《足球女將2》羅詠琪陳樂琳陳凱程成螢花新一任隊長 上季隊長倪碧賢感失落獲教練團暖心安慰開解

ViuTV節目《足球女將2》逢星期一至五晚上9時30分播放。節目秉承第一季女子足球隊「螢花」精神，挑戰成為長遠可發展球會，繼續發揮熱血、搏盡、團結及迎難而上的精神。新一季球員除了經歷不同訓練之外，亦要面對新加入成員的壓力。每個球員都盡力維持自己在球隊中的位置以及要爭取代表球隊出戰最後的比賽。

3月13日友誼賽的賽後檢討中，不少成員都分享到落淚

3月13日友誼賽的賽後檢討中，不少成員都分享到落淚

螢花將會進行第2次的友誼賽

主教練盧均宜勉勵螢花成員繼續逆難而上

主教練盧均宜指NB背負很大的壓力，已影響到在球場上的發揮

後備名額減至5個 馬俊怡感壓力

倪碧賢知悉今季沒能勝任隊長一職，曾感到失落迷茫

3月12日播出的一集，主教練盧均宜宣佈今季將會有3位隊長，包括羅詠琪（Wingki）、陳樂琳（Loklam）和陳凱程（Hoi Ching）。Wingki坦言怕與隊友之間會容易產生誤會：「點解我咁驚做隊長係因為做隊長好煩。平時唔做隊長就會提場，但好擔心我做咗隊長之後，大家就會覺得提場就係This is an order」。技術總監郭嘉諾指Wingki由上季到今季表現越嚟越好，可以肩負到隊長的責任；而Loklam球場上鬆容的態度亦是不可或缺的。而上季隊長倪碧賢（NB）知悉今季沒能勝任隊長一職，坦言曾感到失落迷茫。主教練盧均宜指感覺NB背負很大的壓力，已影響到她在球場上的發揮，不希望見到一個有技術的球員未能發揮實力。領隊馬啟仁（Keyman）安慰NB指：「今季嚟講，希望踢法上能夠俾你發揮多啲係比較重要。第二季競爭高少少，係時候要有成績，就唔係以前捱打輸少啲、0的突破」。知道團隊用意後的NB豁然開朗，希望自己可以全然專注在球場上的表現。主教練盧均宜在友誼賽後大讚螢花：「未試過教練同球員咁齊心去做一件事。我嘅要求係大部份做哂咁濟，教咗咁耐波都未試過。俾到我一個好溫暖同好齊心嘅感覺。」他又勉勵螢花成員因大部份都是由零開始接觸足球，所以不會有失敗，只會有進步，希望大家可以繼續逆難而上。

郭嘉諾分享選擇羅詠琪、陳樂琳、陳凱程成螢花新一任隊長的原因

陳凱程成螢花新一任隊長之一

陳樂琳成螢花新一任隊長之一

領隊馬啟仁安慰倪碧賢

羅詠琪成螢花新一任隊長之一

3月13日播出的一集，螢花將會進行第2次的友誼賽，對手是聖公會陳融中學女子足球隊。由今場比賽開始，後備名額就只剩5個。馬俊怡（Rose Ma）坦言擔心自己會少了很多上場的機會，湯珮明（Tong Ming）就指就算不是正選也沒有關係，只要有落場的機會就可以了。賽後檢討中，不少成員都分享到落淚。郭思（Suey）哭訴指不滿意自己今次的表現：「嚟球場嘅時候，有人同我講話佢好勁㗎踢左翼。但係個下我係有啲心虛，覺得未有資格話自己係稱職嘅進攻球員。不過我會證明俾大家睇」。

《足球女將2：終極一戰》於剛過去的星期日（4月5日）完美落幕，雖然「螢花女子足球隊」（螢花）未能取勝，但她們搏盡無悔的精神贏盡觀眾掌聲。賽後，身穿44號球衣的連家穎（Vian）帶着汗水、雨水與笑意分享成長點滴。這場比賽既是短期驗收，更是「足球員Vian」下一個篇章的序幕。

《足球女將2：終極一戰》於剛過去的星期日完美落幕。

螢花女子足球隊

螢花女子足球隊

螢花女子足球隊

提到背上的44號球衣，原來藏着一份自我期許。Vian 透露：「我揀44號嘅原因，係因為一套日本動漫《藍色監獄》（Blue Lock）。我好希望好似入面嘅『千切豹馬』咁，突破到自己舊患嘅同時，發揮最大嘅速度去攻門。我覺得今日都做到呢樣嘢，所以背負住呢個號碼同精神係成功嘅。」

開賽前天氣晴朗，豈料賽事一開始便下起大雨。這場比賽對習慣在田徑場飛馳的Vian來說是一場硬仗：「今日終於踢完終極一戰，心情好複雜。由一個月前知道自己埋門、單刀嘅能力唔夠，到呢個月不斷加操。做到啦，點知遇到雨戰、水戰。」 Vian形容雨中草地讓跑動變得困難，雨水令球衣變重，加上正值生理期，身體倍感疲累與頭暈：「平時跑我係健步如飛，但今日件衫濕晒、地又笠，好似負重5kg咁。當下要即刻調整戰術，諗點樣先可以做到更多突破。所以今日呢場比賽用咗好多腦，都滿意自己嘅表現。」

雖然「螢花」最終不敵對手「標準流浪女子足球隊」，但Vian在上半場一次接應傳球後轉身傳給中鋒的精彩助攻，連她自己都感到驚喜：「我冇諗過一落場咁快可以攞到波轉身打穿傳畀中鋒。嗰下仲要特登剔高咗，因為知道粒波喺地會轆得非常之慢。嗰下我做到，我自己都俾自己嚇親，好開心做到一啲攻擊同突破。」

螢花女子足球隊

到了最後的頒獎環節，現場正下着傾盆大雨，隊友們大多低頭掩面避雨，唯獨Vian毫不在意，依然堅持望向看台。她感性地解釋：「喺咁惡劣嘅情況下都嚟支持我哋，真係好唔容易，所以我好想望清楚每位觀眾，多謝大家。」

螢花女子足球隊

螢花女子足球隊

經過70堂足球課的洗禮，Vian的足球夢並未完結，她眼神堅定地表示：「我會想繼續踢落去，睇吓仲有啲咩新嘅發現。請大家繼續密切留意我嘅足球新生涯！」