臥底嬌娃｜與馬貫東虐心戀無限反轉勁受歡迎搞喊網民 李海銅演技顏值在線獲推膺今年女飛躍

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，逢周一至周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

李海銅尋晚一集只係出場咗兩分鐘左右已經勁搶戲。

李海銅嘅甜笑眼神同啲劇情係完美配合，齋睇相都感受到佢對馬貫東嘅愛意。

就算耍性子，都耍得溫婉過人。

最後因為發現咗阿東嘅臥底身份，李海銅唔再扭計兼回復善解人意之餘，仲承諾要守護阿東，勁感人。

最後因為發現咗阿東嘅臥底身份，李海銅唔再扭計兼回復善解人意之餘，仲承諾要守護阿東，勁感人。

昨晚（3月17日）劇情講述佳琪（張曦雯飾）發現劉彪（關禮傑飾）背著邦妮（邵美琪飾）搭上秘書Flora（姚嘉妮飾），遂向邦妮作出暗示，不過邦尼似乎早已知情，並婉轉地著令佳琪不要再提…另邊廂佳琪發現父親沈逸良（潘志文飾）與昔日小三仍有聯絡，與逸良關係再度惡化，直到逸良心臟病發，佳琪才得悉自己當年才是累死母親的真兇…

昨晚最大焦點，繼續是潘奕風（馬貫東）與蘇嘉盈（李海銅飾）嘅「虐心風盈CP」！自第16集《臥底嬌娃》播出後，李海銅人氣急升，昨晚第17集一開播，已有大量網民坐等「銅B」！昨晚「風盈CP」回憶部分劇情講述嘉盈因承受不到與潘奕風「見不得光的戀愛」、二人苦陷分手邊緣…直到嘉盈意外發現奕風「臥底」身份後，不但馬上變回「開心甜美少女」，還承諾要守護阿風，再度甜爆網民。

就算李海銅拍片扮發惡，網民都覺得佢溫柔。

就算李海銅拍片扮發惡，網民都覺得佢溫柔。

「風盈CP」大受歡迎呀！

「風盈CP」大受歡迎呀！

不少網民被「銅B」的善解人意融化，更有網民感動落淚：「睇到喊咗」、「呢個反轉好好睇」、「咁都冇發爛渣，真係好女仔」、「完美到癲」、「超明白事理，又善解人意」、「想分手嗰段真係畀佢感動到」、「隱藏女主角」、「又靚性格又好」、「有幾Sweet就有幾慘」。由於嘉盈太受歡迎，不少網民跪求其真正死因，並力推李海銅榮膺今年女飛躍！

被網民再度盛讚「靚到好似AI」、「有股解釋唔到嘅仙氣」的李海銅，IG Followers人數持續攀升。再由1.9萬勁升至2.54萬，短短一日半急升接近1萬Followers（原本是1.6萬），升幅高達62.5%，走勢驚人。未知是否回餽網民，李海銅昨日上載了與馬貫東的搞笑短片！片段所見，阿東因意外撳住咗部電話，令李海銅「大發雷霆」，拎紙巾怒掟阿東。搞笑的是，有網民留言：「發嬲都嬲得溫柔過人」，足證李海銅溫柔甜美形象何等深入民心。

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，昨晚播出大結局。

李海銅

《臥底嬌娃》昨晚（3月27日）播出的大結局既緊張又感人，劇情講述奕風（馬貫東飾）幾經辛苦，找到蘇嘉盈（李海銅飾）死前留下的錄音頸鍊，終得悉殺死嘉盈真兇是權世豪（杜燕歌飾）；由於嘉盈死得太慘太冤枉，奕風理智盡失，辭去警察職務之餘，還出盡辦法揪出權世豪進行私刑…幸好危急關頭，奕風想起嫲嫲昔日教誨「你要做好事，唔好做壞事」，才未有殺死權世豪，權世豪最後亦得到應有制裁。

其實權世豪之所以對嘉盈對現殺機，除想逼出嘉盈講出製毒幕後Big Boss、還因誤會嘉盈是劉彪（關禮傑飾）派往阿風身邊收風的臥底；在一輪打鬥及追逐下，暴走的權世豪對嘉盈拳打腳踢後、將大量毒品灌入嘉盈口，最終嘉盈因overdose墮樓慘死！昨晚這一幕，飾演嘉盈的李海銅演技再獲激讚，首先在被灌藥一幕，李海銅放下「藝訓班班花」身段，完美演繹出口吐白沫的overdose狀態，為求真實任由口水絲掛在嘴邊之餘，又不斷反眼代入狀態，相當專業兼演繹自然。

李海銅

李海銅

談到場口，李海銅接受官方專訪時，坦認嘴邊白沫並非道具，而是她自己的「真口水」：「劇組係用咗啲糖溝埋啲粉紅色嘅鹽去畀我服食，為求逼真，我同燕哥夾好咗要實做唔借位」、「到咗真係action嗰吓，我真係濁親，我畀啲鹽濁咗上個鼻度，所以嗰個流口水反應其實係真架，嗰吓我真係好想嘔同咳。我仲記得之後我呻鼻涕，真係呻番啲鹽出嚟。」問到部分場口吊住口水拍攝會否擔心影響靚樣，李海銅專業謂：「外表其實係其次，最緊要觀眾感受到我角色嗰吓嘅辛苦同痛，所以流口水都由得佢喇。但都希望大家唔好介意我咁核突，因為口水加咗鹽之後會起泡，我只係想澄清番我唔係𦧲痰，現場有Cam Man笑我亂𦧲痰，我猛話真係唔係，好好笑。」

李海銅坦言與蘇嘉盈混為一體
李海銅還感激杜燕歌在現場的百般照顧及體貼，並感恩劇中對手馬貫東、陳瀅及杜燕歌都很照顧自己：「因為權世豪個角色本身好多accessories，但因為燕哥知道呢場同我好多動作戲，所以佢一早就拆晒啲戒指、手鍊，仲剪晒指甲，驚整傷我」、「佢仲有教點樣OD會像真啲，因為嗰吓我唔可以清醒，但又唔可以太口齒不清，都有啲難度」、「喺呢度再次好多謝陳瀅、馬貫東同杜燕歌全部都好照顧我，呢套劇真係每個人都教識咗我好多嘢。」談到有網民以「蘇嘉盈」稱呼李海銅，李海銅笑言很歡迎：「因為蘇嘉盈已經等於李海銅，李海銅都等於蘇嘉盈。我係用李海銅嘅視覺去理解蘇嘉盈呢個人，所以其實蘇嘉盈都係李海銅嘅世界觀。」

李海銅

李海銅

而該幕的劇情亦相當震撼，即使自己死到臨頭，嘉盈依然掂記著阿風，除竭力留下「死亡線索」希望協助阿風破案，為免權世豪起疑心，嘉盈於臨死前用盡最後的力氣力證阿風對所有事不知情：「我老細叫我埋潘奕風身攞你料呀，但個傻仔咩都唔肯同我講呀，我唔明點解佢要對你咁忠心呀，我蠢呀，我鍾意咗佢呀…」對白再加上李海銅到位的演繹，場口煞是動容。

由於仍算是新人的李海銅在《臥底》中由頭帶到落尾、並因而人氣急升，問監製方駿釗當初為何會睇中李海銅時，他笑言「完全憑感覺」：「最重要都係氣質，我成日覺得氣質同角色係匹配嘅話，就會事半功倍。」