現年46歲的應昌佑（Charles）當年出道即獲天王黎明賞識力捧，不但獲安排擔任衛蘭經典作《大哥》MV男主角，更與衛蘭合唱《24》，一度人氣急升，可惜始終未能在樂壇站穩一線位置。
曾與衛蘭合唱《24》
自2016年推出歌曲《過來人》後，應昌佑便逐漸淡出幕前，將生活重心轉移到家庭上，專心做老公、做爸爸。雖然曝光率大減，但熱愛音樂的他，仍不時在社交平台分享唱歌影片，歌聲依舊細膩動人，獲不少網民大讚「寶刀未老」。
點擊看圖輯
應昌佑宣布轉戰新跑道，正式加盟林盛斌（阿Bob）旗下公司
應昌佑逐漸淡出幕前，將生活重心轉移到家庭上
仍不時在社交平台分享唱歌影片
不過，追夢之餘亦要面對現實。近日，應昌佑宣布轉戰新跑道，正式加盟林盛斌（阿Bob）旗下公司，成為主持團隊一員。他坦言，因為自己精通三文兩語，於是鼓起勇氣主動聯絡阿Bob，沒想到一拍即合，迅速達成合作，直言這是「一個不容錯失的大好機會」。
應昌佑宣布轉戰新跑道，正式加盟林盛斌（阿Bob）旗下公司
對於主持經驗尚淺，他亦相當有自知之明，承諾會下足苦功：「我要變成一舊海綿，吸收晒阿Bob同MC團隊嘅技巧同知識。」更搞笑表示，雖然阿Bob的「英俊瀟灑高大威猛」未必學得齊，但帶動氣氛與臨場反應一定要學到足，期望將來可以在各大活動與觀眾見面。
他承諾會下足苦功
棋人香港昨日（3月3日）盛大舉辦《The Best Awaits 棋人先聲迎新聚》媒體招待午宴，老闆林盛斌（Bob）與鍾楚霖率領一眾星級主持團隊亮相，正式宣布星級司儀團隊加入四位新成員，陣容進一步壯大。宴會開場，Bob打頭陣發言，感謝過去大家一直以來的信任，讓他有機會成立星級司儀團隊，其後宣布四位新成員包括應昌佑（Charles Ying）、王海榛（Dada）、許惠菁（Charmaine）及劉晨芝（Adrienne）正式加盟，連同原有的余迪偉、王鎮泉及庄嘉慧（Kathy），團隊陣容更見鼎盛。
棋人香港盛大舉辦《The Best Awaits 棋人先聲迎新聚》。
應昌佑（右一）、王海榛（右二）、許惠菁（右三）及劉晨芝（右四）正式加盟。
四位新成員在台上逐一分享加盟感受及未來展望。過去曾以歌手身份出道的應昌佑笑言：「好耐冇見，希望大家冇忘記我呢個名。加盟棋人覺得好榮幸同埋好難得，我嘅目標主要都係以MC方向為主。」
應昌佑
王海榛則感謝老闆賞識：「好開心Bob咁睇得起我，我可以勝任司儀/主持嘅角色。呢兩年都好慶幸有機會成為婚禮司儀，過去喺舊公司亦有主持。想喺接下來嘅日子繼續接觸多啲主持/司儀嘅機會，希望好快可以再同大家見面。」她亦透露會繼續發展社交媒體方面的工作。
王海榛
許惠菁坦言2025年是轉變之年：「相信大家都知道2025年對我嚟講都係一個幾大嘅轉變，同埋好多事發生。好多謝Bob，係我自己underestimate自己，佢就overestimate我，等我有機會可以join Chessman呢個大家庭。」她表示希望嘗試不同範疇，包括主持及司儀工作，同時會繼續經營社交媒體及YouTube頻道。
許惠菁
劉晨芝則分享回歸初心的心情：「之前一路比較係歐美個邊拍咗好多真人騷，或者旅遊節目。今年好開心，Bob邀請我加入棋人呢個大家庭。我本身都好欣賞Bob，因為佢嘅正能量好能夠影響到我。」她透露原來在美國唱歌之前，本身亦是司儀出身，更笑言希望金牌媒人Bob將來也為她介紹對象。
劉晨芝
原有星級主持團隊亦紛紛分享感受。余迪偉笑言自己已成「老屎忽」：「今日見到新加入嘅成員，舊嘅成員有幾個冇嚟到，原來我係老屎忽，老臣子。好多謝Bob兩年前嘅邀請，入到呢間公司好開心，因為呢間公司非常之有heart。」
余迪偉
庄嘉慧則以普通話感謝公司給予自由空間：「非常之開心有機會加入棋人娛樂呢個大家庭，容許我用普通話講幾句，因為我始終係普通話嘅主持人。我非常之開心加入棋人娛樂這個大家庭，因為它非常非常自由。」
庄嘉慧
王鎮泉亦期待團隊新火花：「今日非常之開心，因為棋人大家庭一年比一年壯大。今日我哋4位好出色嘅朋友仔加入，平時亦都係一個好熟悉嘅面孔，今日加入咗成為我哋大家庭一份子。」他表示會繼續向Bob學習司儀及媒人事業。
王鎮泉
Bob最後總結感恩見到新舊拍檔合作能產生更多化學作用，為大家帶來更多發展機會：「我最感恩見到就係啱啱同幾位新主持，同埋幾位舊拍檔合作嘅時候，多咗好多唔同嘅發展，例如：迪偉做獨腳戲，每一個人做主持都有一啲新嘅動向，做嘅品牌越嚟越大，希望令我感到好開心。幾位新主持，啱啱簽嘅時候已經好快安排咗好好嘅工作，拍攝，活動。」
林盛斌
