第二集「明星版《唱錢》」 「靚聲魔人」黃洛妍逾95%準確率成「難度區王者」！

由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），本周六晚（21日）八點半翡翠台播出。除了三位常規主持，陸浩明將聯同Plan V其餘四位成員：江廷慧、彭家賢、陳昊廷及侯雋熙主持直播間，而今集直播間嘉賓是二度降臨的《唱錢》鐵粉張與辰！

Janees要靠XiX鼓勵番佢轉頭。

Janees要靠XiX鼓勵番佢轉頭。

Janees驚到要踎低又匿埋咁，好少女。

「肉緊表情包」不輸坤哥張與辰 Janees意外曝光少女心一面
「明星版《唱錢》」特別之處，是參與歌手並不是為自己贏取任何獎金，而是為觀眾贏取獎金謀福利，藝人所通過關卡越多、觀眾有機會贏得獎金金額亦越高，最高金額可達HK$30,000，而且更有可能一人獨得！今集「明星版」登場藝人，是參加《聲夢2》時已有「靚聲大魔王」美譽的亞軍得主黃洛妍Janees。Janees還未開始接受挑戰時明顯驚驚豬，不時驚到「少女心大爆發」玩手指之餘，又Keep住嚇到踎低、挨後、嘆氣、兼與坤哥及張與辰一樣大拋「肉緊表情包」，包括反眼及扁嘴等，看來這個AI即時實測系統絕對可能有激發藝人逗趣表情包的隱藏功能。

Janees成日扁嘴，好搞笑，一啲都唔魔王咯。

一見到自己六個音錯咗四個，Janees嚇到向前烏。

驚到揈水髮咁滯。

Janees挑戰歌單率先睇！
其實早於製作組公布第一階段參賽藝人時，Janees已引爆網民洗版式留言嗌期待。而今集無論是撐場嘉賓XiX、或是兩位主持前輩Eric Kwok及森美，都對Janees信心滿滿，但唯獨Janees本尊卻對自己充滿懷疑，多番顯露茫然表情。對自己信心指數偏低的Janees挑戰Level 1歌曲《天窗》已屢遇「驚險位」，其中有一段更是六個音中錯了四個音，「茶包、浮起、沉澱」這組歌詞近乎全Fail，難怪Janees嘆十聲之餘，更露出牙煙樣兼嚇到震音x2，Janees亦坦認每次一見到紅色即騰晒雞：「佢唔多紅色我就冇咁驚，見到啲紅色我就好驚。」除了Level 1歌曲，節目組還公布了Janees另一首挑戰歌，就是被K友封為「最易走音」歌曲之一的《電燈膽》，Janees本人亦同意歌曲難度極高：「難度在於字密同埋跨度好大，因為中間其實（跳咗）好多個音。」結果，Janees挑戰《電燈膽》時，不但瘋狂走樣、還一度唱至靈魂出竅咁款，相當刺激。

反眼都出埋嚟，完全感受到佢過關後有幾咁大大咁鬆咗一口氣。

呢個「玩手指」動作，真係好少女。

一講到要挑戰《電燈膽》，Janees跳到跌一跌、企唔穩。

睇個樣都知有幾牙煙。

「中高音」輕鬆過關
Janees今集開出歌單，首首都在大家卡拉ok必點之列，當中有兩首更被Eric Kwok譽為「鐵肺之歌」及「點解要咁難」。官方今日發布Janees「賽前分析」，除指出Janees最高分一首歌綜合成績高達97.3%，更封Janees為「難度區王者」及「中高音天后」，意指中高音位完全難不倒Janee。原來Janees以超過95%準確率通過所有「難度區」，難怪Erick Kwok亦點評Janees「愈難嗰啲佢先愈勁」。想親眼見識Janees如何「遇強越強」、令大家「越難越愛」，就要密切留意本周六晚播出的《唱錢》。

由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），昨晚（2月14日）播出首集「明星版《唱錢》，挑戰嘉賓是《唱錢》鐵粉張與辰！

恭喜與辰同兩位拎到獎金嘅家庭觀眾。

與辰唱《浮誇》前段表現相當平穩，網民發現都大嗌好勁。

真係唱到聲沙力竭架，睇相都知。

五體投地原來就係因為唱《浮誇》。

名副其實開心到模糊。

官方公布頭三集「明星版《唱錢》」陣容 有側田！
為迎接馬年，《唱錢》昨晚開始一連三集推出明星版，嘉賓陣容（排名不分先後）有張與辰、還有側田、《聲夢2》亞軍黃洛妍、港姐向海嵐及李尹嫣。「明星版《唱錢》」特別之處，是參與歌手並不是為自己贏取任何獎金，而是為觀眾贏取獎金謀福利，藝人所通過關卡越多、觀眾有機會贏得獎金金額亦越高，最高金額可達HK$30,000，而且更有可能一人獨得！昨晚，張與辰便成功打爆9格Sing盤，成功為觀眾爭取最高HK$30,000，最後獎金由2名觀眾平分，每人獲HK$15,000。

張與辰《唱錢》Song List獲封「死亡歌單」
昨晚張與辰獻唱歌曲為（按Level由低排起）：Level 1《狂野之城》、Level 2《愛在記憶中找你》、Level 3《無賴》、Level 4《那誰》、Level 5《分手總要在雨天》、Level 6《愛很簡單》、Level 7《怎麼捨得你》、Level 8《刻在我心底的名字》，至於Monster Level歌曲則為男士們K歌幾乎必點的《浮誇》；有網民研究歌單，除發現有多達4首屬「地獄級」，並指連Level 1的《狂野之城》也不容易，笑言與辰挑戰的是死亡歌單。

與辰其餘8首歌表現。

與辰個樣勁擔心其實成日都。

天然呆與辰

《浮誇》頭22秒完美0偏差
綜合張與辰9首歌曲表現，成績最好的竟然是Monster Level的《浮誇》，綜合成績高達96.2%！更神的是，張與辰挑戰《浮誇》時、頭22秒完全沒有任何音準或拍子上的偏差，Eric Kwok事後忍不住激讚：「與辰個頭開得好好。」整個挑戰唯一「美中不足」的地方，是與辰唱到最後一粒音時，由於夾雜「長音」及「高音」兩大難度，令唱到近乎冇晒氣的與辰被逼放棄，與辰更綜藝感十足的趴地作五體投地狀示意投降，勁玩得。對於張與辰唱足咁多首，依然「有氣有力有準繩度」地打爆「Sing盤」，網民大感佩服，紛紛留言大讚張與辰好勁。網民：「好癲，前面全部綠色咁滯」、「最欣賞佢唱《浮誇》尾段唱到聲沙力竭都要搏到盡去攞 90%以上，為觀眾爭取三萬蚊」、「連續唱咁多首歌，最後仲要挑戰咁難唱嘅浮誇，真係好唔容易，真心欣賞你，與辰」、「唱完浮誇，我們一家人都大叫」、「真係粒粒音都係高壓下（完成），有血有汗」、「最勁嘅唔係玩一首，而係玩晒9首過9關」、「睇到個心仆仆跳」、「好堅呀，唱晒九首」、「張與辰拍子感真係好勁。」

雖然成件事好多嘢要兼顧，但與辰都盡量投入地去唱歌，好專業。

有感情有台風架。

除盛讚張與辰，網民亦讚昨晚一集《唱錢》極度緊張熱血：「搵唱得之人上嚟，明智之舉」、「與辰在節目中的參與度和真情投入確實能讓觀眾代入節目中，好睇又好聽，正」、「癡咗線，今集越睇越緊張」 、「OMG，太神級喇」、「今集真係睇到心跳加速，手心出汗」。

打爆Monster後開心自轉跳舞勁Cutie
當張與辰成功通過Monster關卡後，全場氣氛熱烈至一個點，張與辰更開心到「原地自轉」兼跳晒舞。最終，為觀眾贏得HK$30,000現金的張與辰，獲頒「王者表揚狀」時開心得真‧合不攏嘴，隔住個Mon都Feel到佢有幾興奮。

開心到哩。