梁頌恆話睇過以前案例才宣誓 點解今日話唔得？

梁頌恆可能早已對官司打定輸數，今日下午無去高院睇判詞，去咗樹仁大學演講，聽梁仲恆。佢話睇過以前案例後，才決定點宣誓，總之前後不能加，讀晒全篇。「我哋照做，讀法同以前啲人無分別，點解今日話唔得？」

梁頌恆又講到自己前路問題，話議席非最重要，法庭判決更重要，因影響可見將來憲政文明可否維持，希望判決保護到香港的憲政文明(他演講時未知宣判結果)。他做好應付對方上訴及自己上訴的準備。但錢未準備好，未找律師數，要30、40萬。無論幾多，都打落去，因影響未來幾十年。

梁演講途中主持告訴他判決結果，他說感覺平靜，要維持對權力的制約。又話對新政組織無影響，身無一物，有議席有錢做多啲，無都無問題，同以前做一樣，路線不變。

有在場聽演講的「大人」，認為梁頌恆話睇過以前案例才去宣誓，是一種「細路想法」。首先他睇案例研究讀誓詞的方法，本來就是想逃避誓詞要求效忠中國香港，本意已不想真誠宣誓。其次是以為前後不加就無問題，但梁、游又講粗口，又講支那，講到如此過份，又展示「Hong Kong is not China」橫幅，點解仲覺得無事？

Ariel

** 博客文章文責自負,不代表本公司立場 **

高院判梁頌恒、游蕙禎在宣誓官司中敗訴，並判兩人要俾五份之四政府的訟費，熟悉法庭情況人士估計，佢哋好大鑊，估計政府訟費可高到1000萬元，若然如此他們就要負擔800萬的訟費。當然這只是外界最高估計，真正訟費多少要稍後才知道。

政府的律師團隊中，有兩枝重炮：資深大狀余若海和莫樹聯，莫樹聯更加係基本法委員，因為參加政府官司，宣布不會參加基本法委員會釋法的相關會議。

知情人士話，雖然這個官司打的時間不長，但請兩個資深大狀，加上余若海收費出名貴，但係仲有好多人還爭住請他打官司，所以政府呢條律師費單，點講都唔會平，隨時上1000萬。仲未計梁、游兩人自己一方的律師費。

梁、游二人已可能要嘔番185萬議員薪津出來，另要賠政府律師費，佢哋發呢一場議員夢，都唔係咁易找數。