學校SBA指定睇收費平台電影　港女質疑對基層學生「唔公平」　網民反應兩極

近日有港女在社交平台發文，指姨甥女的中文科校本評核（SBA）須觀看指定電影《元素大都會》，惟該片僅在收費串流平台Disney+上架，質疑學校「假設所有學生家中已訂閱」。

樓主表示，姨甥女因學校SBA功課需觀看《元素大都會》。Threads截圖

家長怒轟：冇Disney+點做功課？

樓主表示，姨甥女因學校SBA功課需觀看《元素大都會》，但家中並無訂閱Disney+，校方亦未提供其他觀看途徑。她質疑：「係咪假設咗每個學生屋企都有訂閱呢？如果屋企冇、或者負擔唔到，又可以點樣完成份功課？」

樓主表示，姨甥女因學校SBA功課需觀看《元素大都會》。電影劇照

她批評此安排違背「教育人人平等」原則，更變相逼使無力負擔的學生透過非法途徑觀看電影以完成功課，「咁樣安排功課，實際上會令有資源同冇資源嘅學生出現差距……等於將家庭經濟狀況變成學習條件之一，呢個做法並唔公平」。

SBA佔中文科15%

校本評核（SBA）為文憑試中文科必經考核部分，分數直接按比例計入科目總分，佔比達15%。因此SBA表現對最終成績影響顯著，難怪家長對相關安排格外緊張。

校本評核（SBA）為文憑試中文科必經考核部分，分數直接按比例計入科目總分，佔比達15%。資料圖片

樓主強調並非不願付費，而是質疑校方在設計功課時未充分考慮學生家庭條件差異，「相信呢份功課嘅出發點係好，但係設計課程時就應該要再嚴謹啲」。

網民兩極反應

帖文引來網民熱議，意見兩極。有網民認同發文者觀點，指學校不應預設學生擁有收費平台帳號，「要學生訂閱，咁係咪會有資助？」亦有人建議校方應提供課堂放映或集體觀看安排，避免將經濟負擔轉嫁家庭。

樓主表示，姨甥女因學校SBA功課需觀看《元素大都會》。電影海報（資料圖片）

但亦有大批網民反駁，直指「買教科書、買畫具顏料、家政堂買餸都要錢」，質疑發文者雙重標準，「以前讀書SBA要睇7本書咪又係自己俾錢買，冇咪問人借囉」。有人更直言：「咩都要公平，咁不如全部由政府包辦？」認為家長不應將日常學習開銷無限上綱至公平問題。

下個月21日就係父親節，連鎖餅店美心今年推出兩款創意造型蛋糕，點知蛋糕相片一出，即時喺網上掀起熱烈討論，網民反應兩極，有人直指造型似足「祭品」，亦有人大讚夠晒創意。

threads圖片

有網民日前喺社交平台分享喺門市影到嘅蛋糕相，配文寫道：「豆腐火腩飯蛋糕好似上香做忌咁，好地獄」。從相片所見，兩款蛋糕分別係「豆腐火腩飯蛋糕」同「出前一丁餐蛋麵蛋糕」，全部以碗裝造型呈現。其中「出前一丁餐蛋麵蛋糕」直接用上經典紅色出前一丁包裝設計，頂部用奶油擠出密密麻麻嘅「公仔麵條」，再鋪上兩隻荷包蛋同一塊厚切午餐肉造型甜點；而「豆腐火腩飯蛋糕」則喺表面鋪滿模擬米飯嘅脆米，上方堆疊着像真度極高嘅「火腩肉塊」、「豆腐」同綠色蔬菜做點綴，賣相相當逼真。

threads圖片

帖文一出即引來大批網民留言，意見兩極。部分網民對蛋糕造型大感不解，紛紛留言狂轟：「好似祭品」、「真係唔知邊個approved」、「係咪同紙紮舖搞cross over」、「好核突，買唔落」，反應相當負面。

threads圖片

不過，另一邊廂亦有大批網民力撐產品夠晒新意，留言反擊：「又幾有創意喎，多個選擇啫。香港人真係厭尖聲悶，永遠只有彈，唔會讚」、「算係整得幾靚」、「其實好有創意」、「好有創意喎，邊度似啊？幾有諗頭呀，欣賞下得唔得，成日食嚟食去都係嗰啲懶靚嘅蛋糕，呢啲男人鍾意喎」。更有網民表示「好特別，想試晒兩款」、「坊間都好多呢啲造型蛋糕，以呢個價錢算係好抵」，甚至有人搞笑問：「有冇沙嗲牛肉麵？我老公鍾意食呢個」，令討論區瞬間變成「創意蛋糕點評大會」。