第44屆金像獎｜陳家樂憑《像我這樣的愛情》入圍爭影帝 梁家輝：獲得大家肯定係一件開心嘅事

第44屆香港電影金像獎今日（2月10日）公布入圍名單，影帝競爭相當激烈，入圍包括古天樂《私家偵探》及《尋秦記》、張繼聰《金童》、梁家輝《捕風追影》及陳家樂《像我這樣的愛情》。

古天樂《私家偵探》

古天樂《尋秦記》

張繼聰《金童》

梁家輝《捕風追影》

陳家樂《像我這樣的愛情》

陳家樂表示：「非常感恩能夠因這個角色而獲得提名。這次演出讓我遇見了許多值得學習的同行者，多謝導演、Fish（廖子妤）和其他演員對手、台前幕後的工作人員共同成就了，這部電影，也讓我在表演上得到一次重要的歷練。」

《像我這樣的愛情》劇照

陳家樂續言：「多謝金像獎的選民給予我這份鼓勵，感激公司一直以來的栽培。我會把這份肯定化為前行的動力，在往後的作品中，繼續踏實地走好演員這條路。」

《像我這樣的愛情》劇照

而再度入圍的梁家輝則表示：「我啱啱收到消息我入圍咗香港電影金像獎嘅最佳男主角，但其實我心裏面最高興嘅係聽到名單之後，原來我身邊所認識嘅友好，包括《風林火山》、《捕風追影》裏面嘅演員都有入圍，覺得呢個係我最開心嘅一件事。其實作為演員能夠有作品入圍，獲得大家肯定係一件開心嘅事。」

《捕風追影》劇照

近日忙於開騷的張繼聰，趁空檔為快餐店品牌拍攝廣告，仲有機會與「最愛」電單車同場。不過一向貪靚的張繼聰就笑言，電單車有甜蜜負擔：「今次部電單車係自己鍾意嘅style，由車身嘅拉花、頭盔，我其實都有一個係一樣嘅！揸電單車拍攝係開心，可以寓工作於娛樂，但係拍廣告就會麻煩啲，因為戴完頭盔後，髮型亂晒要重新『set頭』，比較花時間。」

張繼聰近日趁空檔為快餐店品牌拍攝廣。

張繼聰自爆只懂煮麵「醫肚」，但大讚太太謝安琪廚藝非凡：「太太煮嘢食叻嘅，佢都會為屋企人煮唔同嘅食物、唔同地方嘅美食。但佢唔係淨係煮，仲會整埋擺盤，襯埋啲餐具咁樣，好似去咗餐廳食嘢，好勁！有時我都會帶佢出去食飯，都係想畀機會佢偷吓師！」

拍攝花絮

拍攝花絮

拍攝快餐店品牌廣告當日，勾起張繼聰不少「童年回憶」，仲自認食得「腌尖」：「以前中學『打鐘』就急急腳行去霸位，當年十數元一個午餐，可以出街食飯就會覺得好開心，通常都係食雜扒餐、焗飯，因為夠快手，呢啲都係我嘅摯愛！」

拍攝花絮

秋意漸濃，正踏入品嚐熱氣騰騰煲仔飯的最佳時候！大快活人氣「阿活煲神焦香煲仔飯」矚目回歸，今季繼續邀請到「識食人夫」張繼聰拍攝「阿活煲神」宣傳片，演繹「一『煲』當關」的暖笠笠魅力。拍攝期間張繼聰大賣口乖，笑指自己與品牌都係崇尚「快活」，仲話希望一直合作一直「快活」！

拍攝花絮