《香港歐化飛鷹活絡油呈獻：中年好聲音4》第13集團戰，將於明（2月22日）晚8點翡翠台播映兩小時版本，主持為車婉婉及鄭衍峰。評審方面，除繼續有肥媽、海兒、周國豐、張佳添及谷婭溦（溦溦），後台還增加了三位歌唱導師（排名不分先後），分別是教唱歌界KOL張嘉銘（Calvin Sir）、布志綸（布Sir）、及高少華（銀老師），三人將在團戰對決中，以盲選方法各自選出三位心水選手作為自己下回合學員，被選中的9名參賽者在本回合將獲得「免死金牌」、意指無論如何都不會被淘汰。
科亞高巴率領鄭仲豪、錢偉浩、陳逸璇及可嵐組成的《Crystal》。
科亞高巴率領鄭仲豪、錢偉浩、陳逸璇及可嵐組成的《Crystal》。
張佳添讚高巴完全融入歌曲。
海兒讚可嵐及陳逸璇付出了很多Effort。
今次團戰共有8首歌曲：關菊英《講不出聲》、葉蒨文《情人知己》、莫文蔚《呼吸有害》、黃小琥《沒那麼簡單》、太極樂隊《Crystal》、連詩雅《到此為止》、李聖傑《手放開》、陳奕迅《最佳損友》。今日官方發布第二輪事前宣傳，公布了《Crystal》、《情人知己》及《呼吸有害》三個組別的戰況及造型。
點擊看圖輯
科亞高巴率領鄭仲豪、錢偉浩、陳逸璇及可嵐組成的《Crystal》。
科亞高巴率領鄭仲豪、錢偉浩、陳逸璇及可嵐組成的《Crystal》。
張佳添讚高巴完全融入歌曲。
海兒讚可嵐及陳逸璇付出了很多Effort。
許雲妮、莫煥基、黎若雪、許美琪及「貓女郎」組成的《情人知己》。
（左）許雲妮、黎若雪
許美琪真係好喊得，搞到肥媽都喊埋一份。「貓女郎」都有係咁喊，而且佢雖然戴住面具，但情感依然表達得好好、好Touching，勁！
羅陽、馬浩宜、黃藝輝、林靖枝及卓猷燕的《呼吸有害》。
左起：林靖枝、羅陽、黃藝輝
兩大高手馬浩宜（左）、卓猷燕由上集的對手變同組令人期待。
張佳添話呢個表演似真人版《Inside Out》。
三組之中，以Rock味十足、由隊長科亞高巴率領鄭仲豪、錢偉浩、陳逸璇及可嵐組成的《Crystal》組造型最搶眼，五人唱到中途合十拎咪兼高唱和音的畫面，更是相當震撼，單看照片亦能感受到五人表演時的Energy及投入度，獲張佳添大讚是極盡視聽之娛及充滿高潮的表演：「你哋將成件事男女glue咗一齊，每個人有個角色喺裏面」、「去到中間，無論視覺、聽覺，我真係覺得去咗某個時空睇緊某個舞台劇咁」、「好有心思、好有能量，Feel到五位一體。」並大讚高巴的演出，令人忘記他不懂得廣東話：「聽到第四句我係唔記得咗佢唔識廣東話，佢融入晒首歌裏面。」海兒則大讚陳逸璇及可嵐突破自己兼夠晒努力：「始終呢首歌唔係好適合兩位女士，但你哋好committed，盡晒力，你嘅眼神、the whole staging，我覺得你哋係畀咗好多effort落去。」
許雲妮、莫煥基、黎若雪、許美琪及「貓女郎」組成的《情人知己》。
（左）許雲妮、黎若雪
許美琪真係好喊得，搞到肥媽都喊埋一份。「貓女郎」都有係咁喊，而且佢雖然戴住面具，但情感依然表達得好好、好Touching，勁！
「貓眼面罩」勁搶眼
至於由隊長許雲妮、莫煥基、黎若雪、許美琪及「貓女郎」組成的《情人知己》，則採用了歌舞劇的形式呈現歌曲，四名組員除戴上「貓眼面罩」配以「貓女郎」造型，整個表演更是「淚水缺堤」，眾人由綵排到正式表演到表演完講感言一刻，均輪流喊個不停，最終婉婉要出動一整盒紙巾讓五人抹眼淚，十分搞笑。莫煥基笑言許美琪是五人之中最喊得一位：「美琪真係好易喊，我哋畀咗個花名佢叫做『喊包琪』，因為佢差唔多每一次練習，都整喊晒我哋。」美琪則感性回應：「最尾嗰part我唱到自己都喊，因為第一句係『友情如仍未變』，我知呢個係比賽，可能突然之間各散東西，但係都會記得知己嘅笑聲。」、「我尋晚喊、今朝又喊、晏晝又喊，我就嚟冇力喊喇。」對於這個「淚之表演」，評審們讚不絕口，肥媽：「感情拿捏同團隊精神我都好鍾意，你睇我啲廁紙就知啦，係咪先？」海兒：「你哋嘅感情真係好真摯，acting都好真，everything好from heart。」谷婭溦：「最後美琪嗰度touching到我，你最後嗰幾句我入到成件事。」
羅陽、馬浩宜、黃藝輝、林靖枝及卓猷燕的《呼吸有害》。
左起：林靖枝、羅陽、黃藝輝
兩大高手馬浩宜（左）、卓猷燕由上集的對手變同組令人期待。
張佳添話呢個表演似真人版《Inside Out》。
同樣Drama元素豐富的，還有隊長羅陽、馬浩宜、黃藝輝、林靖枝及卓猷燕的《呼吸有害》，五人的表演除了有獨白部分外，還有默劇部分，故事主旨是講述一個受情緒困擾的人，最後如何放低不好的情緒擁抱其他人，別具意義。張佳添：「上次猷燕同浩宜龍爭虎鬥之後，我哋幾咁辛苦都唔知揀邊個，今日見你兩個企咗喺度，我好開心、好期待。」、「你哋諗法好好，似真人版《Inside out》。」周國豐則坦言《呼吸有害》難度極高：「本身揀《呼吸有害》做團戰歌已經好有害，好難呀呢隻歌！」到底五人最終能否戰勝難度歌曲《呼吸有害》？密切留意明晚播出新一集的《中年好聲音4》。
