹呀」寧舍投入。

蘇老闆被指最有錢。

蔡一智大方認已攞樂悠咭。

蔡一智嘅老虎造型究竟係點？

之後許文軒再追問傑仔是否有「咀嘴癮」？傑仔聞言輕描淡寫否認：「你估我係人都咀㗎？」並「轉移視線」踢爆蘇老闆才會周圍咀人：「佢同Bob（林盛斌）差唔多架。」無所不談的草蜢，更會開腔回應傳了多年的不和傳聞，想知到底草蜢係咪一直扮Friend？就要收睇本周日晚十點播映的《一周星星》。

傑仔爆蘇老闆有「咀嘴癮」。

許文軒與草蜢暢所欲言。

TVB 娛樂訪談節目《一周星星》，明晚（9月13日）9點半翡翠台播出。今集主持王鎮泉走出錄影廠，戶外訪問「金牌媒人」林盛斌（阿Bob）與「帶貨女王」陳嘉佳（細細粒），大談《老表，你好Hea！》經典場面背後不為人知的秘密，並為阿Bob全新個人世界巡迴棟篤笑《BOBMAN搏命先生》宣傳。

阿Bob與細細粒喺《老表，你好Hea！》嘅演出超爆笑。

王祖藍隔空現身分享拍《老表，你好Hea！》趣事。

「自助餐」戲成集體回憶
講到2014年《老表，你好Hea！》中郭寶（林盛斌飾）與Vivienne（陳嘉佳飾）馬拉松式吃自助餐經典一幕，至今仍是網民集體回憶。阿Bob笑言：「呢場戲係從來無間斷喺我同佢（細細粒）嘅生活圈出現緊，我諗總瀏覽量一定唔知過幾多億。叫Vivienne嘅女仔係會好主動走埋嚟同我講，『你好，我叫Vivienne，幾時同我食自助餐』。」當年在酒店拍攝這一場戲的圓枱，更被命名為「Vivienne枱」，足見經典程度。細細粒更自誇：「我覺得自己好勁。」而成就這一幕經典誕生的王祖藍亦隔空邀功：「佢哋兩個CP值非常之高」、「嗰段我自己寫」、「到今日啲人仲轉發緊呢段」。

大家傾得好開心。

細細粒大講拍咀戲幕後秘密。

「拔罐咀戲」幕後秘密大公開
節目亦重溫另一段經典畫面「拔罐咀戲」，阿Bob坦言當時拍得「肉緊」：「佢哋（編劇）寫嘅時候已經寫晒成個畫面出嚟，咁我哋做嘅時候就肉緊啲，真係錫到口水鼻涕齊晒。」當被問到是否一個好Kisser？阿Bob笑言：「我錫嘅時候感覺到你（細細粒）都係有少少歷練，先至會錫得到嗰種效果。」豈料細細粒自爆驚人秘密，更語出驚人：「我感覺到你係有禮貌嘅錫，我以為你條脷會伸入嚟嗰啲。」引起全場爆笑。

阿Bob家人隔空現身爆料。

李思捷分享《玩嘢王》趣事。

細細粒自爆「唔要面」求介紹
提到「金牌媒人」稱號，阿Bob曾幫助不少圈中人覓得真愛。細細粒自爆曾主動找過阿Bob介紹對象：「我自己都好唔要面Send訊息畀佢，其實有冇人可以介紹吓？」阿Bob坦言有出盡力幫忙：「我有將佢嘅相或者故事話畀我身邊，我覺得有機會可以撮合嘅朋友去交代吓，有時緣份未到就未到啦！」而細細粒亦公開擇偶條件，要求非常簡單：「唔好有老婆，其他就冇乜。」

《玩嘢王》婚禮救場成經典
在「獨家考古」環節，重溫李思捷在綜藝節目《玩嘢王》扮飲醉酒大鬧婚禮經典場面。阿Bob透露當中不少難忘事，笑言：「嗰一年我做婚禮司儀都唔少。」節目中，阿Bob老婆黃乙頤及子女隔空深情告白兼爆料，令阿Bob哭笑不得。想知道阿Bob與細細粒笑中有淚的爆笑故事，就要密切留意今晚播出的《一周星星》。