《聲秀》季軍胡子貝情人節後出歌 首支派台作《情完節》唱盡失戀心聲

季軍Matt胡子貝推出首支派台歌《情完節》，歌曲在2月15日推出，故名思義就是在情人節分手，之後一天就是「情完節」。要如此深情演繹歌曲，會否勾起自己的回憶？他又是否如此浪漫記下分手的日子？子貝說：「我反而唔會特登記得分手嘅日子，因為感情過去咗就要灑脫啲，唔好活在過去。不過我想相信都會引起好多人共鳴，因為每個人分手都會有一個『情完節』。」

胡子貝推出首支派台歌《情完節》

Matt 相信首歌都會引起好多人共鳴

子貝是《聲秀》的第三位幸運兒，比賽後三個月就推出個人單曲，他很感激有這個機會：「好快就有得出歌，心情好激動！之前喺《聲秀》畢業演唱會都有唱過，不過錄音室版本比當時唱Live有唔同嘅演繹，希望係一個新嘅起點俾大家重新認識我。」

他指錄音室版本比當時唱Live有唔同嘅演繹

《情完節》MV子貝找來好友Ophelia柯雨霏做女主角，而Ophelia變「奸霏」做渣女去傷子貝的心，她笑言：「估唔到第一次拍MV做女主角就要做渣女，我最初喺子貝面前扮乖乖女，但實質係一個玩家，玩弄子貝嘅感情。」子貝自爆以前都試過「做兵」，他說：「頭先Ophelia講咗句『你係一個好人』令我諗返起以前做兵嘅回憶。」

MV找來好友Ophelia柯雨霏做女主角

Ophelia變「奸霏」做渣女去傷子貝的心

MV之中二人有不少甜蜜親密的畫面，二人老友鬼鬼，Ophelia說：「我同子貝本身都friend，呢啲場面會易處理啲，肢體接觸會冇咁尷尬，有一幕鼻貼鼻睇落好sweet，其實大家喺度講緊無聊嘢互相嘲笑緊。」子貝則說：「其實會尷尬呀！對望嘅時候望幾秒就笑場喇。」

MV之中二人有不少甜蜜親密的畫面

兩位同為新人，當被問到拍攝MV有甚麼深刻片段？他們異口同聲說是最後一場分手戲，子貝說：「呢場戲要好激動，導演要我逼到300%嘅情緒大聲嗌出嚟，拍到好肉緊！」Ophelia說：「呢場我哋兩個都鬧到眼濕濕，大家都好投入好唔開心。」她續說：「呢一場拍咗好多次，每次都要諗唔同嘢鬧佢，有一次我鬧到唔知鬧咩好，反正都唔收音，我就問導演『我走得未呀！』成隊crew都笑咗，好彩子貝冇笑，最後順利完成拍攝。」

男女主角異口同聲最深刻的場面是最後一場分手戲

《國潮•藝見新生》大型藝術活動日前一連三天在深圳歡樂劇場圓滿舉行，周柏豪、吳若希、張馳豪、柯雨霏、胡子貝等歌手擔任表演嘉賓，展示港樂魅力。

《國潮．藝見新生深圳站》一連三天大型藝術活動圓滿完成。

柯雨霏

胡子貝

首日由周柏豪打頭陣，唱出《宏願》、《夠鐘》及《我的宣言》。雖然天公不造美下起大雨，但柏豪撐著傘站在海上舞台深情獻唱，背靠遼闊前海海景，畫面非常浪漫。緊接有《聲秀》季軍胡子貝靚聲獻唱《情完節》等五首作品；亞軍柯雨霏演繹《直覺型美學》等金曲；張馳豪壓軸唱出《一個人的生日歌》等四首作品。即使大雨連連，現場觀眾身穿雨衣熱情不減。

張馳豪

翌日天氣放晴，劇集歌女王吳若希登場揭開序幕，唱出《越難越愛》、《愛情無價》及新歌《超前告別》，歌聲一響即喚起現場港劇回憶。活動壓軸由「中國音樂劇教父」李盾製作的經典音樂劇《蝶》重演，首度移師露天海上舞台，以海天為背景呈現沉浸式藝術體驗。深圳市政府副市長張華到場支持，盛讚演出令人感動。活動同時穿插香港設計師時裝騷，將海上舞台化身大型貓步天橋，展現跨界藝術魅力。

吳若希

周柏豪