娛圈事
現年55歲的林曉峰與前妻康子妮育有兩子，大兒子林寶與細仔林亦如今均已長大成人。近日，康子妮在社交平台分享多張生活照，其中一張與大仔林寶的合照引起熱議。留着長髮並以頭巾包頭的林寶，外型明顯更加成熟，最新模樣曝光後獲網民一致激讚星味十足。
大仔星味十足
從照片可見，現年22歲的林寶身形高大挺拔，目測身高超過180厘米，五官深邃、輪廓分明，下顎線條清晰，皮膚略帶健康黝黑色，充滿型男氣質。照片中他將媽媽環抱入懷，母子頭貼頭合照，畫面溫馨又有愛，亦展現出成熟穩重的一面。不少網民留言大讚：「真係好靚仔」、「有啲似馮德倫同彭于晏」、「基因太強」、「星味滿瀉」。
目測身高超過180厘米
網民話似馮德倫同彭于晏
目前正在日本留學的林寶，間中亦會陪同爸爸出席公開活動。去年父子同框現身時裝騷，兩人一身黑色系造型登場，林寶梳着旁分髮型，散發冷酷型男氣場，時尚感十足。年紀輕輕已咁有台型，難怪網民紛紛表示：「呢個條件，原地出道都冇問題！」
去年父子同框現身時裝騷
View this post on Instagram
55歲的阮小儀早前宣布結婚，雖然未有公布老公的身份，但就與老公齊齊晒婚戒，網民隨即憑男方手錶尋找線索，結果發現昔日好拍檔金剛擁有同款電子錶，令他被傳是阮小儀的神秘老公而成為熱話！金剛與林曉峰、王祖藍昨晚一同擔任《澳娛綜合呈獻：萬千星輝頒獎典禮2025》的頒獎嘉賓，金剛受訪時即被「祝福」新婚快樂，他笑言：「恭喜小儀，係咪呀？我都估唔到點解係小儀呢？我自己都好意外。」
小儀在日前聖誕節宣布結婚。
本網記者攝
旁邊的林曉峰聞言問：「點解好意外？因為畀人爆咗出嚟？」金剛立即回答：「唔係！哈哈，好意外意思係，我真係估唔到，一早⋯⋯」林曉峰：「一早拒絕咗小儀？」金剛：「小儀話我哋係人鬼殊途，冇可能。」被笑越描越黑，金剛放棄解釋：「係係係！我係同小儀結婚，咁點吖？」金剛又表示，為小儀結婚而真心感到高興，「真係好恭喜佢，好難得佢可以搵到真愛。我都覺得佢老公好偉大，幫大家解決一件事。解決咗一個咁好嘅人。」
本網記者攝
本網記者攝
問到「女神」結婚有沒有心碎？金剛反問：「我女神係邊個？」林曉峰即開玩笑道：「睇你個樣心緒不寧咁樣，人哋問你都唔知點解。好明顯心都碎晒啦。」指「女神」即是小儀，金剛即回答：「冇可能啦！」金剛又透露他知道小儀老公的真正身份，而且認識對方，更大讚小儀老公是個好人。
本網記者攝
本網記者攝
