「波霸始祖」葉子楣90年代拍戲辛酸 曾被黑社會逼露點演出

現年59歲的葉子楣於1985年考入亞洲電視藝員訓練班，其後加入嘉禾電影發展電影事業。她憑電影《玉蒲團之偷情寶鑑》爆紅，更因傲人上圍被封為「波霸始祖」，成為90年代紅極一時的三級片艷星。不過即使拍攝情色電影，她多年來仍堅持「三點不露」的原則。

葉子楣被封為「波霸始祖」

為90年代紅極一時的三級片艷星

憑電影《玉蒲團之偷情寶鑑》爆紅

近年逐漸重新活躍於幕前的葉子楣，日前接受資深傳媒人查小欣網台訪問，大談當年拍戲的經歷。她透露曾遇過被黑社會威嚇，要求她在電影中露點演出，但最終仍成功守住底線。

葉子楣表示，90年代自己曾拍過多部三級片，包括《聊齋艷譚》、《女機器人》及《玉蒲團之偷情寶鑑》等。當年人氣高企的她工作不斷，試過一年拍13部戲，還要頻密登台。她指登台表演通常沒有主辦單位規定性感尺度，但拍電影時卻曾遇到壓力：「都有試過發生呢個情況嘅，我遇過黑社會出現、畀佢哋威嚇要露點演出，但我都好好彩有前輩出馬幫手，幫我搞掂個情況。」

指曾遇過黑社會威嚇要露點演出，但好好彩有前輩出馬幫手解決

談到外界常以「胸大無腦」形容身材豐滿的女性，葉子楣坦言不少人見到她後都會說：「有好多人同我講，估唔到你係咁有腦喎」，而她認為自己能得到這些評價，是因為一直堅持原則。

至於當年與彭丹、葉玉卿及利智等性感女星被比較，她則笑言自己「冇對手」，因為從不會把其他女星當成競爭對象，更謙稱自己其實也不算真正的「波霸」：「其實有好多女仔身材都好似我咁樣，只係我個比例誇張啲。」

又言從不會把其他女星當成競爭對象

感情方面，葉子楣一生只談過三段戀情，其中最為人熟知的是1992年與醫生呂錫照拍拖多年，可惜對方於2018年因心臟病離世。至今單身多年的她坦言仍嚮往愛情，但對戀愛也有顧慮。她表示：「好難識男人，可能個男人只係貪我名氣，可以令佢知名度高咗；真係有錢就驚咗我，因為一定畀人起底。」因此她亦擔心遇人不淑或被騙錢，最後只好抱持順其自然的心態：「都係唔好諗咁多。」

今年情人節（2月14號），方力申（Alex）突發宣布已跟拍拖兩年的藝術家女友葉萱（Maple）結婚，再於四個月後的父親節（6月15號）自揭快將榮陞爸爸，雙喜臨門的小方，接受查小欣YouTube 頻道「紅查館」獨家專訪，首度公開求婚與結婚當天一氣呵成、既浪漫又驚險的難忘回憶，更罕談父母對Maple捲入邪教事件的接受與包容，相當窩心！

方力申接受查小欣YouTube 頻道「紅查館」獨家專訪。

新婚大半年，小方接受「紅查館」獨家專訪，談及遲婚理由，他大方表示：「公眾覺得做藝人梗係五光十色，個個都貪玩，所以大家都唔肯結婚，其實我覺得藝人好單純，所有嘢都係公司幫你安排好，好受保護，同埋因為我哋冇返工、冇朋輩，你升職、你結婚，冇大家一齊成長嘅感覺，所以普遍嚟講會遲婚啲。」

小方談及遲婚理由。

年過四十，與Maple又相處愉快，加上希望父母享兒孫福，忽然一個機會出現，小方立即好好把握：「咁啱我要去拉斯維加斯做活動，好方便（註冊結婚），阿媽就話不如結埋婚，咁就開始去組織，有個好好嘅朋友幫我預訂一系列嘅嘢，租咗架飛機掛住『Will You Marry Me』，大家以為好貴，但其實只係五位數字，搞生日都建議你玩吓！」

小方於今年情人節宣布婚訊。

萬事俱備，期間卻發生連串蝦碌，令小方滴汗再滴汗，他笑着憶述：「第一個笑話，飛機比原定遲咗四十五分鐘先嚟，我一路喺海灘拖延時間，結果捱到飛機嚟，我就求婚啦，換衫嘅時候，證婚人嚟咗再多個驚喜，簽埋紙，求婚加結婚一次過進行！」求婚最緊要驚喜，小方卻險被媽媽穿煲！「太太（Maple）臨時臨急話唔去拉斯維加斯，我阿媽就打開口牌：『你去啦，佢（小方）可能會同你求婚！』跟住太太問我，我話冇可能，一定唔會！當離開拉斯維加斯，佢就覺得唔會，因為大家以為拉斯維加斯最容易結婚，但原來洛杉磯都得，佢以為冇咗呢件事，去到真係求婚嗰一刻，佢都愕然，再結婚簽紙就更加愕然！」

方力申

結婚當日，小方所穿的粉紅色西裝，是去年到英國觀看溫布頓男單決賽與湯告魯斯合照同一套，至於Maple那襲漂亮婚紗，小方不禁讚自己：「小欣姐，我都幾叻，我太太嗰兩套婚紗，都係我目測上網訂，我太太係模特兒身形，一着就fit ！」

方力申IG圖片

除了外在條件，Maple的內在美亦令小方感覺與眾不同，小方說：「我覺得佢好唔同，之前去歐洲旅行，返嚟乜都冇買過，佢唔係好需要呢啲，食嘢又係好貼地，同我一樣生活比較簡單，當然佢天真樂觀嘅性格，都係好吸引我！」

小方指Maple的內在美亦令他感覺與眾不同。

早年Maple捲入邪教事件勇敢發聲，小方坦言拍拖一段日子後才跟父母交代：「我媽咪好支持佢，可能佢哋都係白羊座，敢愛敢恨，覺得做得啱，需要發聲就應該講，當時嘅畫面我都有拍低，媽咪攬住女朋友話：『無論你將來同我個仔得定係唔得，我都當你係我個女！』我聽到媽咪咁錫自己嘅女朋友，第一係如釋重負，第二覺得好窩心！我老竇都係非常愛佢，譬如一家人食飯，我問阿爸想食乜嘢，佢話：『你唔好問我，你問Maple食乜嘢！』我哋嘅關係好融洽，而家結咗婚，暫時都係同我爹哋媽咪一齊住！」

方力申

小方婚後首度獨家專訪，尚有詳談美國求婚及結婚當天其他有趣細節，以及身為人夫後的最大改變，小方更自爆與Maple的最大分歧，精彩內容請鎖定查小欣YouTube 頻道「紅查館」！

觀看相關影片按連結：https://youtu.be/-zlyMFMO1c8