炎明熹元宵節街頭音樂演唱新歌《風旅》全場伴唱 Michael C感人Medley悼念方大同

炎明熹（Gigi）正式加盟Sony Music大中華區後，於3月1日元宵節前夕亮相黃埔天地船景街，與師兄Michael C一同參與由新城廣播主辦、黃埔天地全力支持的「新城．樂動區區《風旅．啟航》」Busking活動。這是她加盟新東家後首次以街頭表演形式近距離接觸樂迷，吸引大批歌迷圍觀，每個角落都擠滿群眾，場面相當墟冚。

「新城．樂動區區《風旅．啟航》」Busking活動

Michael C、炎明熹

炎明熹

炎明熹

炎明熹

活動由新城知訊台主持黎莉擔任司儀，Gigi與同門師兄Michael C分別獻唱，攜手帶來「風旅．啟航」主題演出。Michael C率先出場，演唱《戀愛BB班》後，接著為悼念方大同死忌一周年，而把方大同的歌曲串成medley《愛愛愛》、《每個人都會》、《才二十三》，他懷念說：「上年三月好唔開心，方大同離開咗，依家都好掛住佢，今日將佢幾首歌整成medley紀念佢。同埋佢出咗新MV，希望大家可以支持佢。」相當感人。

Michael C

Gigi緊接出場，特別為歌迷獻唱五首歌曲，包括《風的形狀》、《我真的受傷了》、《是什麼讓我遇見這樣的你》、《大開眼界》及《風旅》。主持黎莉問Gigi元宵節會如何度過？她表示：「就係會食湯圓，大家估吓我最鍾意食咩味嘅湯圓？就係芝麻同花生。」演出期間，Gigi十分照顧粉絲，不時前後左右轉身，照顧四方八面的支持者，有粉絲搞笑大叫：「你背脊好靚。」

炎明熹現身黃埔天地船景街Busking吸引大批fans及市民，擠爆場地

Gigi又邀請粉絲開啟手機燈，營造一片浪漫燈海。現場更有不少粉絲向Gigi大派利是，十分熱鬧。獻唱最後一首歌《風旅》時，全場粉絲為Gigi伴唱，場面溫馨。

炎明熹今日(4月9日)迎來21歲生日，除了分享慶生靚相外，更寫下一篇長文，當中用一句「7×3=21」作開場，不少網民看後都有共鳴。

生日快樂

她直言：「呢條數表面上冇錯，但其實時間從來都唔係一條簡單嘅數學題」，簡單一句已經帶出對成長很深的感受。

發長文表達對成長的感受

相中見佢以休閒造型現身，捧住插有一支蠟燭嘅小蛋糕；另一張則抱住愛貓，展現少女一面。不過最令人發人心省的，是她對人生的剖白。

炎明熹坦言，由14歲到21歲的7年間，就好似經歷咗3段唔同階段，有高有低。佢形容時間過得快到有啲不真實：「上年仲喺度感慨緊20歲，好似仲未感受完就已經21歲。」甚至出現一種「靈魂已經飛走咗但意識仲喺度打轉」的抽離感。

炎明熹坦言，由14歲到21歲的7年間，就好似經歷咗3段唔同階段

佢形容時間過得快到有啲不真實

她亦首次公開自己的壓力模式——「做→壓力→hea →驚→準備→驚→壓力x1000! Boom repeat又repeat」

她亦坦言自己因為諗得太多，反而更難行動，陷入無限循環。這段描述即刻引起不少年輕網民共鳴，直言「完全講中自己狀態」。

她亦坦言自己因為諗得太多，反而更難行動，陷入無限循環

面對迷惘，炎明熹亦感謝粉絲一直支持，仲用排球作比喻：「當我好似一個蝕咗氣嘅排球，你哋永遠都可以以唔同嘅方式幫我續返啖氣」。

炎明熹感謝粉絲一直支持

最後，佢提到會記住一句座右銘：「球不落地，永不放棄」，希望21歲可以帶住初心繼續前行。