娛圈事
藝人賈曉晨（JJ）自2016年嫁給武打影星樊少皇後，先後誕下兩名女兒「小飯兜」及「小飯團」，近年一家四口移居內地生活，JJ亦轉型成為KOL，不時拍片分享日常點滴。正值新春佳節，JJ與老公樊少皇及兩位千金一同拍片向網民拜年。相中見兩個女兒紮起孖辮、打扮得紅噹噹，相當喜慶 。尤其8歲大女「小飯兜」遺傳了媽媽的回族美女基因，白滑皮膚精緻五官，更被網民誤以為開了美顏功能！
賈曉晨IG圖片
在 Instagram 查看这篇帖子
不過最搶鏡的莫過於其複式豪宅的豪華裝潢！從曝光照片所見，屋內以宮廷式風格設計，空間感十足，牆上掛有巨型油畫，天花更裝設古典吊燈，盡顯氣派 。據知其豪宅更設有私人升降機，私隱度極高。
賈曉晨IG圖片
賈曉晨IG圖片
賈曉晨IG圖片
賈曉晨（JJ）自2016年嫁予樊少皇後，育有兩名女兒，逐漸淡出幕前。近日佢登上網絡節目，罕有剖白多年來嘅內心世界，坦言曾經歷自信低落同產後情緒困擾。
JJ婚後便淡出幕前
佢透露，自己由細受到原生家庭影響，一直缺乏自信，亦好在意別人眼光。最深刻係爸爸從未讚過佢外表，反而只係不斷叫佢讀好書，甚至覺得做藝人「上唔到枱面」。即使結婚後，爸爸嘅觀念仍然冇變，更直言：「女人就應該相夫教子，你有細路就應該留係屋企，唔可以出去做嘢」，令佢當場忍唔住落淚。
講到人生最低谷，係生完小朋友之後。由於老公忙於拍戲，佢長時間獨自照顧BB，情緒跌入谷底：「我會喊，因為會突然間覺得我嘅價值呢…以前成日都會拍戲做嘢，係有成就感㗎嘛，跟住個陣又樣衰，成日都著住睡衣去湊住BB，個落差感係好大，突然覺得無咗我自己，個刻係好唔開心，有啲後悔㗎。」
生BB後，曾一度陷入抑鬱
佢亦坦言，當年與唱片公司完約後，其實有唔少機會，但因為「戀愛腦」加上想法太簡單，以為結婚後仍可兼顧事業，結果錯過發展時機，一度長時間冇戲拍，心情大受影響。
表示當時有很多電影公司想簽JJ，但JJ因婚生女而錯過機會
結果錯過發展時機
自認「戀愛腦」
至於如何走出低谷，佢表示曾服用抗抑鬱藥，但最終都係靠自己慢慢調整心態，學識放下執著。如今再回望過去，佢反而覺得一切都有安排：「如果當時我選擇繼續拍戲，可能就唔會有依家咁幸福嘅家庭…如果比我再選擇，可能我都會選擇依家呢條路。」
