臥底嬌娃｜張曦雯一集換足9個造型恍如花生騷  超長腿兔女郎Look最吸睛

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的全新輕鬆動作喜劇《臥底嬌娃》，逢周一周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

造型1 眼鏡娘居家Look

造型2 兔女郎Look

造型2 兔女郎Look

造型3 弗爆露腰運動Look

造型4 型格修長中性美Look

昨晚（2月26日）劇情講述為追查疑似是毒品拆家權世豪（杜燕歌飾）上線的愛邦妮集團，潘奕風（馬貫東飾）向PC（黃子雄飾）提出組建臥底小隊，入組要求是要IQ 120或以上女警、其中一名更必須望落似17/18歲…經過一輪考驗，沈佳琪（張曦雯Kelly飾）、江妙姿（陳瀅飾）、童小茹（羅毓儀Yuki飾）成功入隊，並接受潘奕風定立的連串嚴峻考驗，包括團體訓練體能及為各人度身訂造的個人測試，而潘奕風的終極目標，是要三位嬌娃參加女團比賽！

造型5 純白OL Look

22-24 造型6 黑白套裝型格Look

造型7 粉藍青春OL短打Look

造型8 盡顯個人風格塗鴉西裝外套Look

造型9 粉紅青春OL短打Look

首集已獲讚「行走的人肉衣架」的Kelly，昨晚一集繼續大派福利，9個不同造型上陣（不計回憶片段造型），而且款式多元，先後有眼鏡娘居家Look、黑白型格皮褲行政Look、活潑可愛粉色系OL短打裝、盡顯個人風格的塗鴉式西裝外套，貼身露腰運動Look，以及平時難得一見的黑絲兔女郎打扮，而且無論手袋或是耳環，都是經過悉心打扮，感覺Kelly每劇都在上演Fashion Show，連網民亦忍不住感嘆：「一集換咁多衫？」9個造型之中，以「半露腰」網衫居家Look及高佻兔女郎最受歡迎，前者獲讚相當Gfable，後者則被指將Kelly完美身段表露無遺，網民還大讚Kelly「長腿世一」！除了Kelly，在劇中正能量＋熱血度100的Yuki，每次得償所願或是遇到新奇刺激事情，都必定雙眼發光，獲網民大讚雙眼發光時甚有穿透力：「感覺好真心」。

Yuki嘅Bling Bling眼獲讚有穿透力。

特效字幕及IQ題，為劇集增添趣味。

韋家雄呢吓拋鑊雖然係即學即拍，但望落都有板有眼。

到底呢條片尾彩蛋有乜伏筆呢？

對於劇集昨晚正式進入「臥底」戲肉，除了有趣味十足IQ題令觀眾增加代入感、還有馬貫東為三位嬌娃設計的各式古靈精怪、超乎想像臥底訓練，難怪不少網民指愈來愈好睇。其實《臥底嬌娃》劇組確實設計了不少心思位，除了趣味IQ題+跳脫特效字，第三集片尾也加了點小心思，就是在播出字幕期間，加插了劇中大廚權世傑（韋家雄飾）直播教煮嘢食片段，令不少網民大感好奇。據知，這一個是劇組刻意設計的心思位，並會不定期在不同集數的片尾出現，為劇集留下伏線！為了突顯韋家雄廚師身份，劇組有刻意安排拋鑊場面讓韋家雄「大展身手」，家雄接受官方訪問時，透露拋鑊手勢是「即拍即學」之餘，更全靠「鏡頭遷就」：「我平時都會自己煮嘢食，但唔係專業厨師，冇廚藝手勢可言。拍嗰場拋鑊戲，冇事前去學同練習，但有個真廚師喺現場指導我，其實我係完全拋唔起隻鑊，係鏡頭遷就我的。」

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的全新輕鬆動作喜劇《臥底嬌娃》，逢周一周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

Yuki同Kelly形成「最強身高反差萌」。

Yuki同Kelly形成「最強身高反差萌」。

Yuki同陳瀅

昨晚（2月25日）潘奕風（馬貫東飾）回歸警隊後，他與上司禤步青PC（黃子雄飾）的互動亦是亮點之一！話說奕風回歸後，由於私自借走權世豪（杜燕歌飾）證物，之後更自薦回歸臥底身份，惹來不少非議。但偏偏PC對奕風卻百分百信任，當他知道郭宗南Aiden（黃子恆飾）在警局內大Wide Shot搜奕風身後，為人向來Casual的PC即時大爆Seed，並與Aiden在天台理論。

面對Aiden一再質疑奕風可信性，PC不但零動搖，更開口力撐下屬：「佢有幾辛苦，付出咗幾多，我係見證住架，所以我會信佢」、「對一個為我出生入死嘅伙計，我唔會有呢種懷疑」。另為了配合臥底主題，PC與奕風傾親密偈都相約在警局以外的社企餐廳，二人一個輕鬆（PC）、一個緊張（奕風）的狀態相映成趣，加上PC對奕風近乎有求必應、力撐到底，令PC這個「絕世好Boss」形象更加入屋，難怪獲封「Dream Boss」。

呢幕馬貫東同黃子雄回顧番當日點樣設局呃杜燕歌好搞笑。

加埋啲特效字，好有卡通感。

黃子雄呢系列嘅樣，令我諗起「輕輕鬆鬆鄧梓峰」。

未知是否因角色太入屋，黃子雄近日在Threads引發熱討，有網民開甫指子雄「天生貴氣」，飾演有錢人及高層特別有說服力，並對子雄的招牌中英夾雜對白煞是喜愛：「佢拍戲一係做有錢人，一係就做高層，佢做任何角色，對白就一定會夾雜英文 “Ok very good”、”Take it easy man”」；並將黃子雄與鄧梓峰及王敏德齊名，指三人同樣自帶高學識氣質：「呢三個係做唔到低下層或者窮人，唔關演技事，係觀眾代入唔到，自帶高學識氣質。」

不過輕鬆還輕鬆，下屬被質疑誠信就士可殺不可辱！

呢句說話，加埋呢個表情，勁Man。

對子恆拋出一大堆「馬貫東有可疑」嘅鐵證，黃子雄其實不無動搖。

網民力推與吳偉豪演父子
帖文一出，短短一日已吸獲過萬Likes，網民紛紛留言表示認同，有人笑言 ”Take it easy man” 見字有聲，又指黃子雄撞樣王敏德＋吳偉豪；亦有網民絞盡腦汁、誓要找出子雄平民角色，相當過癮。網民留言：「天生貴相」、「好想睇番佢主持嘅《反斗英語》」、「TVB王敏德」、「唔怪之得佢鬼鬼地，原來佢有八分之一挪威、八分之一蘇格蘭血統」、「可以同吳偉豪飾演父子」、「細言生！」、「老咗仲型」、「成功人士面相」、「《金宵大廈》做過一次普通人」，還有網民大讚子雄私下為人隨和有型兼有禮貌。而劇組亦似乎甚懂網民心意，昨晚一場天台理論戲，子雄一嚟就對著子恆說「Come on Man！」（係咪都見字有聲呢？）之後又大晒中英夾雜招牌「所以你咪唔Like佢咯」，為場口增添不少趣味及追看點。

但有膊頭有承擔有Team Work決定相信自己嘅下屬，呢種上司精神，好難能可貴。

連坐姿都好貴氣架佢。

PC無論如何都選擇相信下屬嘅人設真係好討好，期待日後更多佢同阿東嘅互動。

說到引發熱討，飾演女PC童小茹的羅毓儀Yuki，連日來亦因身高問題引發熱議，事緣昨晚Yuki與張曦雯Kelly並排而行，由於Kelly擁有175cm身高，與Yuki形成「最強身高反差萌」，更有網民留言質疑Yuki 156cm身高「報大數」，並指Yuki「真人肯定150cm都冇」。對於網民疑團，Yuki大方公開留言回應，大晒高EQ之餘，還順便幫新劇宣傳，相當叻女：「咁你就要快啲嚟我哋《臥底嬌娃》宣傳，證實吓我有冇150。」