非常檢控觀｜阮嘉敏演「八婆仔上司」入型入格 莫家淦成「醫生專業戶」

由林志華監製、黎倩儀編審的《非常檢控觀》，逢周一至五晚八點半翡翠台播映。劇集主要演員有馬德鐘、吳偉豪、賴慰玲、陳煒、陳曉華、游嘉欣、蔣家旻、張馳豪、李成昌、程可為等。

阮嘉敏演「八婆仔上司」入型入格！

怒睥。

「姐款」十足！

「美麗誘罪」單元靈魂人物除了丘梓謙（蔥頭），還有飾演醫美醫生謝年實的莫家淦及姑娘馬金芝阮嘉敏。之前憑《靈戲逼人》可愛眼鏡妹造型成功入屋的阮嘉敏Mandy，近年戲路不斷變化，繼在《法證先鋒VI倖存者的救贖》演「黑面Madam」，這次在《非常檢控觀》再度開拓新戲路，飾演惡死、八卦、愛扮大家姐又帶點蛇𠺌的「八婆仔」上司，Mandy出場鬧爆兼怒睥「蠢蛋下屬」史穎喬一幕，令不少網民直呼「好惡」。Mandy之前受訪時曾笑言飾演芝芝這個角色有點難頂，皆因大部分時候說話語氣都很差，而觀乎Mandy兩晚的演出，當她憞起阿姐款鬧爆史穎喬唔識死時，反白眼、Mean爆藐嘴樣再加上手指指係威係勢Body language確實入型入格；話雖如此，Mandy昨晚面對包家富貴親友時，又恰當地擺出謙卑恭敬樣、夠晒八面玲瓏。

阮嘉敏演「八婆仔上司」入型入格！

阮嘉敏演「八婆仔上司」入型入格！

至於莫家淦Keith飾演的謝年實，則是導致人胎素事故真正罪魁禍首之一。主持出身，自2014年開始參與拍劇工作、至今已飾演超過100個角色，當中多為專業人士，包括主持、主播、律及醫生等，Keith受訪時亦笑言自己飾演過很多次醫生：「醫生我真係做好多，好似《隱形戰隊》，好多時做完手術出嚟講嘢嗰個都係我。好難忘有次演醫生，啲對白真係蹺口，當時又最後一場大家想早啲收工，都大壓力架，好彩最後托賴都冇乜NG地完成咗。」、「幕後同事有講過話鍾意揀我做醫生嘅原因，係因為啲好蹺口嘅醫學用詞，我可能因為有主播嘅經驗，所以都相對易啲上手。」

莫家淦阮嘉敏「醫美雌雄」各有千秋 ！

另有開拓生意市場的Keith，多年來涉獵過的生意有眼鏡、手錶、服裝及近年新興的Pickleball等。被問到是否賺到盤滿缽滿，他謙稱仍是守業階段：「係好多生意，但唔會好大盈利，有啲都係輸錢走，始終做生意有風險，好似嗰時眼鏡生意，最尾都係冇得賺，手錶係有賺少少，但疫情後因為需求問題有少少停滯，所以喺拍檔提議下試吓搞埋Pickleball，好彩好多圈中圈外朋友都好撐場。其實所有嘢都仲係播種期，都吃力㗎，始終有兩個小朋友嘛，想要搵多啲錢養家。」

問到記性為何咁好？能應付海量對白及專業名詞？Keith笑言除了因為細細個已喜歡講嘢「唔停口」，亦有賴昔日直播娛樂新聞奠下的基礎：「記稿真係娛樂新聞live嘅訓練，因為真係唔可以甩，甩得多會被人淘汰，呢個仲訓練到我有時拍劇，就算一時唔記得對白，我都會有啲方法可以兜番。」

莫家淦成「醫生專業戶」。

皆因記超長對白同極難專業名詞有一手！

《香港何濟公止痛退熱散呈獻：中年好聲音4》將於本周日（3月29日）晚8點播映「黑白榮耀換位賽」第二回，30強選手根據往績排名，分成上弦黑隊及下弦白隊，上弦按分數高低，自由選擇出場次序，下弦須抽籤決定對戰位置，一對一PK賽分數較高穩坐榮耀寶座，分數較低就會跌入危險區。30強比賽分三集進行，每集五局對決，比賽結束後評審們「退庭商議」，在危險區選擇淘汰兩人，換言之整個「黑白榮耀換位賽」會淘汰6人。

莫家淦指《命運符號》歌詞很貼合自己的經歷。

莫家淦指《命運符號》歌詞很貼合自己的經歷。

今集出戰歌單如下（排名不分先後）：黑隊陳旭培《Perfect》、戴藝《不必在乎我是誰》、尤淑情《愛》、尹景順《路過人間》和蔡宓婕《愛是永恆》，白隊科亞高巴《每天愛你多一些》、朱珠《祇有你不知道》、莫家淦《命運符號》、劉佩玥《喜歡你》和黎若雪《一生中最愛》。

「白眉鷹王」莫家淦透露特別選唱李克勤的《命運符號》，是因為覺得歌詞與自己的經歷很相似。家淦表示加入娛樂圈約22年，最初擔任娛樂新聞的主播：「當時有娛樂記者朋友同我講『你唔好同我哋喺街度等啦，你大學生嚟㗎，做番啲正常工啦』，即係叫我唔好嘥時間。之後加入TVB多咗曝光，同一個記者同我講『家淦，你加油呀！你好似做得愈嚟愈好』。」

肥媽讚莫家淦愈唱愈好。

肥媽讚莫家淦進步神速
主持車婉婉問家淦覺得自己當下是什麼符號？家淦坦言：「係問號嚟嘅。」由於有太多有實力的朋友參加《中年好聲音4》，令他想過應不應該參賽，家淦說：「但依家想將問號變成一個逗號，唔好咁快就句號。」肥媽表示家淦入行時已認識對方，一直不知他懂得唱歌，讚他參賽以來有很大進步。

尹景順歌聲極具穿透力。

海兒聽到如痴如醉，未知會給尹景順幾多分？

至於「東方不敗」尹景順的唱歌技巧毋庸置疑，但今次他收起「最強武器」，以真摯感情獻唱《路過人間》，其獨得的「雌雄同體」歌聲令海兒聽到如痴如醉。尹景順坦言很喜歡歌曲的溫暖治癒感覺，並說：「講真！我唱歌咁耐，我輸大家咁多嘅係我感情冇咁好，因為我唔敢釋放自己嘅感情。」車婉婉笑言：「你未釋放都咁樣，釋放咗都唔知點算！」

尹景順承認以住不敢釋放情感。

黑隊上集大獲全勝，今集有幾多隊員要「退位讓賢」？

另外，上集上弦黑隊大勝，今集終於有下弦白隊隊員「反黑」成功，登上榮耀寶座！想知有幾多位下弦獲勝？會否來過大逆轉令黑隊全軍覆沒？就要密切留意本周日播出的《中年好聲音4》。