長腿女神阮嘉敏近年從商做老闆娘 Mandy為自家品牌首度擺檔凡事親力親為

前東張女神阮嘉敏（Mandy）近年主力拍劇及投身商界做老闆娘，Mandy的自家品牌Mancy將會迎來「第一次」，已創立品牌三年的她首次到市集擺檔，以緊張和期待的心情面對這項挑戰。

長腿女神阮嘉敏

長腿女神阮嘉敏

不忘大派福利

晒出白滑長腿

晒出白滑長腿

近年從商做老闆娘

近年從商做老闆娘

由SOHO MARKET舉辦的招財開運祭市集將於2月27日至3月1日在啟德AIRSIDE的3及4樓購物走廊舉行，屆時會出現各種新春馬年造型的生活雜貨、寵物主題產品，以及充滿新春氣氛的花藝擺設、布藝飾品、植物盆栽、烘焙糕餅、花茶咖啡、肥皂香水及鈎織皮革等。

與Joman拍攝老Best合照

與Joman拍攝老Best合照

招財開運祭市集

首度於市集擺檔的阮嘉敏表示：「我的品牌創立了三年，第一次去市集擺攤位。雖然對很多人來說並非一件大事，但一幻想到擺檔的桌子全都是屬於自己三年來一手一腳所創立的產品，做已經很開心、好興奮。」她又呼籲：「希望各位街坊朋友有時間可以抽空過來AIRSIDE，大家聊聊天，試飲代餐及試用我們的護膚品！」下月將忙於開工拍劇的她偶爾於IG大派福利，不論是與Joman（蔣祖曼）的型格老Best合照或換上短裙造型的長腿獨照，也成功吸引一眾網民留言兼讚好。

由林志華監製、黎倩儀編審的《非常檢控觀》，逢周一至五晚八點半翡翠台播映。劇集主要演員有馬德鐘、吳偉豪、賴慰玲、陳煒、陳曉華、游嘉欣、蔣家旻、張馳豪、李成昌、程可為等。

阮嘉敏演「八婆仔上司」入型入格！

怒睥。

「姐款」十足！

「美麗誘罪」單元靈魂人物除了丘梓謙（蔥頭），還有飾演醫美醫生謝年實的莫家淦及姑娘馬金芝阮嘉敏。之前憑《靈戲逼人》可愛眼鏡妹造型成功入屋的阮嘉敏Mandy，近年戲路不斷變化，繼在《法證先鋒VI倖存者的救贖》演「黑面Madam」，這次在《非常檢控觀》再度開拓新戲路，飾演惡死、八卦、愛扮大家姐又帶點蛇𠺌的「八婆仔」上司，Mandy出場鬧爆兼怒睥「蠢蛋下屬」史穎喬一幕，令不少網民直呼「好惡」。Mandy之前受訪時曾笑言飾演芝芝這個角色有點難頂，皆因大部分時候說話語氣都很差，而觀乎Mandy兩晚的演出，當她憞起阿姐款鬧爆史穎喬唔識死時，反白眼、Mean爆藐嘴樣再加上手指指係威係勢Body language確實入型入格；話雖如此，Mandy昨晚面對包家富貴親友時，又恰當地擺出謙卑恭敬樣、夠晒八面玲瓏。

阮嘉敏演「八婆仔上司」入型入格！

阮嘉敏演「八婆仔上司」入型入格！

至於莫家淦Keith飾演的謝年實，則是導致人胎素事故真正罪魁禍首之一。主持出身，自2014年開始參與拍劇工作、至今已飾演超過100個角色，當中多為專業人士，包括主持、主播、律及醫生等，Keith受訪時亦笑言自己飾演過很多次醫生：「醫生我真係做好多，好似《隱形戰隊》，好多時做完手術出嚟講嘢嗰個都係我。好難忘有次演醫生，啲對白真係蹺口，當時又最後一場大家想早啲收工，都大壓力架，好彩最後托賴都冇乜NG地完成咗。」、「幕後同事有講過話鍾意揀我做醫生嘅原因，係因為啲好蹺口嘅醫學用詞，我可能因為有主播嘅經驗，所以都相對易啲上手。」

莫家淦阮嘉敏「醫美雌雄」各有千秋 ！

另有開拓生意市場的Keith，多年來涉獵過的生意有眼鏡、手錶、服裝及近年新興的Pickleball等。被問到是否賺到盤滿缽滿，他謙稱仍是守業階段：「係好多生意，但唔會好大盈利，有啲都係輸錢走，始終做生意有風險，好似嗰時眼鏡生意，最尾都係冇得賺，手錶係有賺少少，但疫情後因為需求問題有少少停滯，所以喺拍檔提議下試吓搞埋Pickleball，好彩好多圈中圈外朋友都好撐場。其實所有嘢都仲係播種期，都吃力㗎，始終有兩個小朋友嘛，想要搵多啲錢養家。」

問到記性為何咁好？能應付海量對白及專業名詞？Keith笑言除了因為細細個已喜歡講嘢「唔停口」，亦有賴昔日直播娛樂新聞奠下的基礎：「記稿真係娛樂新聞live嘅訓練，因為真係唔可以甩，甩得多會被人淘汰，呢個仲訓練到我有時拍劇，就算一時唔記得對白，我都會有啲方法可以兜番。」

莫家淦成「醫生專業戶」。

皆因記超長對白同極難專業名詞有一手！