羅啟豪全新粵語單曲《月球上的藍玫瑰》上架 推繪畫比賽鼓勵畫出心中對歌曲的詮釋

TVB Music Group歌手羅啟豪推出全新單曲《月球上的藍玫瑰》，歌曲靈感來自他去年12月與《小王子》文化聯成的演唱會。作品由張家誠作曲及編曲，林寶填詞，將童話元素融入歌曲之中。藍玫瑰本已罕見，更不用說在月球上出現，寓意一段近乎不可能、卻仍願意相信的愛情。

羅啟豪推出全新單曲《月球上的藍玫瑰》。

羅啟豪

為配合新歌推出，羅啟豪亦拍攝全新MV，並已於昨日（2月27日）正式上架。MV中，啟豪換上粗框眼鏡，並以多個有別於以往形象的造型示人。MV中他飾演一名畫家，造型偏向藝術感與內斂風格，少了以往的溫暖形象，多了一份自我與神秘感。啟豪笑言，今次角色與現實中的自己性格反差頗大：「我同所演角色一樣鍾意畫畫，但性格就完全唔同，所以都幾期待大家睇完會有咩反應！

觀看相關影片按連結：https://youtu.be/PjD5uNmjFw8

MV女主角由HotCha成員張紋嘉（Crystal）擔任，二人首次合作，演繹一段圍繞藝術與感情故事。羅啟豪直言，Crystal的演出為MV增添不少亮點：「場景本身已經好唯美，有Crystal嘅參與令畫面更加靚，我自己好滿意出嚟嘅效果！」他亦表示，期待日後有機會與Crystal在音樂上的合作。

MV女主角由HotCha成員Crystal擔任。

MV圖片

MV圖片

此外，為配合歌曲宣傳，啟豪的宣傳團隊於MV上架當日同步推出《畫出屬於你月球上的藍玫瑰》繪畫比賽。比賽鼓勵喜歡創作的人士，在收聽《月球上的藍玫瑰》後，以傳統繪畫或AI電子繪畫形式，畫出自己心中對歌曲的詮釋。啟豪表示得知有關比賽時感到十分開心，並直言這首歌本身已經充滿畫面感：「我自己都覺得呢首歌好有意境，好期待可以欣賞到每一位參賽者對《月球上的藍玫瑰》嘅不同詮釋。」

《畫出屬於你月球上的藍玫瑰》

是次比賽的得獎作品將由羅啟豪親自挑選。畢業於羅德島設計學院（Rhode Island School of Design）室內建築系，以及紐約帕森設計學院（Parsons School of Design）平面設計系的他，應絕對勝任評審工作。比賽總獎金高達港幣$10,000，歡迎所有香港居民參加，得獎及部分精選作品更會於主題畫展中展出。

羅啟豪

羅啟豪

比賽詳情將於啟豪社交平台公布，歡迎公眾參與，一同以畫筆回應《月球上的藍玫瑰》。

羅啟豪（Ramon）近日忙於籌備六月偕譚輝智合作的紅館《雙聲演唱會》，仍不忘在社交平台分享新搞作「羅啟豪音樂小劇場之《歌單中的密碼》」，Ramon說：「最近有音樂串流平台邀請我主持一個鐘頭嘅音樂節目，可以揀自己鍾意嘅歌、同聽眾傾吓偈，一收到呢個邀請就好開心，我真係有好多sidetrack或者滄海遺珠想同大家分享。」

羅啟豪忙於籌備六月紅館演唱會仍不忘創作小搞作。

Ramon靈機一觸，想到將所選的14首歌串連成一個故事，並以劇場版呈現網上最熱門劇情「撞跌對方耳機」去開展的愛情故事 ，可惜基於技術問題，直播時聽眾聽不清楚部分獨白，Ramon決定動手將整個小劇場重新錄製一次，並放在社交平台分享。

啟豪完成音樂小劇場好有滿足感。

Ramon表示，完成後好有滿足感，首先今次與團隊一起創作獨白，亦有運用AI幫助，啟豪坦言：「自己中文真係唔叻，而家入咗行真係要進步得快啲，AI幫自己創作之餘，亦有幫自己改善中文。」小劇場當中有好多精警或者感動嘅句子，問到是否自身經歷，Ramon說：「都有啲㗎，亦有啲係觀察身邊人嘅故事。」獨白包含迷惘、深情、激動、失而復得等各種情緒演繹，啟豪解釋：「其實自己都好有興趣演戲，但暫時未有機會，正好借住呢個音樂小劇場過吓戲癮，希望可以不定時咁做落去，當成係試鏡等導演監製睇吓我有冇演戲潛質！」Ramon外表斯文，心底裏卻渴望嘗試不同片種，甚至殺手、奸角等等反差極大的角色，他笑言：「總之我想演啲同自己完全唔同嘅角色，俾人知道其實我仲有其他面貌！」

羅啟豪以關淑怡舊作《告別戀曲》作爲音樂小劇場《歌單中的密碼》之開場歌曲並配以療癒系動畫。

今次選曲類型非常廣泛，由關淑怡、鄭秀文、許茹芸，到英文歌甚至衛蘭今年新歌《因爲你世界又多一份光亮》，以及許志安剛剛推出的《信天翁》，Ramon忙於預備演唱會都有時間聽新歌？他說：「入行前已習慣每一日都會上網，睇吓當日出咗乜嘢新歌或者新碟，而家確實係忙咗，但係都擺低唔到呢個熱愛，當日一聽到《信天翁》就好鍾意，諗過喺網上面翻唱，點知遇到呢個機緣，就一定要揀呢首歌，感覺仲特別！」

啟豪為新歌及演唱會宣傳，接受譚玉瑛及何基佑電台訪問。

在《雙聲演唱會》又會不會演繹《信天翁》及小劇場的歌單？Ramon說：「我同製作團隊開咗好多次會，希望帶嚟最精彩嘅成果畀每一位入場嘅觀眾，rundown 暫時要保持神秘感，可以講除咗會唱自己歌之外，順應近期八、九十年代經典廣東歌嘅熱潮，我同輝智會唱好多大家一定好鍾意嘅金曲，亦有一啲大家可能少啲聽，但係一聽就心諗：『係喎，唔記得咗呢首咁正嘅歌添！』我哋會用各自唔同得嚟又好夾嘅方法去演繹呢啲歌，有信心觀眾一定會好鐘意！」

「豪吧」在畫展場內所設餐廳特設演唱會主題餐飲。

有啟豪所喜愛之小鴨及水豚甜品布甸。

羅啟豪音樂小劇場之《歌單中的密碼》 介紹：

羅啟豪：「我鍾意聽歌尤其是sidetrack，鍾意到一個病態嘅地步，決定會不定期將我喜愛嘅歌曲製作成一個小劇場去分享俾大家，希望更多滄海遺珠被聽見、被欣賞，希望你會喺我分享嘅歌單裏面，搵到你都想循環播放嘅旋律 。」

啟豪形容自己喜愛sidetracks至病態地步。

歌迷會「豪吧」於進行中之畫展向歌迷送上劇場版獨白收藏卡坐紀念品。