足球女將2｜Vian連家穎親解44號球衣熱血故事 足球夢未完結誓要繼續踢波

《足球女將2：終極一戰》於剛過去的星期日（4月5日）完美落幕，雖然「螢花女子足球隊」（螢花）未能取勝，但她們搏盡無悔的精神贏盡觀眾掌聲。賽後，身穿44號球衣的連家穎（Vian）帶着汗水、雨水與笑意分享成長點滴。這場比賽既是短期驗收，更是「足球員Vian」下一個篇章的序幕。

《足球女將2：終極一戰》於剛過去的星期日完美落幕。

螢花女子足球隊

螢花女子足球隊

螢花女子足球隊

提到背上的44號球衣，原來藏着一份自我期許。Vian 透露：「我揀44號嘅原因，係因為一套日本動漫《藍色監獄》（Blue Lock）。我好希望好似入面嘅『千切豹馬』咁，突破到自己舊患嘅同時，發揮最大嘅速度去攻門。我覺得今日都做到呢樣嘢，所以背負住呢個號碼同精神係成功嘅。」

開賽前天氣晴朗，豈料賽事一開始便下起大雨。這場比賽對習慣在田徑場飛馳的Vian來說是一場硬仗：「今日終於踢完終極一戰，心情好複雜。由一個月前知道自己埋門、單刀嘅能力唔夠，到呢個月不斷加操。做到啦，點知遇到雨戰、水戰。」 Vian形容雨中草地讓跑動變得困難，雨水令球衣變重，加上正值生理期，身體倍感疲累與頭暈：「平時跑我係健步如飛，但今日件衫濕晒、地又笠，好似負重5kg咁。當下要即刻調整戰術，諗點樣先可以做到更多突破。所以今日呢場比賽用咗好多腦，都滿意自己嘅表現。」

雖然「螢花」最終不敵對手「標準流浪女子足球隊」，但Vian在上半場一次接應傳球後轉身傳給中鋒的精彩助攻，連她自己都感到驚喜：「我冇諗過一落場咁快可以攞到波轉身打穿傳畀中鋒。嗰下仲要特登剔高咗，因為知道粒波喺地會轆得非常之慢。嗰下我做到，我自己都俾自己嚇親，好開心做到一啲攻擊同突破。」

螢花女子足球隊

到了最後的頒獎環節，現場正下着傾盆大雨，隊友們大多低頭掩面避雨，唯獨Vian毫不在意，依然堅持望向看台。她感性地解釋：「喺咁惡劣嘅情況下都嚟支持我哋，真係好唔容易，所以我好想望清楚每位觀眾，多謝大家。」

螢花女子足球隊

螢花女子足球隊

經過70堂足球課的洗禮，Vian的足球夢並未完結，她眼神堅定地表示：「我會想繼續踢落去，睇吓仲有啲咩新嘅發現。請大家繼續密切留意我嘅足球新生涯！」

熱愛運動的連家穎（Vian）日前應邀參加「Red Bull Rocket Boost Cup」，人生第一次駕駛「超級四衝程」卡丁車！這場兩日一夜的極速之旅絕對是地獄式挑戰，首日學車，隔天直接上陣比賽。面對同場對手竟然包括早前曾與一級方程式（F1）世界冠軍同場較量的游學修，Vian坦言壓力山大，她穿上與7屆F1世界冠軍咸美頓（Lewis Hamilton）的專屬號碼「44」號戰衣，為自己壯膽開戰！

連家穎（Vian）日前參加「Red Bull Rocket Boost Cup」，人生首次駕駛超級四衝程卡丁車。

今次賽事陣容鼎盛，一行17位來自不同界別的藝人與專業車手同場激鬥，除了Vian和游學修，還有岑珈其、波仔Boris、戴玉麒Yukki、樊沛珈、Novel Fergus、Jimpae、陳俞希（HaileyC）、林千渟、陳善渝、楊雅文（泰妹）、吳慧琪（KiKi）、李穎彤（Ellie）、吳伊琳（510）、郭曉妍（Ahyo）以及香港職業賽車手黃敬慈（Keiko）等，以及賽車媒體創作人「L佬」等專業人士隨團指導，場面相當熱鬧。

Vian笑言在賽車場上選用44號，心裡其實有種「唔知醜」的微妙感覺：「足球場嘅我雖然係44號，但喺賽車場上嘅44係代表至高無上嘅咸美頓。為咗對得起呢個數字，我會盡量揸得唔醜怪，唔炒入草灺。今日一個目標：安全，唔炒入草地！」她回想練習時，腦海小劇場爆發，整天幻想轉彎太快會整架翻車，緊張得心跳手震。

首日學車、隔天直接上陣，同場對手包括曾與F1世界冠軍較量的游學修等17位藝人及專業車手。

Vian穿上咸美頓專屬「44」號戰衣壯膽，練習時緊張到心跳手震，第二輪徹底解放大膽踩油，單圈以59秒完成，驚喜跳起。

看完第一日比賽影片與成績後，Vian在第二輪練習決定徹底解放、大膽踩油，連過彎也踩著油門不放。女車神駕到，比起首輪練習足足快多1分鐘，她更揚言：「『飛躍進步獎』非我莫屬！」當聽到大會公布其最快單圈成績以59秒完成時，Vian驚喜到開心跳起，全場歡呼拍掌替她高興。她直呼如果時光倒流，最想對賽前騰雞的自己大喊：「係唔會翻車架！」笑言解鎖了打機才有的「飄移再扭正」神技。

在重頭戲終極比賽，大會「神還原」游學修早前在英國Silverstone賽道出戰小型賽車挑戰賽《Max vs 100》、跟韋斯塔本（Max Verstappen）對戰的形式。今次則由游學修包尾最後起步，瘋狂追趕Vian等16位賽車手。對於被大神爬頭瞬間，Vian手舞足蹈說：「第一次被游學修爬頭嘅時候，同時仲有好多架車，我有少少嚇襯，揼咗一下大迫力（煞車掣），成架車打橫停低，有少少被佢氣勢嚇窒咗！」雖然最後被對方爬頭兼「Lap」了兩個圈，但Vian穩陣衝線，笑言與游學修同框「一齊起步、一齊衝線」浪漫，絕對是超額完成。

終極賽Vian被游學修爬頭時一度嚇窒，最終穩陣衝線。

Vian 總結這兩日笑聲不斷的極速之旅「好好玩」，更宣告對賽車已經徹底「入坑」，揚言下次要嘗試「冇咁穩陣地進步」，誓要繼續挑戰自己，解鎖更多賽道上的無限潛能。

Vian笑言同框浪漫超額完成，更宣告已徹底「入坑」賽車。