黃淑蔓首次個人音樂會 電結他自彈自唱送碌柚葉應節

「寰亞孻女」黃淑蔓（Feanna）出道11年，終於迎來人生首個個人音樂會「黃淑蔓 《growth》 Music Live」，日前於西九文化區自由空間「大盒」舉行，全場爆滿。適逢開騷日是農曆年廿八，歌迷入場均獲得Feanna送出「碌柚葉」應節。

黃淑蔓（Feanna）

黃淑蔓（Feanna）

Feanna的「第一次」，除了家人拉隊支持，好友陳健安、Nowhere Boys主音Van和結他手Ken、陳心瑤導演、Feanna新碟《growth》創作總監Tsz、新歌《喵！》創作班底Oscar、簡力恆和Hayley Sit、《I am All Alone》填詞人薑檸樂、《未至於》MV男主角Boris、《梗頸四》MV男主角Scott、ANSONBEAN、江博熙、楊煜謙、成基哲 、Winka@COLLAR、LollyTalk的阿蛋和Sennie、晚安莉莉、曾傲棐、張天穎、Timo、馬天佑、顧定軒、林子峰，以及早前因左腳半月板撕裂入院接受手術的梁釗峰亦撐著拐杖捧場。

Feanna以《猜猜我是誰？》為音樂會揭開序幕，今次歌單除了她的作品，還演唱林憶蓮、陳奕迅、方大同和薛凱琪等前輩的作品和不少外語歌，更以結他自彈自唱Avril Lavigne的《Girlfriend》。當她演新歌《喵！》時，全場高舉貓形手幅，事前她並不知情，所以非常驚喜。台上除了Feanna和樂手們，還有一隻在其新專輯相集亮相名為「野比」的巨形熊公仔，她笑言替它牽紅線，即場以包剪揼送給勝出的歌迷。

黃淑蔓（Feanna）

黃淑蔓（Feanna）

期間Feanna演唱電影「再見UFO」主題曲《華富一號》，她說：「大家都知我係因為11年前唱《差一點我們會飛》，得到香港電影金像獎『最佳原創電影歌曲』而入行，事隔11年，今年我又再次入圍金像獎『最佳原創電影歌曲』啦！呢首歌係我七年前錄，我仲未去英國讀書、18歲嘅時候錄，希望大家多多支持，我哋金像獎見！」

音樂會壓軸歌是2015年電影「哪一天我們會飛」主題曲《差一點我們會飛》，Feanna憑此曲獲得第35屆香港電影金像獎「最佳原創電影歌曲」，電影導演陳心瑤亦於座上，他與全場歌迷一同高舉寫上「We grow with you」手幅，Feanna感動眼濕濕。歌迷完騷不散場大叫encore，她再次出場演唱《I am All Alone》，為音樂會畫上完美句號。

黃淑蔓（Feanna）

完騷後Feanna情緒仍然高漲，說：「我依家心情興奮、緊張又開心，好似發緊夢，非常感恩，好開心，形容唔到，第一次有呢個感覺！」音樂會上，Feanna結他自彈自唱，事前請教Ken@Nowhere Boys等前輩，而粉紅色Hello Kitty結他就要多謝樂隊「晚安莉莉」結他手Yam拔刀相助，她說：「嚟緊我會自己買一支結他，因為大家幾喜歡我彈電結他，咁就繼續學落去，將來可以出多啲band sound嘅歌。其實我仲有好多嘢想試，例如跳唱、Rap。」

Feanna坦言台上見到歌迷揮動手幅時好感動，但為了保持靚妝和要繼續唱歌而強忍眼淚。至於歌單，她表示得到Band Leader賴映彤和A&R的Viki意見，她說：「大部份我嘅作品，仲有我好欣賞嘅歌手作品、同埋由細到大影響我好深嘅歌。我好鍾意學習不同語言，因為同一個意思有好多種表達，所以揀咗不同語言嘅歌送畀大家。」她揚言騷後興奮到農曆新年都不願放假，想繼續唱歌表演。

黃淑蔓（Feanna）

「寰亞孻女」黃淑蔓（Feanna）愛惜小動物，關心流浪毛孩，得知「大樹下善待動物庇護站」面臨資金告急，需要大眾捐款維持日常營運與緊急救援，日前她與Fans帶著貓狗糧食，以及公司同事集資的利是錢，到「大樹下」做義工。呼籲領養代替購買、一次過捐款、每月捐款或助養計劃等，集腋成裘，幫助「大樹下」營運，改善毛孩生活。

「寰亞孻女」黃淑蔓（Feanna）日前與粉絲帶同貓狗糧食及利是錢，到「大樹下善待動物庇護站」做義工。

Feanna說：「今日好有意義，我同Fans一齊到『大樹下』做動物義工，呢度照顧超過一百隻貓狗，每日嘅食物和醫療開支都好大。透過義工Joey，我哋了解每隻狗狗嘅故事。」Feanna與Fans替狗狗梳毛和餵食，期間被熱情的狗狗「抱抱」索吻，笑言：「無諗過我嘅螢幕初吻係畀咗狗仔，佢嘅熱情同埋衝擊，殺我一個措手不及，佢真係好可愛。」

她坦言自小已想養狗，但強調領養是一生一世的責任，呼籲大眾有錢出錢、有力出力，幫助「大樹下」繼續營運，改善逾百隻毛孩的生活。

之後Feanna與Fans帶著零食去「貓舍」，當她坐在梳化上，貓貓立即湧上前討抱，其中一隻成功伏在她大腿上的貓咪，更出手打其他貓要獨霸Feanna，Feanna立即控制場面，左擁右抱。她笑言有少少「出軌」的感覺，說：「唔知返到屋企兩隻貓聞到我身上有其他貓狗味道，會唔會好嬲？剛才入到貓舍，感覺嗰度就係屬於我嘅地方，一入去坐低，啲貓貓就衝晒埋嚟，要我哋摸摸同埋拍Pat Pat，其實貓狗都好需要人陪伴。」之後她在衣服上發現一條貓鬚，說：「聽講對住執到嘅貓鬚許願好靈驗，我希望所有貓狗都可以幸福健康！」

Feanna與粉絲替狗狗梳毛餵食期間，被熱情狗狗「抱抱」索吻。

Feanna早前因為嚮往貓咪無拘無束的性格，而創作新歌《喵！》，問她會為狗狗寫歌嗎？她說：「如果我要寫一首關於狗狗嘅歌，可能要等我真係養咗狗先。其實我由細到大都好想養狗，但要做個有責任嘅主人，每日帶佢落街散步、居住嘅地方，同埋經濟狀況穩定，我先至可以再養多一隻新嘅動物，領養前三思，係一生一世嘅責任，諗清楚先至帶佢哋返屋企。」

她笑言：「無諗過我嘅螢幕初吻係畀咗狗仔。」

雖然未必每個人都可以在家裏養貓狗，Feanna建議可參加「助養計劃」，她說：「每一隻狗仔都有佢嘅身世故事、身體狀況，『大樹下』好需要大家支持和捐款，至可以繼續營運落去。有養寵物都知道醫療費用真係好龐大，希望大家有錢出錢，有力出力。」

其後轉到貓舍，她甫坐下即有貓貓湧上大腿討抱，其中一隻更出手打其他貓要獨霸Feanna，場面搞笑。