女神同事突問「情人節得閒嗎」港男以為有機會欣喜回應 後續反轉勁尷尬

2月14日為情人節，許多人期待浪漫脫單，但現實往往出人意料。有港男於社交平台Threads發文，分享公司內「最靚女同事」近日主動詢問他情人節當天是否有空。他興奮以為終於等到心儀對象的邀約，立即爽快回覆有空。豈料後續發展令他從雲端墜落谷底，場面極度尷尬。

樓主以為脫單機會降臨

樓主在Threads帖文表示，「最靚女同事」突然問道：「你情人節嗰日得閒嗎？」他滿心期待，毫不猶豫答：「當然得閒啦」。不料女同事接著說明原意，竟是希望與他「調更」，讓他瞬間尷尬到無地自容。

樓主以為脫單機會降臨。資料圖片

帖文引網民熱議

帖文曝光後，迅速引發網民熱烈討論，有人直呼「好灰」、「笑出聲」、「情，總是表錯的多」。不少人分享類似心酸經驗，認為這類誤會在情人節期間屢見不鮮，成為年度經典烏龍。

帖文引網民熱議。資料圖片

網民教路避免重蹈覆轍

有網民獻計如何巧妙回應，「你應該要先問佢咩事？」、「得閒唔等於要同佢調更，兩樣嘢嚟」、「叫佢請你食飯，食得開心咪調更。雖然大部份結果是她會搵第二個調！」、「調更就唔好啦！其他就可以」、「得閒唔代表冇其他嘢做。我得閒但係最近返工整個人burn out 想休息一下」。這些建議旨在讓人先探明對方意圖，避免一廂情願。

網民教路避免重蹈覆轍。資料圖片

網民分享類似經歷

亦有網民回憶自身遭遇，「我都試過1次去問個男同事，一陣食飯食幾點，佢好開心含羞答答咁應我：食12點。然後我：我想同你調食飯時間……我都有啲唔好意思，然後以後問人：我想同你調時間，你食幾點。」

網民分享類似經歷。資料圖片

另一網民分享：「諗起同朋友去睇電影，因為太多人買唔到一齊坐，分開上下兩個位，我隔籬坐一位男士，想佢同我朋友調位，我問：你係咪1個人睇電影啊，呢位男士好開心答我係，之後我問佢可唔可以同我朋友調位，呢位男士聽完面都黑晒，完全唔理我。」

搭車俾錢，天經地義，但近日竟有老伯為慳$1.5車資，與電車女司機爆發一場「霸王車」風波。網上流傳一段在電車車廂內拍攝的影片，一名老伯下車時以「前電車公司員工」為由，拒絕支付長者優惠票價$1.5，與當值女司機激烈爭執，場面火爆。

threads影片截圖

從影片可見，女司機站在駕駛席附近，與一名已落車的老伯理論。老伯情緒激動，多次強調自己「我做咗28年嘞，話畀你聽」，又揚言「160幾架車，我唔需要搭你」，更聲稱「我有離職紙」作為免付車資的理據。然而，當女司機要求他出示相關證件以作證明時，老伯卻推搪説：「我有證件，就唔使同你講啦」，始終未能拿出任何實質證明。

threads影片截圖

threads影片截圖

面對老伯的無理取鬧，女司機表現得相當剋制且立場堅定。她多次表明自己不認識對方，堅持「坐車要畀錢係天經地義嘅」這項基本原則。為免糾紛，她更提醒車廂內設有閉路電視，已清楚拍下整個過程，暗示對方行為已被記錄在案。據上傳影片的網民在留言區補充，事件最終以老伯「死死地走咗」告終，但遺憾的是，「阿伯就死死地走咗，不過都係冇俾錢⋯」，意味著這位「前員工」最終成功「搭霸王車」。

網民力撐司機 狠批老伯無賴

事件在網上引發熱議，大批網民一面倒力撐女司機的處理手法。不少人讚賞她「講得好，冇證明就要照畀」、「司機好有耐性，換轉我已經火滾」。亦有網民直指老伯行為不當，批評道：「好明顯係作嘢啦」、「咁面厚皮」、「話自己前員工就免費，咁個個都話係啦？」、「做過唔等於宜家唔使畀錢」、「冇拎證件出嚟，點信你？」。