非常檢控觀｜阮嘉敏演「八婆仔上司」入型入格 莫家淦成「醫生專業戶」

由林志華監製、黎倩儀編審的《非常檢控觀》，逢周一至五晚八點半翡翠台播映。劇集主要演員有馬德鐘、吳偉豪、賴慰玲、陳煒、陳曉華、游嘉欣、蔣家旻、張馳豪、李成昌、程可為等。

阮嘉敏演「八婆仔上司」入型入格！

怒睥。

「姐款」十足！

「美麗誘罪」單元靈魂人物除了丘梓謙（蔥頭），還有飾演醫美醫生謝年實的莫家淦及姑娘馬金芝阮嘉敏。之前憑《靈戲逼人》可愛眼鏡妹造型成功入屋的阮嘉敏Mandy，近年戲路不斷變化，繼在《法證先鋒VI倖存者的救贖》演「黑面Madam」，這次在《非常檢控觀》再度開拓新戲路，飾演惡死、八卦、愛扮大家姐又帶點蛇𠺌的「八婆仔」上司，Mandy出場鬧爆兼怒睥「蠢蛋下屬」史穎喬一幕，令不少網民直呼「好惡」。Mandy之前受訪時曾笑言飾演芝芝這個角色有點難頂，皆因大部分時候說話語氣都很差，而觀乎Mandy兩晚的演出，當她憞起阿姐款鬧爆史穎喬唔識死時，反白眼、Mean爆藐嘴樣再加上手指指係威係勢Body language確實入型入格；話雖如此，Mandy昨晚面對包家富貴親友時，又恰當地擺出謙卑恭敬樣、夠晒八面玲瓏。

阮嘉敏演「八婆仔上司」入型入格！

阮嘉敏演「八婆仔上司」入型入格！

至於莫家淦Keith飾演的謝年實，則是導致人胎素事故真正罪魁禍首之一。主持出身，自2014年開始參與拍劇工作、至今已飾演超過100個角色，當中多為專業人士，包括主持、主播、律及醫生等，Keith受訪時亦笑言自己飾演過很多次醫生：「醫生我真係做好多，好似《隱形戰隊》，好多時做完手術出嚟講嘢嗰個都係我。好難忘有次演醫生，啲對白真係蹺口，當時又最後一場大家想早啲收工，都大壓力架，好彩最後托賴都冇乜NG地完成咗。」、「幕後同事有講過話鍾意揀我做醫生嘅原因，係因為啲好蹺口嘅醫學用詞，我可能因為有主播嘅經驗，所以都相對易啲上手。」

莫家淦阮嘉敏「醫美雌雄」各有千秋 ！

另有開拓生意市場的Keith，多年來涉獵過的生意有眼鏡、手錶、服裝及近年新興的Pickleball等。被問到是否賺到盤滿缽滿，他謙稱仍是守業階段：「係好多生意，但唔會好大盈利，有啲都係輸錢走，始終做生意有風險，好似嗰時眼鏡生意，最尾都係冇得賺，手錶係有賺少少，但疫情後因為需求問題有少少停滯，所以喺拍檔提議下試吓搞埋Pickleball，好彩好多圈中圈外朋友都好撐場。其實所有嘢都仲係播種期，都吃力㗎，始終有兩個小朋友嘛，想要搵多啲錢養家。」

問到記性為何咁好？能應付海量對白及專業名詞？Keith笑言除了因為細細個已喜歡講嘢「唔停口」，亦有賴昔日直播娛樂新聞奠下的基礎：「記稿真係娛樂新聞live嘅訓練，因為真係唔可以甩，甩得多會被人淘汰，呢個仲訓練到我有時拍劇，就算一時唔記得對白，我都會有啲方法可以兜番。」

莫家淦成「醫生專業戶」。

皆因記超長對白同極難專業名詞有一手！

由林志華監製、黎倩儀編審的《非常檢控觀》，逢周一至五晚八點半翡翠台播映。劇集主要演員有馬德鐘、吳偉豪、賴慰玲、陳煒、陳曉華、游嘉欣、蔣家旻、張馳豪、李成昌、程可為等。

昨晚（2月11日）劇情講述為推廣人胎素療程，包家勉（丘梓謙飾）信心滿滿在酒店舉辦「注射團」，出席的都是包家富貴親友，「打頭陣」的子廉（吳天佑飾）及蘇太接受注射後因嚴重不適送院急救，慶曆集團聲譽受損……向來奸險的龐喆（李成昌飾）乘機要求包勉辭職，善昱（蔣家旻飾）懷疑龐喆早知人胎素有問題，與父親龐喆屢生矛盾……另邊廂，心痛兒子家勉的頌星（陳煒飾），為救家勉出盡辦法，更阻止包希仁（馬德鐘飾）繼續負責案件，埋下了今晚播出的第19集二人嚴重矛盾的伏線……

蔣家旻呢個Look真係好靚。

網民：粉紅色勁襯Angel
昨晚一集最大亮點，是蔣家旻Angel的顏值。雖然是次並非Angel首度飾演富家女，但這次Angel由出場開始，已吸引不少網民留言大讚「靚女」，尤其昨晚一集在酒店的斜肩上裝、配以悠閒草帽及鮮色織物大型花花耳環，亮麗之餘相當搶眼；加上角色善昱人設偏向睿智兼有氣質，令Angel整體感覺十分討好；由於Angel多以粉色系亮相，有網民笑言：「粉紅色勁襯Angel。」

談到顏值吸獲不少正評，Angel受訪時坦言很開心，並笑指「馬神」馬德鐘也有正評她：「好多謝網民嘅讚賞，真係太過獎。其實套劇係3年前拍，無諗過播出後會有呢啲comments，馬神都有同我講過，話我喺劇入面好靚好精靈。雖然我都唔知點解，但一定要多謝監製同埋幕後同事，因為監製阿Lam一直好注重女演員出鏡靚唔靚，對造型好有要求，所以拍攝時，攝影師、燈光師、導演全部都會好專業、好用心去捕捉所有女演員最靚嘅角度。拍嗰陣我都冇諗太多，都係專注點樣演好啲戲。」

蔣家旻出動私伙飾演睿智富家女。

個Look就夠晒搶。

感激幕後同事成就靚樣
Angel續指：「我相信每個女演員都好希望出鏡畀人讚靚，無論係造型定係妝容。」對於被指連小飾物等配件也花盡心思，Angel透露有出動私伙：「我自己真係買咗好多（飾物）去配合角色，另外有啲首飾係公司嘅，都要讚吓幕後designer同事品味好好。」

昨晚另一對吸睛藝人，還有飾演包子廉的吳天佑及其女伴的「東張女神」黎寬怡貓仔。劇情講述二人身穿泳衣在酒店嬉鬧暢泳，雖然只是很短的場口，嚴格來說更並非場口重點，但二人仍憑藉完美Body及超親密互動贏取焦點，當中穿起彩藍三點式、盡顯零贅肉弗爆身材的貓仔，整個人撲向「超級巨胸」天佑一幕，更是睇到網民嘩嘩聲。

吳天佑胸肌同燦爛笑容都好搶。

吳天佑IG圖片

在劇中擁有迷人笑容、及純真性格的吳天佑，是無綫知名大隻仔，藝訓班畢業後，憑着帥氣健碩外形及好口才，做過不少主持工作，包括《流行都市》及《香港原味道》，並於2018年開始參與劇集拍攝，先後演出過《愛．回家之開心速遞》、《C9特工》、《機場特警》、《香港愛情故事》等，吳天佑還是一個愛狗之人，養了三隻法國鬥牛犬，為狗狗開設IG帳戶之餘還帶着牠們一起開廠。