幼稚園生寫「4」字不標準遭扣分？港媽嬲爆發文引幼師吐苦水　網民批：矯枉過正

有家長不滿教師因孩子書寫阿拉伯數字「4」的形態不符合「標準」而扣分，發文質問「學寫呢個4都有錯？」，意外引來幼師現身解釋背後苦衷，掀起網民熱議。

家長發文質問：「學寫呢個4都有錯？」Threads截圖

家長發文質問

事件起源於一位家長在Threads分享孩子的幼稚園功課，作業要求書寫數字1至10，其中數字「4」被教師圈起，指其寫法不符標準。家長不解表示「學寫呢個4都有錯？」，帖文隨即引來自稱曾任職幼稚園教師的網民回應。

家長發文質問：「學寫呢個4都有錯？」Threads截圖

教師無奈回應制度所限

該教師無奈表示「其實我都唔想捉呢啲位」，但透露在先前任教的學校，曾因未嚴格糾正學生寫字細節，被副校長、主任抽查功課時要求重新批改。「4字要寫開口、t字要有一勾……圈番都唔夠，仲要原本畀咗三個印，都要我用塗改液塗返嗰一個印。」她指出問題根源在於學校高層或制度要求，最終因無法承受壓力而離職，並建議若家長不接受這種嚴格要求，宜選擇規模較小的幼稚園，而非「大機構幼稚園」。

家長發文質問：「學寫呢個4都有錯？」AI生成圖

網民批教育制度僵化

雖然教師解釋了背後的制度性壓力，但多數網民仍批評此做法矯枉過正。有留言質疑，「我會見校長，叫學校改晒有合口4嘅文件，先好叫小朋友改」，亦有人感嘆「成個system由你未懂事開始訓練你服從」。

有家長分享類似經驗，指教師曾解釋要求寫「開口4」是為了讓初學寫字的孩子避免養成「一筆過寫字」的習慣，強調並非字體錯誤，而是學習階段的書寫規範。

幼稚園老師都百般無奈。AI生成圖

日前有網民在社交平台分享自己「執垃圾」奇遇記，事主在大廈垃圾桶內，發現大量遭丟棄的海味及臘味，包括名貴罐頭鮑魚 、乾瑤柱、臘腸膶腸等。事主未有猶豫，甚至懶理不少食品已過期，直接撿走並開袋食用，更直言：「正常人係睇限期，我就係睇食物質素！」

fb圖片

《愛回家》劇照，示意圖片

事主在Facebook群組「Oh Yes!有野執(報料群組)」撰文，指自己意外在垃圾桶發現一袋海味，內有6罐鮑魚及1罐海螺片，事主隨後又在垃圾桶旁再發現另一批海味臘味，包括盒裝及袋裝的鮑魚、鮑魚汁、鮑魚麵、乾瑤柱及臘腸膶腸。其中一袋鮑魚包裝上標示的「此日期前最佳」日期為2024年11月24日，意味著已過期超過一年，不過事主似乎毫不介意，直接開關開袋享用。

fb圖片

fb圖片

fb圖片

帖文曝光掀起網民熱烈討論，不少網友指事主「今次發達了」，並紛紛猜測「可能兩公婆鬧交，我掉咗都唔畀你個衰佬食」，不過大多數網民則關注食品安全，指照片中乾瑤柱表面有白色粉末，懷疑是否發霉，而有網民就解釋：「唔係發霉啊！係擺得耐，嗰啲係鹽嚟㗎！」，亦有網民提醒「臘腸若存放過久可能產生油膉味，罐頭食品若變壞則會膨脹」

fb圖片

《愛回家》劇照，示意圖片

而被指「執到寶」的事主就堅持自己的「食物質素論」，表示「正常人係睇限期，我就係睇食物質素！」，他又指自己曾撿獲一罐過期12年的罐頭，但「唔敢食，留返餓死先食」