臥底嬌娃｜羅毓儀張曦雯行孖咇形成「最強身高反差萌」 黃子雄力撐下屬馬貫東獲封絕世Dream Boss

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的全新輕鬆動作喜劇《臥底嬌娃》，逢周一周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

Yuki同Kelly形成「最強身高反差萌」。

Yuki同Kelly形成「最強身高反差萌」。

Yuki同陳瀅

昨晚（2月25日）潘奕風（馬貫東飾）回歸警隊後，他與上司禤步青PC（黃子雄飾）的互動亦是亮點之一！話說奕風回歸後，由於私自借走權世豪（杜燕歌飾）證物，之後更自薦回歸臥底身份，惹來不少非議。但偏偏PC對奕風卻百分百信任，當他知道郭宗南Aiden（黃子恆飾）在警局內大Wide Shot搜奕風身後，為人向來Casual的PC即時大爆Seed，並與Aiden在天台理論。

面對Aiden一再質疑奕風可信性，PC不但零動搖，更開口力撐下屬：「佢有幾辛苦，付出咗幾多，我係見證住架，所以我會信佢」、「對一個為我出生入死嘅伙計，我唔會有呢種懷疑」。另為了配合臥底主題，PC與奕風傾親密偈都相約在警局以外的社企餐廳，二人一個輕鬆（PC）、一個緊張（奕風）的狀態相映成趣，加上PC對奕風近乎有求必應、力撐到底，令PC這個「絕世好Boss」形象更加入屋，難怪獲封「Dream Boss」。

呢幕馬貫東同黃子雄回顧番當日點樣設局呃杜燕歌好搞笑。

加埋啲特效字，好有卡通感。

黃子雄呢系列嘅樣，令我諗起「輕輕鬆鬆鄧梓峰」。

未知是否因角色太入屋，黃子雄近日在Threads引發熱討，有網民開甫指子雄「天生貴氣」，飾演有錢人及高層特別有說服力，並對子雄的招牌中英夾雜對白煞是喜愛：「佢拍戲一係做有錢人，一係就做高層，佢做任何角色，對白就一定會夾雜英文 “Ok very good”、”Take it easy man”」；並將黃子雄與鄧梓峰及王敏德齊名，指三人同樣自帶高學識氣質：「呢三個係做唔到低下層或者窮人，唔關演技事，係觀眾代入唔到，自帶高學識氣質。」

不過輕鬆還輕鬆，下屬被質疑誠信就士可殺不可辱！

呢句說話，加埋呢個表情，勁Man。

對子恆拋出一大堆「馬貫東有可疑」嘅鐵證，黃子雄其實不無動搖。

網民力推與吳偉豪演父子
帖文一出，短短一日已吸獲過萬Likes，網民紛紛留言表示認同，有人笑言 ”Take it easy man” 見字有聲，又指黃子雄撞樣王敏德＋吳偉豪；亦有網民絞盡腦汁、誓要找出子雄平民角色，相當過癮。網民留言：「天生貴相」、「好想睇番佢主持嘅《反斗英語》」、「TVB王敏德」、「唔怪之得佢鬼鬼地，原來佢有八分之一挪威、八分之一蘇格蘭血統」、「可以同吳偉豪飾演父子」、「細言生！」、「老咗仲型」、「成功人士面相」、「《金宵大廈》做過一次普通人」，還有網民大讚子雄私下為人隨和有型兼有禮貌。而劇組亦似乎甚懂網民心意，昨晚一場天台理論戲，子雄一嚟就對著子恆說「Come on Man！」（係咪都見字有聲呢？）之後又大晒中英夾雜招牌「所以你咪唔Like佢咯」，為場口增添不少趣味及追看點。

但有膊頭有承擔有Team Work決定相信自己嘅下屬，呢種上司精神，好難能可貴。

連坐姿都好貴氣架佢。

PC無論如何都選擇相信下屬嘅人設真係好討好，期待日後更多佢同阿東嘅互動。

說到引發熱討，飾演女PC童小茹的羅毓儀Yuki，連日來亦因身高問題引發熱議，事緣昨晚Yuki與張曦雯Kelly並排而行，由於Kelly擁有175cm身高，與Yuki形成「最強身高反差萌」，更有網民留言質疑Yuki 156cm身高「報大數」，並指Yuki「真人肯定150cm都冇」。對於網民疑團，Yuki大方公開留言回應，大晒高EQ之餘，還順便幫新劇宣傳，相當叻女：「咁你就要快啲嚟我哋《臥底嬌娃》宣傳，證實吓我有冇150。」

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，昨晚播出大結局。

李海銅

《臥底嬌娃》昨晚（3月27日）播出的大結局既緊張又感人，劇情講述奕風（馬貫東飾）幾經辛苦，找到蘇嘉盈（李海銅飾）死前留下的錄音頸鍊，終得悉殺死嘉盈真兇是權世豪（杜燕歌飾）；由於嘉盈死得太慘太冤枉，奕風理智盡失，辭去警察職務之餘，還出盡辦法揪出權世豪進行私刑…幸好危急關頭，奕風想起嫲嫲昔日教誨「你要做好事，唔好做壞事」，才未有殺死權世豪，權世豪最後亦得到應有制裁。

其實權世豪之所以對嘉盈對現殺機，除想逼出嘉盈講出製毒幕後Big Boss、還因誤會嘉盈是劉彪（關禮傑飾）派往阿風身邊收風的臥底；在一輪打鬥及追逐下，暴走的權世豪對嘉盈拳打腳踢後、將大量毒品灌入嘉盈口，最終嘉盈因overdose墮樓慘死！昨晚這一幕，飾演嘉盈的李海銅演技再獲激讚，首先在被灌藥一幕，李海銅放下「藝訓班班花」身段，完美演繹出口吐白沫的overdose狀態，為求真實任由口水絲掛在嘴邊之餘，又不斷反眼代入狀態，相當專業兼演繹自然。

李海銅

李海銅

談到場口，李海銅接受官方專訪時，坦認嘴邊白沫並非道具，而是她自己的「真口水」：「劇組係用咗啲糖溝埋啲粉紅色嘅鹽去畀我服食，為求逼真，我同燕哥夾好咗要實做唔借位」、「到咗真係action嗰吓，我真係濁親，我畀啲鹽濁咗上個鼻度，所以嗰個流口水反應其實係真架，嗰吓我真係好想嘔同咳。我仲記得之後我呻鼻涕，真係呻番啲鹽出嚟。」問到部分場口吊住口水拍攝會否擔心影響靚樣，李海銅專業謂：「外表其實係其次，最緊要觀眾感受到我角色嗰吓嘅辛苦同痛，所以流口水都由得佢喇。但都希望大家唔好介意我咁核突，因為口水加咗鹽之後會起泡，我只係想澄清番我唔係𦧲痰，現場有Cam Man笑我亂𦧲痰，我猛話真係唔係，好好笑。」

李海銅坦言與蘇嘉盈混為一體
李海銅還感激杜燕歌在現場的百般照顧及體貼，並感恩劇中對手馬貫東、陳瀅及杜燕歌都很照顧自己：「因為權世豪個角色本身好多accessories，但因為燕哥知道呢場同我好多動作戲，所以佢一早就拆晒啲戒指、手鍊，仲剪晒指甲，驚整傷我」、「佢仲有教點樣OD會像真啲，因為嗰吓我唔可以清醒，但又唔可以太口齒不清，都有啲難度」、「喺呢度再次好多謝陳瀅、馬貫東同杜燕歌全部都好照顧我，呢套劇真係每個人都教識咗我好多嘢。」談到有網民以「蘇嘉盈」稱呼李海銅，李海銅笑言很歡迎：「因為蘇嘉盈已經等於李海銅，李海銅都等於蘇嘉盈。我係用李海銅嘅視覺去理解蘇嘉盈呢個人，所以其實蘇嘉盈都係李海銅嘅世界觀。」

李海銅

李海銅

而該幕的劇情亦相當震撼，即使自己死到臨頭，嘉盈依然掂記著阿風，除竭力留下「死亡線索」希望協助阿風破案，為免權世豪起疑心，嘉盈於臨死前用盡最後的力氣力證阿風對所有事不知情：「我老細叫我埋潘奕風身攞你料呀，但個傻仔咩都唔肯同我講呀，我唔明點解佢要對你咁忠心呀，我蠢呀，我鍾意咗佢呀…」對白再加上李海銅到位的演繹，場口煞是動容。

由於仍算是新人的李海銅在《臥底》中由頭帶到落尾、並因而人氣急升，問監製方駿釗當初為何會睇中李海銅時，他笑言「完全憑感覺」：「最重要都係氣質，我成日覺得氣質同角色係匹配嘅話，就會事半功倍。」